Nahum 2:3 - KITABU KITAKATIFU

³ Avasikari va vasigu vaginga zinguva zinzakanyu kandi vivikaa zinguvu zinzakanyu. Velohizaa kuzia kwingilira! Amagare ga mahi gaavo gahemahemaa kuli muliru! Zibarasi ziavo zitumatuma!

Nahum 2:3 Iomraidhean Croise

Ayubu 39:23

Iviuma via avanini vazio vagingi, vikubaganaa vudinyu nokong'ereng'ana mu liuva.

Zaburi 80:13

Vaduvaga kivala yiki kuli zinguruvi ziu muvulimu, kandi vononyia kivala yiki kuli zinyama ziu muvulimu.

Isaya 14:8

Kali misaala ji midaragwa ja Lebanoni, jisangaliranga liigwa liu mwami wa Babiloni, kigira siaveeye ho mundu unyala kujitema mba, kigira umali kuzia!

Ezekieli 23:24

Valakwingilira kutura Ivaale ni liihi linene lia magare gu vulwani. Valakukumberiza ku zimbega ziosi ni viugi viavo, ni igudwa kandi zikuuti. Ndakuviika mu zinguru ziavo na valakukalagira kolondekana na malago gaavo.

Ezekieli 26:7

Yahova Wuvunyali avoora, “Nziza koleta Mwami Munene kuvami vosi, Mwami Nebukadineza wa Babiloni kwingilira vandu va Tiro. Na yaze kutura Ivaale ni liihi linene, ni zibarasi, namagare gu vulwani kandi ni miganda ja vandu.

Nahum 3:2

Huliriza likinduka lie imbimbu! Muliviti gwa magurudumu ga magare, ligenda lie zibarasi, litumagila lia magare gu vulwani.

Zekaria 1:8

Ndaalora mundu kubarasi inzakanyu. Yaali nasingiyi hagati hi misaala imimbi mu livona, kandi haali ho ni zibarasi zindi inyima weve zinzakanyu, zio vodondonye, kandi zindavu.

Zekaria 11:2

Muliri kandi musiome, misaala ja makaratasi, kigira midaragwa jimali kugwa; misaala milahi jokogenyia jimali kudivizwa! Muliri kandi musiome misaala minene ja Bashani, kigira mulitu gwi misaala minyingi gumali kotemagwa!

Zekaria 6:2

Zibarasi zinzakanyu ziali nizing'usaa ligare liu kutanga; zibarasi zimwamu ziali nizing'usaa ligare lia kaviri.

Likunula 12:3

Kelolekizu kindi chokogenyia chaloreka mwigulu. Henza, gwaali ho ogoyoka gonene gwakanyu, ni mitwi saba kandi ni zinziga likomi; ku mitwi jagwo gwaali ni zitaji kandi zisuywa saba.

Likunula 6:4

Ibarasi yindi yatura ichova, ibarasi inzakanyu. Muhiri wayo yahevwa uvunyali koleta uvulwani mu lirova avandu vaduuki kwitana aveene na vene. Yahevwa kivavi ekenene ligali.