Nehemia 1:3 - KITABU KITAKATIFU

³ Vambolera ndi, yavo avaahonona ku liadikizwa ni vatigara yengo, vaveeye mu kivi kenene kandi mu zisoni ligali. Lidigi lia Jerusalemi liasambulwa, na Ivirivwa vialio viamala kusambwa numuliru.

Nehemia 1:3 Iomraidhean Croise

1 Avami 9:7

Maku ndatuliza vandu vange Isiraeli mu kivala cha mali kuvaha. Kandi ndaleka Litembeli yili lia mali kutakasa kuli havundu ha sigamirwa. Vandu havundu hoosi valakolera Isiraeli kehenyahenye

2 Avami 25:10

na vasikari veve vaduya nu kuvasambula madiji gi Lidaala linene lia Jerusalemi.

2 Kyetsinyinga 36:19

Yasamba Litembeli lia Nyasaye kandi lidaala linene harara nizinyumba ziuvwami zialio, kandi nivononyia uvutugi vwalio naduya lidigi lie Lidaala.

Ezara 2:1

Yava nivo avandu vi kivala avaatura mu lihaminywa, avu Mwami Nebukadineza yaali naahiri Babiloni mu kivala chi lihaminywa. Viirana Jerusalemi kandi Ivuyuda vuli mundu yazia mu kadaala keke.

Ezara 5:8

“Ivi mwami wuluyali, kwakayaanzi kukumanyia ndi, kwazia kuduuka mu kivala chi Ivuyuda. Kwanyoora ndi Litembeli lia Nyasaye munene liumbakwa uvuhia na magina manene ligali, kandi zimbaho ziavikwa mu madigi galio. Miyinzi jikolekaa nilimanyiriza kandi jizizagilira vulahi ligali.

Nehemia 11:3

Mu madaala manene gandi na madaala makekeeke, avandu va Isiraeli, avasaalisi, vandu va Levi, avasaza vayinziri mu Litembeli, na visukululwi va avatumikiri va Solomoni vamenya mu miandu jiavo vene mu madaala makekeeke gaavo. Yava nivo avandu vo losoma lwi kivala chi Ivuyuda avamenyaa mu Jerusalemi:

Nehemia 2:13

Vwali nivukiri vudiku lwa ndatula mu lidaala linene kuvitira mu kirivwa chi Livona ku lovega lwi imadioli kandi ninzia isavaalu kuvitira ha kidaho cho Goyoka kuduuka ku kirivwa cha Mandu. Lwa ndangendaa, ndahenzeriza amadigi gi lidaala linene agasambuka kandi ni virivwa viononywa numuliru.

Nehemia 2:17

Navuzwa kalunu ndavavolera, “Muloraa ikivi cha koveeye mu, kigira Jerusalemi liveeye mang'anye, na ivirivwa vialio viamala kusambwa mumuliru. Gendi kwumbake vuhia madigi gi lidaala linene na koherizi zisoni zietu.”

Nehemia 2:3

na ndamuvolera, “Mwami ahindiri mihiga ni mihiga! Kigira ki mburi kuva novovereri lwi lidaala linene, ilia avaguuga vange vayavirwa mu, liveeye amang'anye na ivirivwa vialio viamala kusambwa numuliru?”

Nehemia 7:6

Avanyingi ku avilihaminywa vatura mu kivala cha Babiloni nivirana Jerusalemi kandi Ivuyuda, sa mulala mu lidaala lilie liene. Avizinyumba vaavo vaali nivamenyi mu lihaminywa mu kivala cha Babiloni kutura ing'inga ya Nebukadineza yavahila yo kuli avahambe.

Esther 1:1

Yaga nigo ageekoleka mu ing'inga yu mwami Ahasuero, uwamihaa ivivala kuvita 127, kutura India kuduuka Ezopia.

Zaburi 79:4

Zihiiri zia kumberiza kunyi zikonyegaa vuli kazozo, zi kosekeliza nu kokokolera kehenyahenye.

Tsing'ano 25:28

Mundu utanyala kugumira vutima vwivwe, aveeye vuzwa kuli lidaala litaveeye na madigi, linyala kwingilirwa ing'inga yoosi.

