Nehemia 2:8 - KITABU KITAKATIFU

⁸ Kandi ndaateva mbeevwe ibarwa yindi mbiliri Asafu, mulindi wu militu ju vwami, imulagaa aduuki kumba misaala nombe vikongo vie virivwa vie imbinga ikingaa Litembeli kandi via madigi gi lidaala linene kandi vie inyumba yainze komenya mu. Mwami yamba viosi via ndateeva mbeevwe, kigira Nyasaye yaali harara niinzi.

Nehemia 2:8 Iomraidhean Croise

Litanga 32:28

Mundu uyu yavoola, “Kutura kalunu lieta liilio si ulalangwa Yakobo mba, navuzwa ulalangwa ‘Isiraeli’ kigira ivi umali kulwaana na Nyasaye kandi na vandu, na umali kuguuta.”

Ezara 5:5

Navuzwa Nyasaye yalinda aviimiliri vi Ivuyuda, kandi avanene va Pasia sivali vanyara kuvagaya mba kuduuka lwa vang'oda ibarwa kuzia ku Dariasi kandi vanyoore amativuli.

Ezara 6:22

Avandu yava valia nivasangalira lisavo liu mugadi gutaveeye mu na mamera ku madiku saba. Vaali nuvusangali ligali kigira Yahova yaali nagirung'anyi zing'anagani ziu mwami wa Asiria kuva ni liyaanzilira kuvo. Yaavadinyiriza kandi navakonya ku miyinzi jaavo jukumbaka uvuhia Litembeli lia Nyasaye wa Isiraeli.

Ezara 6:8

Kulwayago, mbana lilago kolondekana na gamukolera vimiliri vi Ivuyuda kigira liumbaka uvuhia Litembeli lia Nyasaye. Avayinziri yava valanyora mitungu jaavo vugira kulindagilira kutura mu mavikiru gi inyumba yu vwami, amabesa ganyoolekaa kuturana nuvusuru vuturaa Imadioli wu mugera gwa Efurate.

Ezara 7:6

Ezara uyu yaza kutura Babiloni. Yaali mwigizi wamanyiriza ligali lilaga lia Yahova, Nyasaye wa Isiraeli yaali nahaani ku Musa. Mwami yamuha choosi chayateva kigira Yahova Nyasaye yaali harara naye.

Ezara 7:9

Yaatanga logendo kutura Babiloni ku lidiku liu kutanga ku mweli, kandi yaduuka mu Jerusalemi ku lidiku liu kutanga liu mweli gwa katano kigira Nyasaye yamukonya.

Nehemia 7:2

Ndaviika uvwamihi vwi lidaala linene mu vulindi vwa avasaza vaviri yava: Amwavo wange Hanani na Hanania uwaali munene wi imbinga. Hanania yaali mundu musuuvirifu kandi uwatia Nyasaye kuvita avandu vandi vanyingi.

Tsing'ano 21:1

Yahova aveeye nuvunyari ku zing'anagani ziu mwami kuli yemilira inzira yu mugera.

Kohelethu 2:5

Ndaalima milimi ninjikumberiza nulugaga, nindaga mu misaala ja makuyu zing'ano ziosi.

Kohelethu 2:6

Ndalomba madavalia ga mazi gu kusama militu ji misaala midoto.

Isaya 66:14

Lwa muloraa yaga nigekoleka, mulasangale. Galamukola muve nizinguru kandi avalamu. Maku mulamanya ndi inzi Yahova, ngonyaa yavo avambuliranga, kandi manyianga uvutima vwange ku vasigu vange.”

Danyeli 1:9

Nyasaye yakola Ashipenazi kumanyia Danieli liyaanzilira kandi zimbavasi.

Vikolwa 26:22

Navuzwa ndanyoora vokonyi kutura ku Nyasaye kuduuka lidiku lia lero, ku lwa yago singiyi vudinyu kulolekizira vosi, avakeekeke na vanene. Icha inzi mboraa ni yicho kilala chere cha avaporofeti kandi Musa yavoola ndi kizizaa kwekoleka:

Vikolwa 7:10

namuhonyia kutura mu vudinyu vwivwe. Lwa Josefu yaloleka imbiri wu mwami wa Egebeti, Nyasaye yamuha liiva liu kuyaanziza kandi ovogeri. Kunangwa Mwami wa Egebeti yamukola ave mwamihi mu kivala yicho kandi munyumba yeeye yu vwami yoosi.

2 Vakorintho 8:16

Navuzwa lisandiza live ku Nyasaye wavika mu Tito umwoyo gwu vugulu yigwo kuli gwa kunyi koveeye nagwo gwu kuvakonya!