Nehemia 10:29 - KITABU KITAKATIFU

²⁹ kuhambanaa, na aviimiliri viitu mu liesuuha kandi isi wi linyola mageri gi kilaamo niiva kulavunaga liesuuha lietu, ndi kulamenya kolondekana ni Lilaga lia Nyasaye, lia yakuha ku Mutumikiri weve Musa; ndi kulahulira goosi aga Yahova, Nyasaye wiitu, akulagaa kokole, ma kandi malago geege goosi kandi nilienya lilie liosi.

Nehemia 10:29 Iomraidhean Croise

2 Avami 10:31

Navuzwa Jehu siyahulira lilaga lia Yahova Nyasaye wa Isiraeli nu mwoyo gwigwe gwosi mba. Mu vogono yivwo, yalonda liiva lia Jeroboamu, uwakola Isiraeli vakole vwoni.

2 Avami 23:3

Na mwami yasingira ahimbi nitiru yu vwami, nalomba lilagana ku Yahova kumuhulira nu kulinda malago geege goosi, nu mwoyo gwigwe gwosi kandi ni liiva lilie liosi, kandi kuviika mu vikolwa lienya liosi lilondekana ni lilagana, kuli gang'odwa mu kitabu yicho. Na vandu vosi valaga kugumira malago.

1 Kyetsinyinga 9:2

Navuzwa avandu vaali vu kutanga kwirana komenya mu madaala gi miandu jiavo vaali: Visiraeli, Vasaalisi, ihiiri ya Levi na avatumiki vi Litembeli.

2 Kyetsinyinga 34:31

Mwami yasingira ahimbi ni itiiru yu vwami, nalomba lilagana harara na Yahova, ku muhulira, nu kulinda amalago geege goosi, nu mwoyo gwigwe gwosi, kandi nokokola makuva kolondekana ni lilagana, kuli ga ng'odwa mu kitabu chi lilaga yicho.

2 Kyetsinyinga 6:16

Kalunu O, Yahova, Nyasaye wa Isiraeli, udukiza malagano gandi ga walomba ku Daudi baba wange aga wa musuuviriza ndi, halavaho na mulala ku visukululwi veve uliamiiha kuli mwami munene wa Isiraeli, niiva valahulira ivi nokogenda mu malago gange kuli ivi wagenda imbiri wange.”

Nehemia 13:25

Ndavagondokera nukuvalaama, niimbakuya, nukumanyula masu gaavo. Maku ndaaviisuuhiza mu lieta lia Nyasaye ndi yavo kinga avana vaavo sivalaletana kandi na avageni kali hakuzu mba.

Nehemia 7:46

Ziha, Hasufa, Tabaozi,

Nehemia 8:2

Kunangwa musaalisi Ezira yaleeta kitabu chi Lilaga imbiri wi livugana lia vasaza, avakali na avana avaari vanyara kuhulira nukumanyiriza.

Nehemia 8:3

Yavasoomera Lilaga ha, mugizi munene ugwali imbiri wi kirivwa cha Mazi, kutura mu mavwevwe kuduuka mbasu hagati. Na avandu vosi vahuliriza vulahi ligali.

Nehemia 9:2

Yavo avaari vi kisukururwi cha Isiraeli viiyahula aveene ku vageni vosi vasingira, nivatanga kwiganira uvwoni vwavo kandi uvwoni vwa avaguuga vaavo.

Nehemia 9:38

Kigira ku goosi agaamali kwekoleka, kunyi, avandu va Isiraeli, kolombaa lilagana ling'odeywi ku chisuuhu, kandi aviimiliri viitu, avandu va Levi viitu, kandi na avasaalisi viitu nguyu vaviika mihuri jaavo kulio.

Zaburi 105:45

Kunangwa avandu veve vaduuki kuhulira malago geege, nukolonda malago geege. Mwizominye Yahova!

Zaburi 119:106

Ndalinda lilagana liange lie liesuuha, kuhulira amigizu googo gilikalaga lirungi.

