Nahum 1:3 - KITABU KITAKATIFU

³ Yahova siavugula vutima vwangu mba, navuzwa aveeye ni zinguru zinene ligali, kandi sialekaa vandu vadamanu kuzia vugira konyoora mageri mba. Havundu ha Yahova agendaa, kiihi kandi kihuzuzi viveeye ho; malesi gaveeye luguchi lutulaa mu vilenge vivie!

Nahum 1:3 Iomraidhean Croise

2 Samweli 22:10

Yavukanyia ligulu kandi niyiika hasi, kisundi kenene chaali isi wi virenge vivie.

Nehemia 9:17

Vasuura kuhulira; vivilira vilolekizu ni viokogenyia viawakola hagati haavo. muligingila liavo vaatovora mwimiliri vaduuki kwirana mu vutugwa vwavo mu Egebeti. Navuzwa oveeye Nyasaye usamihaa; Ivi oveeye wizimbavasi kandi wuvuyanzi; wagalaha ku vutima, zimbavasi zizio ni zinene; Na ivi siwavaleka mba.

Ayubu 10:14

Ivi wambenzeliza niiva ndakakoli vwoni, kunangwa usuuli kusamiha.

Ayubu 38:1

Maku Yahova yativulira Ayubu kutura mu kiihi kenene navoora,

Ayubu 9:4

Nyasaye aveeye mugeri kandi aveeye wi zinguru. Nivwaha unyala kuhing'ana na Nyasaye ma aguuti?

Zaburi 103:8

Yahova aveeye wi livererera kandi wu vuyanzi, aveeye wa galaha kuva nu vutima, navuzwa yayizula uvuyanzi vutaveeye ne keheri.

Zaburi 104:3

kandi wayala mialiru jinyumba yooyo igulu wa mazi. Kandi walomba amalesi kuva kuli amagare googo gi zibarasi, uziira ku zimbaha zie imbuza.

Zaburi 145:8

Yahova aveeye wu vuyanzi kandi wizura zimbavasi. Aveeye wa galaha ku vutima kandi aveeye wu vuyanzi vutaveeye ne keheri.

Zaburi 147:5

Yahova wiitu aveeye munene kandi wizingulu; ovogeri vwivwe sivunyala kogerwa mba.

Zaburi 50:3

Nyasaye wiitu yaazaa nu mufuumu munene, muliru munene gwadukaa imbiri weve, ku zimbega zizie ziosi, alolekaa kuva kuli ikiihi kenene ligali.

Zaburi 62:11

Mali kuhulira haali kanyingi Nyasaye navoora, ndi zinguru ziveeye iziizie;

Zaburi 66:3

Mu voole ku Nyasaye; “Vindu via okolaa viveeye viokogenyia! Zinguru zizio ziveeye zinene ligali! Kali avasigu vovo vinamaa imbiri woovo mu vuti.

Isaya 19:1

Yili ni likuva kigira avandu va Egebeti. Yahova yaazaa mu Egebeti, naniini ku lilesi ligendaa vwangu. Vifananyi via vandu va Egebeti vasigamira, videgera imbiri weve, na avandu va Egebeti valakuza mioyo jaavo.

Isaya 29:6

Yahova Wuvunyali alamusoola ni zinguba ziukutihiza kandi nilidegera lie lirova. Alatuma kihuzuzi chi kiihi kandi olomemo lwu muliru.

Isaya 66:15

Yahova alaza numuliru, na magare geege gu vulwani gaveeye kuli kihuzuzi. Alaleeta uvutima vwivwe vululu hasi ni iligondoka lilie kuli lomemo lwu muliru.

Jeremia 4:13

Henza, musigu yaza kuli amalesi. Amagare geege gu vulwani gaveeye kuli imbuza yi kiihi, kandi zibarasi zizie zinyagura vwangu ukuvita izindizu. Kwagota! Kandi kwadiva!

Danyeli 7:13

Lwa ndaali nindoraa malola yaga vudiku, ndalora kindu ichaali kuli mundu. Mundu oyo yaali niyazaa kuinzi, malesi gaali nigamukumbelizi, kandi yazia ku mundu waali namenyi mihiga ni mihiga. Yahilwa imbiri weve.

Hosea 8:7

Lwa vegomba imbuza valanyora kihuzuzi! Mulimi gwuvuswage ugutaama sigunyala kuva niligesa lie ingano mba. Navuzwa kali niiva ligesa liakaveeye mu avageni valavilia.

Joeli 2:13

Leka mwoyo gugwo gwiliegehiza gumanyie ovovereri; kutandura zinguvu zienyu sigadukira mba.” Mwirane ku Yahova Nyasaye winyu. Aveeye wilivererera ligali kandi wizura zimbavasi; aveeye umwikuziri kandi lilagana lilie; aveeye mwetegeku inyinga yoosi kusamiha nukuvula kuhana amageri.

Jona 4:2

Kunangwa yasaala ku Yahova navoora, “O, Yahova, sindavoola ningikiri kutura yengo ndi, yiki nicho icha umanya okole vuzwa? Yicho nicho chagira ningora zinguru ziosi ukwirukira mu kivala cha Tarishishi. Ndaamanya vulahi ndi, ivi oveeye Nyasaye wuvuyanzi, kandi wizimbavasi, umwikuziri ku vutima, kandi umwetegeke kugirung'ana muziganagani, kandi kuvula kuhaana mageri.

Zekaria 9:14

Yahova alakaloleke ku vandu veve; alakalase mivano jije kuli loheni. Yahova Wuvunyali alakahuliriki kuli kisiriva; alakagende mu imbuza enene kutura Isavaalu.

Livalidza 14:18

‘Inzi Yahova mbeeye wa galaha ku vutima: Manyia uvuyanzi vonene kandi vusuuvirifu vutaveeye ne keheri, kandi samiiha uvwoni kandi samiiha yavo vibaara. Navuzwa ndahaana mageri ku vana kandi aviisukulu kuduuka ku likula lia kavaga ni lia kane kigira uvwoni vwa vaguuga vaavo.’

Matayo 26:64

Yeso yamuvolera, “Ivi ovola ndio. Navuzwa mbolera munyi mwosi: kutura ing'inga yene yiyi kuzizagilira, mulalora Mwana wa Adamu ni yikaye ku mukono mulungi gwa Nyasaye Wuvunyali, kandi ni yaazaa ku malesi gu mwigulu.”

Yakobo 1:19

Avaamitu vange avayaanze, mwizurizi likuva yili! Umundu sa mulala ave umwangu kuhuliriza, navuzwa ave wagalaha ku limoloma, kandi uwa galaha ku liiva nu vutima.

Likunula 1:7

Henza! Yazaa mu amalesi kandi avandu vosi valamulola, harara na yavo vosi avamwita. Avandu vosi vi lirova valakasiomere kuye kigira agavamukolera. Nindio galiva Amini.