Nehemia 13:13 - KITABU KITAKATIFU

¹³ Kandi ndatovora avasaza yava: Shelemia, musaalisi; Zadoku, mwigizi wi Lilaga; kandi Pedaya, umulevi ukusingilira ving'oze via mavikiru: Mukonyeleri wavo yaali Hanani, muyaayi wa Zakuri na mwisukulu wa Matania. Ndamanya ndi nyara kusuuvira avasaza yava kuva avasuuvirifu mu ligavula viukulia ku avayinziri vache vaavo.

Nehemia 13:13 Iomraidhean Croise

2 Avami 12:15

Vasaza avasingilira miyinzi yigi, vaali avasuuvirifu ligali, na sihaali ho ni lienya kuvateeva vivaale kuli mabese ganyoleka nu kutumika mba.

2 Avami 12:16

Mabese kutura ku vihaanwa via mahiolo, kandi kutura ku vihaanwa viu vwoni, sigaviikwa mu lisandugu mba, gaali ga vasaalisi.

2 Avami 22:7

Navuzwa sivenyekaa vahane livaliza lia mabese goosi ga vahevwa kulindira ku vandu mba, kigira vaveeye avasuuvirifu ligali.”

Nehemia 10:12

Zakuri, Sherebia, Shebania,

Nehemia 10:38

Avasaalisi vaveeye kisukururwi cha Haruni valava harara na va Levi lwa zizaka zivungizwa, kigira litumikirwa mu Litembeli, vandu va Levi valahila mu mavikiru kidieli chi likomi chi zizaka ziosi zia vavungiza.

Nehemia 11:22

Munene wa avandu vi ihiiri ya vandu va Levi avamenyaa mu Jerusalemi yaali Uzi mwana wa Bani, mwisukulu wa Hashabia. Avaguuga veve vaali Matania na baba, weve Mika kutura munyumba ya Asafu avandu vaali nuvunyari vwu kwimba zinyimbu mu vutumiki vwi Litembeli.

Nehemia 12:35

kandi na avalala ku avana va avasaalisi ni visiliva; Zakaria mwana wa Jonazani, mwisukulu wa Shemaya. Kandi vaali harara na vaguuga vaavo: Matania, Mikaya, na Zakuri wi inyumba ya Asafu.

Nehemia 12:44

Mu ing'inga yeyo, avasaza vaatovolwa kusingilira ving'oze via mavikiru, gu uvwihaani vwi Litembeli vwaviikwa; harara ni zizaka, uvuswage vwukutanga, na makuyu gukutanga kwenga vuli muhiga. Kutura mu milimi jaali ahimbi na madaala, gavadukiraa valeete mu mavikiru gi zinyumba zie Litembeli vidieli vienyangwa ku Lilaga, avasaalisi na va Levi vahevwe, kigira avandu vosi va Ivuyuda vayanzizwa na vasaalisi kandi na vandu va Levi.

Nehemia 3:30

Hanania muyaayi wa Shelemia, na Hanuni, muyaayi okola sita wa Zalafu, vumbaka kedonye chalondaku. Meshulami muyaayi wa Berekia yumbaka vuhia kedonye chalonda ku, ichaali imbiri vwi inyumba yeye.

Nehemia 7:2

Ndaviika uvwamihi vwi lidaala linene mu vulindi vwa avasaza vaviri yava: Amwavo wange Hanani na Hanania uwaali munene wi imbinga. Hanania yaali mundu musuuvirifu kandi uwatia Nyasaye kuvita avandu vandi vanyingi.

Nehemia 8:4

Na Ezira mung'odi yasingira ku kitarazi chi misaala ichaali nichumbakiywi kigira muyinzi yigwo. Ahimbi kuye vasingilaho, Matitia, Shema, Anania, Uria, Hilicha na Maaseia vasingira ku mukono gwigwe mulungi. Na Pedaya, Mishaeli, Malikija, Hashumu, Hashibadana, Zakaria na Meshiulamu nivasingira ku mukono gwigwe mumosi.

Luka 12:42

Mwami yamutivulira, “Nivwaha oveeye mutumikiri musuuvirifu na wovogeri uwu mwami weve aviikaa ave munene ku avatumikiri vinyumba yeeye, avahe viukulia viavo mu ing'inga yenyeka?

Vikolwa 4:35

ni valetera avatumwa mabese gi vindu viagulizwa, ni zigavulirwa vandu vosi, samulala kolondekana ni lienya lilie.

Vikolwa 6:1

Mu madiku yago lwi livaliza lia vandu vasuuvira yaazizagilira komeedeka, lirembana liatulira hagati ha avasuuviri Vayuda avamolomaa Luguriki na yavo avamolomaa Luheburaina. Avayuda avamolomaa Luguriki vamonya ndi avakunzakali vaavo vivilirangwa mu ligavula lie viukulia via kase.

Vikolwa 6:3

Kunangwa, avaamitu, mutovole avandu saba ku munyi avaveeye nilizominywa lilahi, aviizula Roho Mutakatifu novogeri, kuvaviiki ku miyinzi yigu vagulindi.

1 Vakorintho 4:2

Kindu kilala chenyekaa ku mutumikiri kuli uyu keveeye ndi, kuduuka ave umusuuvirifu ku munene weve.