Nehemia 2:20 - KITABU KITAKATIFU

²⁰ Ndaativura, “Nyasaye wu mwigulu ala kokoonya. Kunyi koveeye avatumikiri veve, na kuziiza kutanga uvwumbaki. Navuzwa munyi simuveeye ku nikidieli anoho vulungi kwenya miandu mu Jerusalemi mba, kandi simuveeye ni lisanga mu miima jalio mba.”

Nehemia 2:20 Iomraidhean Croise

2 Kyetsinyinga 26:5

Yiviika umwene kwenyeleriza Nyasaye ligali, mu madiku ga Zakaria yaali mwoyo, uwaali mugerihizi weve wi dini mu liitia Nyasaye; na kolohoono lwa yenya Yahova, Nyasaye yamugasiza.

Ezara 4:3

Zerubabeli, Joshua, kandi navimiliri vizihiiri vavavolera, “Kunyi sikwenya ovokonyi vwinyu kunangwa kwumbakiri Yahova Nyasaye witu Litembeli mba. Kunyi kulumbaka aveene, kuli Sairasi mwami wa Pasia yakulaga.”

Nehemia 1:4

Lwa ndahulira makuva yaga goosi, ndikala hasi nindiira ligali. Ndasioma nu kuzizagilira kohonga lilia kandi. Ndasaara imbiri wa Nyasaye wu mwigulu madiku manyingi.

Nehemia 2:4

Mwami yandeva, “Ni kindu ki cha wenyaa?” Maku ndaasaara ku Nyasaye wu mwigulu,

Esther 4:11

“Niiva umundu woosi, musaza anoho mukali yingira munyumba yu musi kolola mwami vugira kulangwa, umundu mwene oyo kuduuka akuzi. Iliene yilio ni lilaga; vuli mundu, kutura ku avukuhaana zing'anagani ku mwami, kuduuka ku vandu vi vivala via yamiha, vamanya ageene yaga. Eveeye ho inzira ndala vuzwa yukweevendeela lilago yili: niiva umwami alagiinga igulu imbimbu yeeye yi zahabu, umundu oyo sialiitwa mba. Navuzwa gufweye umweli umwami nakikiri kuunanga.”

Zaburi 102:17

Alavugilira lisaala lia vadaka, kandi alahuliriza ku lianira liavo.

Zaburi 122:6

Musaale Nyasaye aduuki kuhaana mirembe ku Jerusalemi, “Leka yavo vosi avayaanzaa ivi vagasizwe.

Zaburi 20:5

Maku kulahanzuka kigira uvusangari ku liguuta liilio na kulaloomba lilia ku lizominya Nyasaye wiitu kigira liguuta liilio. Yahova akutivuliri lienya liilio liosi.

Zaburi 35:27

Leka yavo avenyaa vaandole nimbohololeywi vahanzuki nuvusangali kandi vayaanzayaanze kazozo nokovoora, “Yahova aveeye munene ligali! Ayaanzizwa ni liguuta liu mutumikiri weve.”

Zaburi 51:18

O, Nyasaye, Ove mulahi ku Ziyoni na ulikoonye. Wumbake vuhia zimbavasi zie lidaala linene lia Jerusalemi.

Kutwula 28:29

“Lwa Haruni yingira Havundu Hatakatifu, aliviika isalamba yiyi iyavazirwa mu amita gi zihiiri zia Isiraeli; kunangwa inzi, Yahova, ndizuliza kazozo avandu vange.

Kohelethu 7:18

Welehe ku vuchamu kandi ku vusiru. Niiva ulatia Nyasaye, ulanyora vuguuti kazozo.

Isaya 56:5

hene yaho, lieta liilio lilizulizwa mu Litembeli liange kandi mu vandu vange ku ing'inga indambi kuvita lwa waali ove na vayaayi kandi navakaana. Siulivilirwa kali hakuzu mba.”

Kyavalevi 2:2

ma ahiliri avayaayi va Haruni avasaalisi. Musaalisi uva natumikaa lwene yilwo, alavugula uluhi lulala lwu vusie namaguta harara ni kimuli choosi. Musaalisi alavisaamba ku uvwali kuli kihanwa chu kwizuliza ndi choosi kimali kuhaanwa ku Yahova, ligunya mwayu gwi kihanwa chi chukulia yiki liveeye liukuyanziza ku Yahova.

Kyavalevi 24:7

Viika kimuli kilahi ku vuli luvaso keve kuli kihanwa chichukulia kihaaniywi ku Inzi Yahova mu vogono migadi.

Zekaria 6:14

Igudwa yiyi ilakave mu Litembeli lia Yahova kuli chukwizuliziraku Helidai, Tobija, Jedaya na Josia muyaayi wa Zefania.”

Livalidza 10:10

Kandi ku lidiku liu vusangali vwinyu, ing'inga yi lilia mu litanga lie mieli mihia, mulakuba visiliva lwa muhaana vihaanwa viu kusambwa kandi vihaanwa vie mirembe. Yivi vilava kuli lizuliza imbiri wa Nyasaye. Inzi mbeeye Yahova Nyasaye winyu.”

Vikolwa 10:31

navoora: ‘Korinelio! Lisaala liilio ni zisadaka zizio ku vadaka vivugiliywi na Nyasaye.

Vikolwa 10:4

Korinelio yumika engelosi nu vuti, namuvolera “Ni kindu ki, mwami?” Engelosi yamuvolera, “Nyasaye uvugiliyi lisaala liilio ni zisadaka zizio ku vadaka.

Vikolwa 8:21

Ivi sioveeye ni lisanga liosi anoho mugavwa ku muyinzi yigu, kigira mwoyo gugwo si goveeye mulahi imbiri wa Nyasaye mba.