Nahum 2:13 - KITABU KITAKATIFU

¹³ Yahova Wuvunyali avoora, “Inzi mbeeye musigu winyu! Ndakasambe magare ginyu gu vulwani. Avasikari vinyu valakitirwi mu vulwani, kandi ndakavuguli vuli kindu choosi cha mwavugula kutura ku vasigu vinyu. Lienya lia vatumwa vinyu sililakahuliriki kandi mba.”

Nahum 2:13 Iomraidhean Croise

2 Avami 18:17

Mwami wa Asiria yatuma liihi linene ligali kutura Lakishi, kwingilira Hezekia ha Jerusalemi. Liihe yili liimilirwa na vanene veve kuvita vosi vavaga. Lwa vaduuka ha Jerusalemi, vavugura inzira iyazizaa aha vayinziri vo kolomba zinguvu vayinzilira ahimbi nu mutaro goletaa amazi kutura mu lidavalia lie iluhia.

2 Avami 18:19

Mulala ku vanene va Asiria yayavavoolera ndi mwami wavo yenya kumanya ekelombaa mwami Hezekia ukwisuuvira mwene.

2 Avami 19:23

Watuma avatumwa vovo kunzingilira na magare googo gu vulwani gu watumikira kuguuta vigulu via Lebanoni. Wigingira kovora ndi uwene yeyo, watema nu kutuura haasi midaragwa mitambi milahi ligali, kandi waduuka mugati mwi militu.

2 Avami 19:9

Makuva gaduukiraa vandu va Siria ndi, liihi lia Egebeti ni liemiliywi na Tirihaka mwami wa Ezopia liali ni lizaa kuvingilira. Lwu mwami yahulira makuva yaga, yatuma ibarwa ku mwami Hezekia, wi Ivuyuda navoora,

2 Kyetsinyinga 32:19

Vaamoloma amakuva ga Nyasaye wa Jerusalemi munzira ndala yavatalila mu avanyasaye va vandu vi vivala vindi avaari vifananyi vialombwa na vandu.

Zaburi 46:9

Aherizaa uvulwani ku lirova liosi; Avunanyia uvuta, kandi yononyia amatimu kandi asambaa zinguva.

Jeremia 21:13

Munyi avandu va Jerusalemi mwikalaanga hadiguluku hilivona, kuli lwanda lusingilanga igulu mukeleremo. Navuzwa ndalwana ni munyi. Munyi muvolaanga ndi siaveeyeho umundu kali mulala unyala kumwingilira anoho unyala kuvunanyia likingwa lienyu mba.

Jeremia 46:14

“Ulandizi mu madaala ga Egebeti, mu Migidoli, Mefisi na Tahapanesi: ‘Mwetegeke kwikinga munyi aveene; viosi viamuveeye navio viladivizilwa mu liihi!

Jeremia 50:31

“Munyi avandu va Babiloni muveeye niliegingira, kunangwa Inzi, Mwami munene Yahova Wuvunyali mali kumudunyira! Ing'inga imali kuduuka ya inzi namuhe mageri.

Jeremia 51:25

Babiloni, ivi oveeye kuli kiguru ikidivizanga kivala choosi, navuzwa Inzi, Yahova mbeeye musigu woovo. Ndakuvugura, ngusisuli kuduuka kumalova, ma ngoleke noveeye kuli ligoke.

Ezekieli 13:8

Kunangwa Yahova Wuvunyali avavoolera, “Amakuva ginyu sigaveeye gagiligali mba, kandi malola ginyu gaveeye gu vugadi. Mbeeye nu vusigu nimunyi; kandi

Ezekieli 21:3

ndi Inzi, Yahova, mboraa: Inzi mbeeye musigu winyu. Inzi ndasomola kivavi change mu chura chacho nu kwita munyi mwosi, avalahi navadamanu harara.

