Nahum 3:6 - KITABU KITAKATIFU

⁶ Ndakamuchaye kandi ndakaleete vugundu ku munyi. Avandu valakamuhenze nuvuti vunyingi.

Nahum 3:6 Iomraidhean Croise

Ayubu 30:19

Nyasaye usiuvi hasi mu vodohi, kandi mali kugwa kuli luguchi ni ligoke.”

Ayubu 30:8

Kiduma cha vandu vaveeye vuzwa kandi avatamanyikani vaakungwa kutura mu kivala.

Ayubu 9:31

Nyasaye asiuvi mu vogo vwo vodohi vufunyaa, kandi zinguvu ziange zilambihilira.

Jeremia 51:37

Kivala yicho cha Babiloni kilagwa kitumi cha mang'anye, havundu hi zinyama ziu muvulimu zilakamenye. Kilakave kivala chu vuti; mundu sialakamenye mu mba, kandi vosi avalolaa kivala yiki, valakave nuvuti ligali.

Lisyoma lya Jeremia 3:16

Umali kuvunanyia amiinu gange namagina gizigongodo; kandi umali kunduvaganyira muluguchi.

Ezekieli 16:37

Kigira yaga inzi nandete avayaanze vinyu vosi vamaziambiri harara; yavo avamwavula kuyaanza. Nambalete navamukumbilizi kandi namutulizi zinguvu zienyu ma nambakore navalole chahonyo chiinyu choosi.

Nahum 1:14

Yaga nigo ga Yahova amali kulaga kolondekana na vandu va Asiria. Sivalakave ni visukululwe vilizizagiliza lieta liavo mba. Ndakadivizi vifananyi viveeye mu matemberi ga vanyasaye vaavo. Nombaa kilindwa cha vandu va Siria; sivadukanaa komenya mba!

Habakuk 2:16

Munyi kandi mulava mu zisoni havogono hu kuva nu luyali. Munyi mulakanwi kandi mulakagende ni muyekayeka. Yahova alakahaane mageri ku munyi kuli gamudukira, kandi luyali lwinyu lulakagirunganywi kuva lichaya.

Zefania 2:15

Yaga nigo galiekoleka ku lidaala liu kwigingira kigira zinguru zialio, niliganagana ndi liveeye mu mirembe. Avandu vi lidaala yili vagagana ndi lidaala liavo liveeye linene ligali mu kivala. Lidaala yili lilakave havundu haveeye vuzwa, havundu hi zinyama ziu muvulimu zilakasosere! Vuli mundu woosi ulivitira ahimbi nalio alakegose nuvuti.

Malaki 2:2

Gamudukira muhaane luyali ku Inzi ku gamukolaa. Niiva si mulahulira gambolaa, maku ndakaleete kilaamo ku munyi. Ndakaviiki kilaamo ku vindu viovokonyi via munyoora, kalindio, inzi mali kuviika kilaamo ku munyi kigira simuvugulaa malago gange ni zinguru mba.

Malaki 2:3

Ndakahaane mageri ku vana vienyu kandi ndakavake mu zimoni zienyu isingu yi mitugu ja muhaana kuli visiuviliru. Mulahilwa kutura imbiri wange nukuhirwa ku isiina.

Malaki 2:9

Ku lwayaga, mu vogono yivu ndakakole avandu va Isiraeli kumuchaya, kigira si mutiizaa lienya liange mba, lwa mwigizaa vandu vange, simuvavugula kuva kindu kilala mba.”

1 Vakorintho 4:13

Lwa kuginangwa, kutivula vulahi novogoosi. Kuduuka lero, kokoleywe vuzwa kuli amandu gi lirova. Kufananyiywi kuli vandu vataveeye no vokonyi kandi avadamanu ligali.

1 Vakorintho 4:9

Galoleka ku inzi ndi, Nyasaye umali kuha kunyi avatumwa vwiyangu vwukumaliriza ligali, kuli avandu vakalagiywi kwitirwa havulavu imbiri wa vandu, kuva kuli vukinu imbiri wi lirova liosi lie zingelosi kandi lia vandu.

Vahebraina 10:33

Zing'inga zindala mwakolerwa uvudamanu kandi nimunyegwa imbiri wa vandu, na zing'inga zindi mwetegeka kuhambana harara na yavo avakolelwa kuli ndio.

Yudasi 1:7

Mwizurizi Sodoma na Gomora, kandi amadara agaali ahimbi, aga avandu vago vakora kuli zingelosi yava aviiviika mu kifavwi cho vuheyi vwi zing'ano ziosi kandi iligirunganyia uvutumiki vwu mwima gwi liiva lie imiviri jaavo. Vaveeye ekelolero chu kwiganihizira avandu vosi, na vavikiywi havulavu vanyoore amageri gu uvusaliri vwu umuliru imihiga ni imihiga.