Nehemia 13:19 - KITABU KITAKATIFU

¹⁹ Kunangwa ndahaana malago virivwa vie Lidaala linene vihanwe, lwa Lisabato litangaa, hamugorova kandi nonoho lwa isi itangaa kumwama, na vivuli kwigulwa kuduuka lwa Lisabato liiva niliakafa. Ndaviika valala ku vasaza vange vandaali navo ha virivwa, okolola ndi musigo kali mulala guvuli koleetwa mu lidaala linene ku lidiku lie Lisabato.

Nehemia 13:19 Iomraidhean Croise

Nehemia 13:20

Lulala anoho kaviri, avakiranyi na vagulizi vi viju vie zing'ano ziosi vagona ichova wa madigi gi lidaala linene ku lidiku liu mulwa katano vudiku.

Nehemia 7:3

Ndavavolera, “Mutaleka virivwa via Jerusalemi kwigulwa mba, kuduuka lwa iliuva liiva niliakatula.” Avalindi vi virivwa vaali nivakikiri ku miyinzi kuduuka viliango vihanwe kandi vivasilwi ligali. Mutovole avandu va Jerusalemi kuva avalindi vi virivwa, valala vahevwe havundu haavo havalinda hakagatana ni zinyumba ziavo aveene.

Kyavalevi 23:22

“Lwa mugesa milimi jinyu, mutagesa vuswage voveeye ku zinzako zie milimi mba kandi mutilani kogesa vinywa viamavere vitigaye munyima mba. “Mulekere vadaka navageni. Yahova aveeye Nyasaye winyu.”

Kyavalevi 23:32

Kutura hamugorova gwi lidiku lia tisa kuduuka hamugorova gwi lidiku lielikomi liumweli zana, mulaliinda lidiku yili kuli lidiku lidukiru liokososa. Ing'inga yiyi, umundu atalia ikindu choosi mba.”

Yohana 5:10

Kunangwa avalala ku Avayuda vavoolera mundu wahonywa oyo, “Yili ni Lisabato. Voveeye vudamanu ivi kuginga vogono vuvwo.”