Nehemia 1:4 - KITABU KITAKATIFU

⁴ Lwa ndahulira makuva yaga goosi, ndikala hasi nindiira ligali. Ndasioma nu kuzizagilira kohonga lilia kandi. Ndasaara imbiri wa Nyasaye wu mwigulu madiku manyingi.

Nehemia 1:4 Iomraidhean Croise

2 Samweli 12:16

Daudi yasaala ku Nyasaye ndi mwana ahone. Yasura kulia kindu kali kikuzuzu kandi vuli vudiku yazia mu keng'oze chiche kandi naagona hasi uvudiku vwosi.

2 Avami 22:19

nu wiganira kandi nu wegehiza umwene imbiri wange, nutandula zinguvu zizio nu kulira, lwa wahulira kuli ndatihiza kuhaana mageri ku Jerusalemi kandi ku vandu valio. Ndakalikole live lio kutihiza mu zimoni ziavo, havundu ha vandu valitumikira lieta liaho kuli kilaamo. Navuzwa mali kuhulira lisaala nukwidoloka maliga (kukwo), lwa wahulira kuli ndatihiza kuhaana mageri ku Jerusalemi kandi ku vandu valio. Ndalikola live liokodegeriza kandi chukuhuga ligali ku yavo avehenza kuli havundu ha vandu vatumikira lieta lialio kuli kilaamo. Navuzwa inzi mali kuhulira lisaala liilio

2 Kyetsinyinga 6:13

Solomoni yaali naalombi kitalazi chu mugasa nakiviiki hagati hu mugizi. Kitalazi chene yiki chaali uvutambi nu vugika zimita 2.2 zimbega ziosi, na kuzia igulu chaali zimita 1.3. Solomoni yanina ku kitalazi chene yiki, nasigama ku havundu hu mundu woosi yaali anyala kumulora, ma naginga makono geege mwigulu.

Ezara 1:2

“Yili ni lilaga lia Sairasi, mwami wa Pasia. Yahova, Nyasaye wu mwigulu, umali kokora inzi mwamihi wi lirova liosi kandi umali kuhaana ku inzi uvunyali vwu kumwumbakira Litembeli mu Jerusalemi, lidaala liveeye mu Ivuyuda.

Ezara 10:1

Lwa Ezara yaali nasigami mu lisaala imbiri wi Litembeli lia Nyasaye, nalira kandi niyiyamaa uvwoni vwa avandu ku Nyasaye, muganda munene gwa vandu va Isiraeli vasaza, avakali kandi avana vaza nivamukumbiriza kandi nivalira vululu ligali.

Ezara 9:3

Lwa ndaahulira yaga, ndaatandura zinguvu ziange kandi nimanyula liisu kandi zinderu ziange kandi ninzikala hasi muligenya kandi muvovereri vonene ligali.

Ezara 9:5

Lwing'inga yaduuka yu kuhaana kisiuviriru cha mugorova, ndaasingira kutura handaali ninzikaye mu vovereri, kandi ndaali ningikiri ni zinguvu ziatanduka. Ndaasigama hasi mu lisaala kandi ning'inga makono gange ku Yahova Nyasaye wange.

Nehemia 2:20

Ndaativura, “Nyasaye wu mwigulu ala kokoonya. Kunyi koveeye avatumikiri veve, na kuziiza kutanga uvwumbaki. Navuzwa munyi simuveeye ku nikidieli anoho vulungi kwenya miandu mu Jerusalemi mba, kandi simuveeye ni lisanga mu miima jalio mba.”

Nehemia 2:4

Mwami yandeva, “Ni kindu ki cha wenyaa?” Maku ndaasaara ku Nyasaye wu mwigulu,

Zaburi 102:15

Zihiiri valatia Yahova. Avami vosi vilirova valatia zinguru zizie.

Zaburi 136:26

Muhaane lisandiza ku Nyasaye wu mwigulu; kigira uvuyanzi vwivwe vuhindiraa mihiga ni mihiga.

Zaburi 137:1

Kwikala hasi ku lujinga lwi migera ja Babiloni, hene yaho kwasioma lwa kwizuliza lidivizwa lia Ziyoni.

Danyeli 10:2

Mu ing'inga yene yeyo, ndaali nisioma ku ing'inga ya masiza gavaga.

Danyeli 2:18

Danieli yavavolera vasaale ku Nyasaye wu Mwigulu kuvaha zimbavasi kandi kumuteeva avivaaliri a gimbisu gokogenyia kunangwa vavuli kwitwa harara na vageri vandi va Babiloni.

Danyeli 9:3

Ndasaara vudinyu ku Yahova Nyasaye, nimugoonya vugira lilia ni nziviki zinguvu zia magunia kandi ni nzikaye muligoke.

Jona 1:9

Jona yativura, “Inzi mbeeye Muheburaina. Sigamira Yahova Nyasaye wu mwigulu, uwalomba lirova kandi inyanza.”

Zefania 3:18

Kuli avandu vasangalira lisavo.” Yahova avoora, “Mali koheriza litihiza lie kivi chi lidiviza kandi mali kutulizaho zisoni zienyu.

Varumi 12:15

Musangare harara na yavo avasangalaa, musiome harara na yavo avasioma.