Nehemia 2:4 - KITABU KITAKATIFU

⁴ Mwami yandeva, “Ni kindu ki cha wenyaa?” Maku ndaasaara ku Nyasaye wu mwigulu,

Nehemia 2:4 Iomraidhean Croise

2 Samweli 15:31

Lwa Daudi yavolerwa ndi, Ahizofeli yiyungi ni liebaala lia Abisolomu, yasaala, “Yahova, mwaza, girung'anyia lihaana zing'anagani zia Ahizofeli kuva uvusiru!”

1 Avami 3:5

Vudiku yivwo, Yahova yaloleka kuye mu maloto kandi namuteeva, “Wakayaanzi ngohe kindiki?”

Nehemia 1:11

O, Yahova, hulira lisaala liange kandi lisaala lia vatumikiri vovo vosi avenyaa kuhaana luyali ku ivi. Yaanza ungasize kalunu, inzi mutumikiri woovo, okole mwami ambeere zimbavasi.” Mu madiku yago ndaali musingiliri wi iwaini yu mwami.

Nehemia 1:4

Lwa ndahulira makuva yaga goosi, ndikala hasi nindiira ligali. Ndasioma nu kuzizagilira kohonga lilia kandi. Ndasaara imbiri wa Nyasaye wu mwigulu madiku manyingi.

Nehemia 1:5

Maku ndaavoora: “O, Yahova, Nyasaye wu mwigulu, Nyasaye munene kandi kwosi kokoheza uluyali lonene ligali. Ivi udukiza lilagana liilio nu vusuuvirifu, ku yavo avakuyanza kandi avahulira malago googo,

Nehemia 2:20

Ndaativura, “Nyasaye wu mwigulu ala kokoonya. Kunyi koveeye avatumikiri veve, na kuziiza kutanga uvwumbaki. Navuzwa munyi simuveeye ku nikidieli anoho vulungi kwenya miandu mu Jerusalemi mba, kandi simuveeye ni lisanga mu miima jalio mba.”

Nehemia 2:5

ma nimbolera mwami, “Niiva ivi omwami uyanziziywi niinzi kandi uyanzi kongolera ilienya liange, mwaza yaanza oleke nzie mu kivala chi Ivuyuda, mu lidaala linene uwa avaguuga vange vayavirwa, kunangwa nduki kwumbaka lidaala linene yilio vuhia.”

Esther 5:3

Nu umwami yamuteeva, “Esiteri, ni kindu ki cha wenyaa? Mbolera cha wenyaa, na ulaheevwa, kali niiva ni nusu yu vwami vwange.”

Esther 5:6

Lwa vaali nivanweza iwaini, mwami yateeva Esiteri ativuli agaali nigaveeye mu mwoyo gwigwe. Mwami yavoola, “Mbolera icha wenyaa, na ulakenyoola. Ndakuha choteeva, kali niiva ni nusu yu vwami.”

Esther 7:2

Mulilia lia kaviri yili, lwa vaali nivanweza iwaini, mwami yateeva Esiteri kandi, “Ni ki cha wenyaa ngokolere? Mbolera cha wenya na ulakenyoola, kali niiva ni inusu yu vwami vwange, ulanyora.”

Zaburi 136:26

Muhaane lisandiza ku Nyasaye wu mwigulu; kigira uvuyanzi vwivwe vuhindiraa mihiga ni mihiga.

Tsing'ano 3:6

Wizulizi Yahova mu vindu viosi viokolaa, kandi alakumanyia inzira inungi.

Marko 10:51

Yeso yamuteeva, “Wenyaa ngokolere ki?” Umboku oyo yamuvolera, “Mwigizi, nyenya ndore ka ndi.”

Vikolwa 23:19

Munene wa avasikari elefu yagumira muyaayi oyo mukono, naamuhira halovega ahivisu namuteeva, “Ni kindu ki cha wenya kombolera?”

Vafilipi 4:6

Mutava ni lihenda mwoyo ku kindu kali kilala, navuzwa lienya lienyu limanyikane ku Nyasaye mu lisaala, mumuteeve nu mwoyo gwi lisandiza.