Nehemia 12:24 - KITABU KITAKATIFU

²⁴ Mu vwimiliri vwa Hashabia, Sherebia, Jeshua, Binui na Kadimieli, avandu vi inyumba ya vandu va Levi vaviikwa mu viduma. Ku ing'inga indala, viduma viviri viimba zinyimbu ziu kuhaana lisandiza nu kwizominya Nyasaye kolondekana na Malago gu mwami Daudi mundu wa Nyasaye.

Nehemia 12:24 Iomraidhean Croise

1 Avami 17:24

Mukunzakali oyo yativura, “Kalunu ndakamanya ndi ivi oveeye mundu wa Nyasaye, kandi Yahova amolomaa ligali kuvitira mu ivi!”

1 Kyetsinyinga 16:4

Daudi yatovola valala ku vandu va Levi kwimilira lisigamira lia Yahova, Nyasaye wa Isiraeli, imbiri wi Lisandugu lie Lilagana lia Nyasaye, ku liemba nu mu kwizominya Yahova.

2 Kyetsinyinga 8:14

Kolondekana na malago ga baba weve Daudi yaali na viiki ho, Solomoni yalohiza miyinzi ja vuli lidiku ja Avasaalisi, vandu va Levi avakonyana na avasaalisi mu liimba zinyimbu kandi no kokora zigasi ziavo. Kandi yalohiza avasikari vi Litembeli mu vika kokora miyinzi jiavo jia vuli lidiku ha vuli kirivwa, kolondekana na amalago ga Daudi, mutumikiri wa Nyasaye.

Ezara 2:40

Livaliza lia vandu vi ihiiri ya vandu va Levi aviranaa kutura mulihaminywa: Visukululwi via Joshua na Kadimieli iviali avaari ivisukulurwi via Hodavia viali 74.

Nehemia 11:17

Matania mwana wa Mika, mwisukulu wa Zabadi, wi kisukururwi cha Asafu, yaali mwimiliri wi ikwaya yukwimba zinyimbu zielisaala liu kusandiza. Bakibukia uwaali mulondi wakaviri ku Matania, na Abida mwana wa Shamua mwisukulu wa Galali, kisukururwi cha Jeduzuni.

Nehemia 12:23

Kunangwa, aviimiliri vizinyumba zia vandu va Levi gang'odwa mu kitabu cha makuva gi zing'inga zia kale kuduuka mu madiku gi likuza lia Jonazani mwisukulu wa Eliashibu.

Nehemia 12:36

Kandi vaali harara na avandu vandi avinyumba ya Zakaria: Shemaya, Azareli, Milalai, Gilalai, Maai, Nezaneli, Yuda, na Hanania. Yava vosi vaali ni vagingi iviju viu kwimba viu lugano lwa Daudi umundu wa Nyasaye, na mung'odi Ezira yaali mwimiliri wi kiduma yiki.

Nehemia 8:7

Maku avandu vosi vasingira ma nivasingira mu vogono vwavo, na vandu va Levi yava vavivaalira amakuva goosi gi Lilaga zana: Jeshua, Bani, Sherebia, Jamini, Akubu, Shabezai, Hodia, Maaseia, Kelita, Azaria, Jozabadi, Hanani, na Pelaia

Nehemia 9:4

Hene yaho, Jeshua, Bani, kadimieli Shebania, Bani, Sherebia, Buni na Kenani vasingira ku kitalazi cha va Levi nivalira ku Yahova Nyasaye wavo nu mwoyo munene.

Kwidzulitsa 33:1

Yivu nivwo uvugasu vwa Musa, mundu wa Nyasaye, yagaasizira avandu va Isiraeli nakikiri kukuza.

Joshua 14:6

Lidiku lilala avandu valala kutura mu ihiiri ya Yuda vaza ku Joshua ha Giligali. Mulala kuvo, yaali Kalebu muyaayi wa Jefune umukenizi. Yamuvolera, “Umanya aga Yahova yavolera Musa lwa kwaali nikukikiri mu Kadeshi Barinea kigira ivi ninzi ku Musa, mundu wa Nyasaye.