Nehemia 1:11 - KITABU KITAKATIFU

¹¹ O, Yahova, hulira lisaala liange kandi lisaala lia vatumikiri vovo vosi avenyaa kuhaana luyali ku ivi. Yaanza ungasize kalunu, inzi mutumikiri woovo, okole mwami ambeere zimbavasi.” Mu madiku yago ndaali musingiliri wi iwaini yu mwami.

Nehemia 1:11 Iomraidhean Croise

Litanga 24:42

“Lwa nduuki ha kidaho kalunu, saaye nimbora, ‘O, Yahova Nyasaye wu munene wange Aburahamu, yaanza ungasizi mu goosi agangolaa.

Litanga 32:11

Inzi ngusaala ombonyie kutura ku mukono gwu vusigu vwa mwavo wange Esau. Mbeeye nuvuti naye kigira alaza kukwingilira kandi kudiviza kunyi kwosi, kali avakali harara na vana.

Litanga 32:28

Mundu uyu yavoola, “Kutura kalunu lieta liilio si ulalangwa Yakobo mba, navuzwa ulalangwa ‘Isiraeli’ kigira ivi umali kulwaana na Nyasaye kandi na vandu, na umali kuguuta.”

Litanga 40:1

Inyima wi vindu yivi, muhaani wi waini yu mwami wa Egebeti, kandi nu mudeeki munene weve, vahiola imbiri wu mwami wavo.

Litanga 40:2

Mwami wa Egebeti yaali nu vutima na vanene veve vaviri, muhaani wi waini kandi mudeeki.

Litanga 40:21

Yiranyia mulindi wi iwaini muvutumiki vwivwe, ma yavugula iwaini nahaana ku mwami.

Litanga 40:23

Mulindi wi iwaini siyizuliza kokonya Josefu mba, yamwivirira ligali.

Litanga 41:9

Maku mulindi wi iwaini yavolera mwami, “Kalunu inzi mali kwizuliza vudamanu vwange, navuzwa si ndakovolera mba.

Litanga 43:14

Nyasaye Wuvunyali okole umundu oyo ave nizimbavasi ku munyi, kunangwa amwiranyiri Benjamini na amwavo winyu wundi. Kulwa inzi, Niiva ndagotiza avana vange, kuduuka mbagotizi.”

2 Kyetsinyinga 6:40

“Kalunu, O, Nyasaye wange, ngogonya ohenze avandu vovo kandi huliriza lisaala lihaanangwa havundu hano.

Ezara 1:1

Mu muhiga gwu kutanga gwa Sairasi yaali mwami wa Pasia, Yahova yaduukiza agayaali navooye kuvitira ku muporofeti Jeremia. Yakola Sairasi kuhaana lilaga yili kandi aviiki mu mang'oda nu kugatuma galandizwi havundu hoosi mu vwami vwivwe:

Ezara 7:6

Ezara uyu yaza kutura Babiloni. Yaali mwigizi wamanyiriza ligali lilaga lia Yahova, Nyasaye wa Isiraeli yaali nahaani ku Musa. Mwami yamuha choosi chayateva kigira Yahova Nyasaye yaali harara naye.

Nehemia 1:6

Mbenza O, Yahova na uhuliri lisaala liange lwa salira avatumikiri vovo, avandu va Isiraeli, mbasu nuvudiku. Nziyamaa ndi kunyi, avandu va Isiraeli harara na avaguuga viitu kwa kola vwoni imbiri woovo.

Nehemia 2:1

Mu mweli gwa Nisani, mu muhiga gwa sirini gwi liamiiha liu mwami Aritasakises, lwa yaali nalizaa, ndamuhilira iwaini. Ndali ningikiri kuva ku novovereri imbiri weve maziambiri mba.

Nehemia 2:8

Kandi ndaateva mbeevwe ibarwa yindi mbiliri Asafu, mulindi wu militu ju vwami, imulagaa aduuki kumba misaala nombe vikongo vie virivwa vie imbinga ikingaa Litembeli kandi via madigi gi lidaala linene kandi vie inyumba yainze komenya mu. Mwami yamba viosi via ndateeva mbeevwe, kigira Nyasaye yaali harara niinzi.

Zaburi 106:46

Yahova yakola avasigu vadambiza avandu veve, kuva ni livererera kuvo.

Zaburi 130:2

O, Yahova hulira lilira liange; huliriza ku lianira liange ku ivi liu kwenya ovokonyi!

Zaburi 61:5

O, Nyasaye, Ivi umali kuhulira liesuuha liange, kandi ivi umali kuhaana ku inzi miandu ja yavo avakutizaa.

Zaburi 86:6

O, Yahova, huliriza lisaala liange, hulira lilira liange liu kwenya ovokonyi.

Tsing'ano 1:29

Munyi mwasuura ovogeri, kandi mwasuura kutia Yahova.

Tsing'ano 21:1

Yahova aveeye nuvunyari ku zing'anagani ziu mwami kuli yemilira inzira yu mugera.

Jeremia 42:12

Kigira inzi nu wi zimbavasi, ndakora mwami wa Babiloni kuva ni zimbavasi ku munyi kandi aleke mwilane mukivala chiinyu. Inzi Yahova mali kovora.’

Malaki 3:16

Maku avandu vaatia Yahova vavolerana, na Yahova yahuliriza ma naahulira cha vavola. Vang'oda imbiri weve mu kitabu chu kwizuliza yavo vosi avatia Yahova kandi avahaana luyali kuye.

Vahebraina 13:18

Muzizagiliri kukusaalira. Kololaa ndi koveeye ni zing'anagani ziu mu mwoyo zindahi, kigira kwenyaa kokole agaveeye malungi kazozo mu vindu viosi.