Zaburi 8:1

O, Yahova Mwami wiitu, ovonene vuvwo vololekaa ku lirova liosi! Lizominywa liilio liduka igulu mwigulu,

Zaburi 8:9

O, Yahova mwami wiitu, ovonene vuvwo vololekaa ku lirova liosi!

Isaya 14:1

Yahova alavelerera avandu veve Isiraeli, kandi alavatovola vave avandu veve omwene. Alavavika vamenye mu kivala chavo aveene, kandi avageni valaza komenya harara navo.

Jeremia 26:4

Yahova yambolera mbore ku avandu, “Inzi, Yahova, mali koovola ndi kuduuka mutie inzi nokolonda amigizu gandamuha,

Jeremia 34:15

Kunangwa kumadiku makekeeke gavitii mwagirung'anyia zing'anagani zienyu nimukora aganyaanzizaa. Munyi vosi mwavugilira kovoholora avandu va Isiraeli vache, kandi mwalomba lilagana imbiri wange, mu Litembeli aha sigamirwa.

Ezekieli 36:27

Ndaviika Roho gwange mu munyi, kandi ndamukora mugumiri lilago liange kandi mulonde amalago gange goosi agaamali kumuha.

Kyavalevi 20:26

Munyi mulava avatakatifu ku Inzi kigira Inzi Yahova mbeeye umutakatifu kandi mali kumwahula kutura ku zihiiri zindi ziosi kunangwa muduuki kuva avandu vange.

Malaki 4:4

“Mwizurizi amigizu kandi amalago gu mutumikiri wange Musa, ga ndahaana kuye ha kiguru cha Sinai ku vandu vosi va Isiraeli vaduuki kugatia.

Livalidza 5:21

maku Yahova ayaanze ahaane kilaamo ku ivi hagati ha vandu vovo; kandi ayaanze akole vukali vuvwo vuniale kandi inda yooyo ilavimba.

Yohana 1:17

Nyasaye yahaana Lilaga kuvitira ku Musa, navuzwa zimbavasi na agiligali viaza kuvitira mu Yeso Kristo.

Yohana 15:14

Munyi muveeye avalina vange nimukora vindu via mulagaa.

Yohana 7:19

Musa si yamuha Lilaga? Kali ndio sihaveeye ho kali nu mundu mulala ku munyi olondaa Lilaga. Kigira ki mwenya kunzita?”

Vikolwa 11:23

Lwa yaduuka nalora kuli Nyasaye yaali nagasizi avandu yavo, yayanza; na aviganihizaa vosi vaye avasuuvirifu ku Mwami Yeso ni mioyo jaavo josi.

Vikolwa 17:34

Navuzwa avandu valala vahambana naye nivasuuvira. Mulala kuvo yaali Dionisio mulala ku avikiyaalo cha Areopaga, kandi yaali ho mukali mulala walangwa Damari, na avandi avasuuviraa harara navo.

Vikolwa 23:21

Navuzwa utavavugilira mba, kigira avandu kuvita arubaini vamugoneki. Vamali kwisuuha sivalalia anoho kunwa nivakikiri kumwita mba. Kalunu vamali kwetegeka kumwita navuzwa valindilira likaala ga liilio.”

Varumi 12:9

Uvuyanzi vwinyu vutava nu vugadi mba. Muvihilirwi agaveeye madamanu, muhande ku agaveeye malahi.

Kwidzulitsa 33:4

“Kunyi kolondaa Lilaga lia Musa yakuha. Liveeye mwandu gwu vuguli vonene ku ihiiri yitu.

Kwidzulitsa 5:1

Musa yalanga harara avandu vosi va Isiraeli navavoolera, “Avandu va Isiraeli, muhuliri amalago goosi aga muheezaa kalunu. Mugiingi kandi mulole ndi mugalondi.

Kwidzulitsa 5:32

“Avandu va Isiraeli, mugelihi mulindi mukore goosi aga Yahova Nyasaye winyu amali kumulaga. Mutavula kuhulira lilago liosi ku malago geege mba.