Nehemia 11:21 - KITABU KITAKATIFU

²¹ Avasaza avayinziri vi Litembeli vamenya ku lovega lundi lwa Jerusalemi lwalangwa Ofeli. Vaakora miyinzi hasi hu vunyali vwa ziha na Gishipa.

Nehemia 11:21 Iomraidhean Croise

1 Kyetsinyinga 9:2

Navuzwa avandu vaali vu kutanga kwirana komenya mu madaala gi miandu jiavo vaali: Visiraeli, Vasaalisi, ihiiri ya Levi na avatumiki vi Litembeli.

2 Kyetsinyinga 27:3

Yaali Jozamu uwumbaka kirivwa cha Ivaale chi Litembeli kandi naakora miyinzi minene ju kwumbaka ku lidigi lie lidaala linene mu losoma lwa Jerusalemi ulwaalangwa Ofeli.

Ezara 2:43

Livaliza lie zihiiri zia vandu vaali avatumiki mu Litembeli liali kuli ndi: Visukululwi via Ziha, Hasufa, Tabaozi,

Nehemia 3:26

na vatumikiri vumulitembeli avamenyaa ku kagulu ka Ofeli vumbaki vuhia kuduuka havundu hahenza Kirivwa cha Mazi kuzia ivugwi kandi munara gwayeka ichova.

Nehemia 3:31

Malikija, mulala ku avatuli vi izahabu, yumbaka kedonye chalonda ku, kuzia kuduuka ku inyumba ya vatumikiri vi Litembeli kandi avakiranyi, yaali ha kirivwa cha Mifekadi, ahimbi ne keng'oze chaali igulu wa Ivaale wi ivugwi wi lidigi.