Isaya 43:28

avamihi vinyu vonogonyia hatakatifu hange. Kunangwa ndaadiviza avandu va Isiraeli. Ndaaleka avandu vange vanyegwe.”

Isaya 5:5

“Kalunu ndamuvolera aganzizaa kokora ku kizabibu change; Ndatuliza ho lungaga lwacho, kandi ndasambura lidigi liakinga zimbega ziacho ziosi, na ndaleka zinyama ziu muvulimu kulia nu kuduvagira hasi mizabibu.

Jeremia 24:9

Ndaleta kivi yiki kuvo, na kilava litihiza linene ligali ku zihiiri ziosi ziu mulirova. Avandu valavasekeriza, nukuvakolera ekehenyahenye kandi nukuvalegeriza, nukutumikira amita gaavo kuva kuli kiramo havundu hoosi handakavasalanye.

Jeremia 29:18

Inzi ndavalonderera ligali ni liihi, inzara enene ligali nu uvulwaye; kandi zihiiri ziosi zie lirova zilava nu vuti vunyingi ligali kolola yaga. Vuli havundu hoosi hambahila, avandu valava ni ligenya kandi nuvuti ku agaamali kokoleka kuvo. Avandu valavasekeriza nukuvakolera kehenyahenye, kandi kutumikira amita gaavo kuva kuli kilaamo.

Jeremia 39:8

Inyima wa yaga, avandu va Babiloni vasamba inyumba yu vwami kandi zinyumba zia avandu ma nivaasambula amadigi gi lidaala linene lia Jerusalemi.

Jeremia 42:18

“Yahova, Nyasaye wa avandu va Isiraeli avoora, ‘Kuli uvutima vwange uvululu vwali ku avandu va Jerusalemi, nindio uvutima vwange uvululu vulakave ku munyi niiva mulazia komenya mukivala cha Egebeti. Mulava avandu vu kutihizwa, vokonyegwa kandi vikilaamo. Simulakalole kivala yiki kandi mba.’ ”

Jeremia 5:10

Ndatuma avasigu kotema mizabibu ja avandu vange, navuzwa vavuli kujidiviza ligali mba. Ndavavolera vahaluliri zisia kigira si ziveeye ziange mba.

Jeremia 52:14

na avasikari veve vaduya nukusambula madigi gi lidaala linene ga Jerusalemi.

Lisyoma lya Jeremia 1:7

Mu madiku gu vusaliri vwavo uvululu, avandu va Jerusalemi vizulizaa vindu viosi vilahi via valange navio kutura mu madiku ga kale. Lwa vaagwa mu makono ga vasigu vaavo, si yaliho mundu waali anyala kuvakonya mba. Avasigu vaavo vaavasekeriza, mu liguutwa liavo.

Lisyoma lya Jeremia 2:9

Virivwa vie lidaala linene lia Ziyoni via sikira hasi mumarova, kandi miluguyu javio jaavunika mu vidonye. Umwami kandi avandu vwi inyumba yu vwami kalunu vaveeye hagati hi zihiiri mu kivala chi lihaminywa, wi lilaga litaveeye. Avaporofeti si vaveeye na malola kutura ku Yahova kandi mba.

Lisyoma lya Jeremia 3:61

“O, Yahova, umali kuhulira nivanyegaa; ivi wamanya lilohiza liavo liu muvwivisu.

Lisyoma lya Jeremia 5:1

Avandu va Jerusalemi vasaala: O, Yahova, wizulizi agaamali kokoleka ku kunyi. Ohenze okohenze ma olole zisoni zietu.

Kyavalevi 26:31

Ndakora madaala ginyu manene kugwa mang'anye, ndononyia havundu ahatakatifu hinyu hukusigamira vifananyi kandi ndasuura kuvugilira visiuviliru vienyu.

Kyavalevi 26:33

Ndaleta vulwani ku munyi nokumusalanyia muvivala vigeni. Kivala chienyu kilang'anywa na madaala manene ginyu galatigala mang'anye.