Ezekieli 26:3

“Kalunu yaga nigo aga Inzi, Mwami Munene Yahova, mboraa: munyi avandu va Tiro, Inzi mbeeye musigu winyu. Ndaleta zihiiri zinyingi kumwingilira, kandi zilaza kuli viguvuli vie inyanza.

Ezekieli 28:22

Ovoolere avandu mu lidaala yilio ndi, Inzi Yahova Wuvunyali mboraa yaga kuvo: Mbeeye musigu winyu, avandu va Sidoni; avandu vandi valanzizominya kigira agaamali kokora ku munyi. Valamanya ndi Inzi mbeeye Yahova, lwa manyia kuli mbeeye mutakatifu mu lihaana mageri ku yavo avamenyaa hagati hinyu.

Ezekieli 29:10

Inzi mbeeye musigu woovo kandi musigu wumugera gwa Naili. Ndakora kivala cha Egebeti choosi kuva mang'anye, kutura ku lidaala linene lia Migidoli ku lovega lwa Ivaale kuduuka ku lidaala linene lia Aswani kulovega lwi Isavaalu, kuduuka ku zinzako zia Ezopia.

Ezekieli 29:3

Omolome kandi ovoole, ndi yaga nigo aga Yahova Wuvunyali avooreraa Mwami wa Egebeti: Inzi mbeeye musigu woovo, ivi ingwina enene, egonaa mumugera. Ivi ovola ndi mugera gwa Naili nugwange kandi ndagolomba.

Ezekieli 35:3

Ovoolere avandu aga Inzi, Mwami Munene Yahova mboraa: Inzi mbeeye musigu winyu, munyi avandu va Edomu! Ndahaana mageri ku munyi kandi ndamukora muve hazwa.

Ezekieli 38:3

kandi umuvolere ndi Inzi, Yahova Wuvunyali, mbeeye musigu weve.

Ezekieli 39:1

Yahova Wuvunyali yavoola, “Mwana wu Mundu porofeta uvudamanu vwa Goga, mwamihi munene wi zihiiri zia Mesheki na Tubali. Umuvolere ndi, inzi mbeeye musigu weve.

Ezekieli 5:8

Kulwayago, Inzi Mwami Munene Yahova muvooleraa ndi, mbeeye musigu winyu. Ndahaana likalaga ku munyi imbiri wi zihiiri ziosi.

Nahum 2:12

Isimba isaza yitaa inyama yayo, ma itandulanya mu vidonye, ma igavulira zisimba zingali harara na vana vayo. Yizuliza luhangaywa lwayo ni vidonye vie zinyama.

Nahum 3:1

O, vayaayi, kivi keveeye ku lidaala liu vugadi kandi lilumindi! Liizula vutugi vunyala kulanywa kandi kuvugulwa!

Nahum 3:12

Zimbinga zienyu ziosi zilakave kuli misaala ja makuyu amengu; nusungusa misaala yiji likuyu lialavunguluka mu munwa gwugwo!

Nahum 3:15

Kali mugerizi kuli munyala, mulasambwa kuduuka lwa mukuza, anaho mulitirwa mu vulwani. Muladivizwa kuli vitagwa viliviywi ni zisigi. Munyi mwameedeka kuli zisigi.

Nahum 3:5

Yahova Wuvunyali avoora, “Ndakahaane mageri ku munyi avandu va Nineve, ndakamunavuuli na ndakaleke zihiiri zilole viahonyo vienyu mu zisoni.

Joshua 11:6

Yahova yavolera Joshua, “Utavatia mba. Ku ing'inga yiyi mugamba, ndava ninziiti yavo vosi kigira Isiraeli. Gakuduukiraa oleminye zibarasi ziavo ku litema machi gazio nokusamba magare gu vulwani gaavo nomuliru.”

Joshua 11:9

Joshua yakola kuvo icha Yahova yalaga: Yaaleminya zibarasi ziavo kandi nasamba magare gaavo gu vulwani.