Nehemia 12:25 - KITABU KITAKATIFU

²⁵ Matania, Bakibukia, Obadia, Meshulami, Talimoni na Akubu vaali avasikari vukulinda ha virivwa vie ving'oze via mavikiru mu Litembeli.

Nehemia 12:25 Iomraidhean Croise

2 Avami 7:10

Kunangwa vatura hokososa ha Vasiria, nivirana Samaria ha kirivwa; nivalanga avalindi, “Kunyi kuziiyi kuduuka mu hokososa ha Avasiria na sikololi anoho kuhulira mundu mba; zibarasi ni zibunda zikiri kovoholorwa, na amahema gaveeye vuzwa kuli vandu Vasiria vagaleki.”

1 Kyetsinyinga 23:32

Vahevwa miyinzi ju kusingilira nu kulinda Lihema liu kuvuganira mu na Yahova kandi Litembeli, kandi ji likonyelera aviiko vaavo, avasaalisi, avaveeye visukululwi via Haruni, mu lisigamira liu mu Litembeli.

1 Kyetsinyinga 26:12

Avasikari vi Litembeli vagavulanywa mu viduma kolondekana ku zinyumba ziavo, kandi vahevwa miyinzi jo vutumiki mu Litembeli, kuli avandu vinyumba ya Levi vandi vaali.

1 Kyetsinyinga 26:15

Obedi Edomu yahevwa kulinda kirivwa chi Isavaalu, na avayaayi veve vahevwa kulinda ving'oze viukuvika mu viukulia.

1 Kyetsinyinga 26:17

Ku lovega lwi Ivugwi, avasikari sita vaali ku vulindi vuli lidiku, ku lovega lwi Ivaale avasikari vane vaali ku vulindi no ku lovega lwi Isavaalu vandi vane; avasikari vane valinda ving'oze viu kuviika mu viukulia vuli lidiku, vasikari vaviri vuli ku keng'oze.

2 Kyetsinyinga 8:14

Kolondekana na malago ga baba weve Daudi yaali na viiki ho, Solomoni yalohiza miyinzi ja vuli lidiku ja Avasaalisi, vandu va Levi avakonyana na avasaalisi mu liimba zinyimbu kandi no kokora zigasi ziavo. Kandi yalohiza avasikari vi Litembeli mu vika kokora miyinzi jiavo jia vuli lidiku ha vuli kirivwa, kolondekana na amalago ga Daudi, mutumikiri wa Nyasaye.

Isaya 21:8

Maku mulindi oyo yahanzuka navoora, “Mwami, inzi singiyi igulu ku munara gwo kohenzera ku mu vulindi vwange mbasu nuvudiku!”