Nahum 1:4 - KITABU KITAKATIFU

⁴ Agondokeraa inyanza kandi ikama! Alomba migera kukama. Milimi ja Bashani jinialaa. Kiguru cha Karimeli kigilung'anaa kugwa malova, kandi vimuli via Lebanoni viniara.

Nahum 1:4 Iomraidhean Croise

Litanga 8:1

Nyasaye yizuliza Nuhu na vandu vinyumba yeeye, harara ni zinyama ziosi ziu muvulimu, mitugu, vimolaa viosi, kandi amanyonyi goosi gu mu ligulu gaali harara na Nuhu mu liato. Yakola imbuza kuhuuza ku lirova, na mazi gageeha.

2 Samweli 22:16

Lwaalo lwi inyanza lwakolwa hazwa, kandi misingi ji lirova jakunulwa lwa Yahova yagondokera avasigu veve, kandi nuvafuumira nu vutima.

Ayubu 38:11

ndaagevoolera, ‘Ivi inyanza hamba hano, na si ulavita ahene yaaha mba! Viguvuli vivio vie zinguru kuduuka vigalirwi hano.’

Zaburi 104:7

Lwa ogondokera amazi gaamanya gasalana; lwa gahulira mwoyo gwi ligondoka lilio, gasarana ligali ma gaazia ihale.

Zaburi 106:9

Yahaana lilago ku nyanza Nzakanyu nayo yuuma; yimilira avandu veve kuvitira hagati hayo ku lirova liumu.

Zaburi 114:3

Inyanza Nzakanyu yahenza ma niikama, Mugera gwa Jorodani gwa vula kuvita.

Zaburi 114:5

O, ivi Inyanza, ni kindiki chakokola wiruki? Na ivi, O, Jorodani, kigira ki noleka kuvita?

Zaburi 18:16

Yahova, yaza kutura mwigulu, noong'umira; yang'usa kutura mululiva lwa mazi manene.

Zaburi 74:15

Ivi wakola visinukiru via mazi notogera kwituruka; kandi wuminya migera minene ligali.

Isaya 33:9

Kivala keveeye king'anye kandi icheele. Militu ja Lebanoni jiniaye, Livona ligunamu lia Sharoni ligwi kuli ichangalangwe, kandi amatu gahalulukaa kutura ku misaala mu kivala cha Bashani kandi ku kiguru cha Karimeli.

Isaya 42:15

Ndononyia tugulu ni vigulu, kandi ndakora uvunyasi ni misaala kwuma. Ndagilung'anyia migera ju mumavoona kugwa changarangwi kandi ndakaminya amadavalia ga mazi.

Isaya 44:27

Inzi ngaminyaa zinyanza ku likuva liu kulaga vuzwa.

Isaya 51:10

Yaali ivi kandi uwakaminya inyanza, kandi nolomba inzira kuvitira mu mazi, kunangwa yavo avawaali nohonyia vaduuki kwambuka.

Ezekieli 30:12

Ndakakaminyi mugera gwa Naili kandi ndakagulizi kivala ku vandu vadamanu. Avandu vageni valakadivizi kivala choosi. Inzi, Yahova mali kovora.”

Ezekieli 38:20

Vuli isuzi kandi linyonyi, vuli inyama enene kandi engekeeke kandi vuli umundu ku lirova navive nuvuti kandi lidegera kigira inzi. Vigulu navigwi hasi, zinyanda naziadiki kandi vuli lidigi naligwi hasi.

Amosi 1:2

Amosi yavoola, “Yahova afumaa kutura mu kiguru cha Ziyoni; nu mwoyo gwigwe guhiligana kutura mu Jerusalemi Vwayiru vulaniala, na vunyasi vwi kiguru cha Karimeli vulagilungana kufwana amalova.”

Amosi 5:8

Yahova yalomba zing'ereng'ani: Pleiadesi na Orini. Agringanyia kisundi kuva umbasu, na umbasu kuva uvudiku. Alanganga amazi kutura mu zinyanza, nu kugazuka ku kivala. Lieta lilie liveeye Yahova.

Matayo 8:26

Yeso yavateva, “Kigira ki munyi muveeye ni lisuuvira likekeeke?” Kunangwa, yasingira naagondokera imbuza ni nyanza, ma gwaali umulengera umunene.

Joshua 3:16

amazi gasulungutaa kutura iluhia gasingira kogenda. Gavuunga kitumi lovega lulala, ihale ligali, hi lidaala lia langwa Adamu, iliveeye ahimbi na Zarezani. Amazi gasulungutaa kuzia munyanza yu Munyu gasingira. Kunangwa avandu zana yavo vaambuka ni vazia kolovega lundi, ku lujinga lwa Jeriko.