Nehemia 10:32 - KITABU KITAKATIFU

³² Vuli muhiga, kulasolola sa mulala ziguramu zitano ziefeza kokoonyana kutunga uvutumiki vwi Litembeli.

Nehemia 10:32 Iomraidhean Croise

Litanga 28:22

Havundu hamali kuviika ligina liu kwizulizilaku yaaha, halava hu kukusigamira; kandi ku viosi via uhaana ku inzi, ndahaana ku ivi kidieli chi likomi.”

1 Kyetsinyinga 26:27

Vavugura vindu vilala ku viahulwa mu vulwani nivavika ku litumika mu Litembeli.

Nehemia 13:15

Mu madiku yago, ndaalora avandu mu Ivuyuda nivamiinaa makuyu ga mazabibu ku Lidiku lie Lisabato. Avandi vaali nivaleeta uvuswage nuviika ku zibunda, harara ni iwaini, mazabibu, makuyu, nimisigo jindi josi. Na vaali nivajiletaa mu Jerusalemi ku lidiku lie Lisabato. Kunangwa ndaviganihiza vavuli kuguliza kindu choosi ku lidiku lie Lisabato.

Nehemia 13:18

Yiki nicho chagira Nyasaye nahana amageri ku avaguuga vinyu lwa yaleeta lidiviza ku lidaala linene yili. Navuzwa munyi muzizagiliraa kokora uvutima vwa Nyasaye komeda kuuza ku Isiraeli ku liononyia Lisabato.”

Nehemia 13:21

Ndaviganihiza, “Simufana vulahi munyi kulindilira ichova yeyo kuduuka lwa vucha mba. Niiva mugerizaa kokora ndio, kandi, ndatumikira zinguru ku munyi.” Kutura lwene yilwo siviirana kuuza mu lidaala linene ku lidiku lie Lisabato mba.

Nehemia 5:10

Mali koleka avandu veegobe mabesa nuvuswage kutura ku inzi, kandi avalina vange na avasaza vanyinziliraa vakoli ndio kandi. Kalunu leki koleke lidaya iviambeti. Muleke amagovi ginyu goosi ga vaveeye nago, amabese anoho uvuswage, anoho iwaini anoho maguta ga muzeituni.

Nehemia 9:14

Ivi wavigiza kulinda lisabato liilio litakatifu limanyikane kuvo; kandi nuvaha malago, imiima namigizu kuvitira mu mutumikiri.

Kutwula 23:11

Navuzwa mu muhiga gwa saba mutagulima mba, kandi mutagesa kindu choosi ikiva nichamera mu mba. Avadaka vanyara kulia vimera mu, ni zinyama ziu mbulimu zinyala kulia yivio ivitigalaa. Mukore ndio ku milimi jinyu ji mizabibu kandi ja mizeituni.

Tsing'ano 3:9

Uhaane luyali ku Yahova nu kumuhaanira kihanwa kilahi kutura kuviamo viosi viu mulimi gwugwo

2 Vakorintho 8:12

Niiva mundu aveeye nilienya kuhaana, Nyasaye avugiliraa kihanwa chiche kolondekana ne kegero chanyala kuhaana; sianyala kuhaana chataveeye nacho mba.