Nehemia 2:10 - KITABU KITAKATIFU

¹⁰ Navuzwa Sanibalati, kutura mu lidaala lia Bezi-horoni, na Tobia, munene mu kivala cha Amoni, vahulira ndi mundu umali kuuza kuyinzilira avandu va Isiraeli vaduuki kugasizwa, vavihilirwa ligali kuvita kegero.

Nehemia 2:10 Iomraidhean Croise

Nehemia 13:1

Lwa Lilaga lia Musa liali ni lisomaa vudinyu vaduuka ku luvaso lovoolaa, Umuamoni kinga Umumoabu siaveeye numunwa kwingira mu livugana lia avandu va Nyasaye kali hakuzu mba.

Nehemia 13:28

Jehoyada yaali muyaayi wu Eliashibu, musaalisi munene; navuzwa mulala ku vayaayi va Jehoyada yaleeta mukaana wa Sanibalati, kutura mu lidaala lia Bezi-horoni. Kunangwa ndakunga Jehoyada kutura mu Jerusalemi.

Nehemia 13:4

Musaalisi Eliashibu, uwasingiliraa ving'ozi via mavikiru gi Litembeli, ku ing'inga indambi, yaali muliiva lilahi ligali na Tobia.

Nehemia 2:19

Lwa Sanibalati, Tobia nu Muarabu walangwa Geshemu, vahulira aga kwaali nikolohizaa kokora, vakosekeliza kandi vakolegeliza nivavoora, “Munyi muganaganaa mukolaaki? Munyi muzizaa kwibaala ku Mwami?”

Nehemia 4:7

Sanibalati, Tobia, kandi avandu va Arebia, Amoni, na Ashidodi vahulira ndi kwaali nikuzizagilira vulahi niliumbaka vuhia lidigi lia Jerusalemi, ma kandi mwi lidigi liasasuguka kandi vaali nu vutima vonene ligali.

Nehemia 6:1

Sanibalati, Tobia, Geshemu Umuarabua na vasigu viitu vandi vahulira ndi kumali kwumbaka lidigi ma kandi sihali na hasasuguka handi ahatigaye mba, kali nigava kwali nikukikiri kusingiriza viliango mu virivwa mba.

Nehemia 6:16

Lwa avasigu viitu vi zihiiri ziakukumbiriza vahulira makuva yaga, vaali nuvuti vonene ligali kandi liegingira liavo liagehizwa, ligali kigira vamanyiriza ndi miyinzi yiji jikoleywi novokonyi kutura ku Nyasaye wiitu.

Esther 10:3

Modekai Umuyuda, yaali wu kutanga mu vwamihi vwu mwami Ahasuero. Yaali wu luyali kandi ya yaanzwa ligali na Avayuda vache. Yakola miyinzi kwenyeleriza uvugasu vwa avandu veve kandi yenyeleriza nokoleta mirembe ku avandu veve vosi harara ni visukululwi viavo viosi.

Zaburi 112:10

Mundu mudamanu alolaa yaga ma avihilirwa ligali; alumanyia amiinu kumanyia livihirirwa linene ma agota. Liegomba liu mundu mudamanu lilava hazwa.

Tsing'ano 27:4

Uvutima voveeye vululu kandi lidiviza, navuzwa si kiveeye kindu ni voleng'anywa nembodoka mba.

Tsing'ano 30:22

Mutugwa ugwizaa mwami, mundu musiru oveeye nivindu viosi viayenyaa kulia,

Kohelethu 10:7

Ndaalora vatugwa nivagenderaa ku zibarasi, navuzwa vasaza vamenyi munyumba yu vwami vagenda ku vilenge kuli vatugwa.

Isaya 15:5

Mwoyo gwange guliliraa Moabu! Avandu virukiyi mu lidaala lia Zoari, kandi kuduuka Egilazi Shelishiya. Valala vanigira kunzira izizaa Luhizi, nivasioma lwa vaziza; valala virukira Horonaimu nivasioma ligali.

Jeremia 41:10

Maku Ishimaeli yamanya nagumira avakaana vu mwami harara na avandu vandi vosi mu Mizipa, ava Nebuzaradani munene wi liihi yaali naviiki mu vulindi vwa Gedalia. Ishimaeli yavavugula naavakola kuva avahambe, kandi yatura nazia mu kivala cha Amoni.

Jeremia 48:34

“Avandu va Heshiboni na Eleale valira, na lilira liavo lihulirika kali kuduuka Jahazi; linyala kuhulirika ku avandu mu Zoari, kali kuduuka Horonaimu kandi Egilazi Shelishiya. Kali Kisenukiru cha mazi ga Nimurimu kimali kwuma.

Jeremia 48:5

Hulirizi mwoyo gwi lisioma liavo kunzira izizaa Luhizi. Hulirizi lilira lie lidivizwa, kunzira izizaa Horonaimu;

Vikolwa 4:2

Vavihilirwa ligali kigira avatumwa vaviri yavo vaali nivigiza kandi ni vilwazira avandu ndi Yeso yasimuguka kutura mu vakuzu, amakuva gamanyia havulavu ndi avakuzu valakasimuguki.

Vikolwa 5:24

Lwa vasaalisi vanene kandi munene wa valindi vi Litembeli vahulira makuva yaga, vaali ni ligenya linene, ni vavura kumanya ichekoleki ku avatumwa.