Mika 7:8 - KITABU KITAKATIFU

⁸ Mutasangalira kivi change, O, muinyi avasigu viitu lwakugwa, kulavuuka kandi. Kali ninzikala mu kisundi, Yahova alava uvulavu vwange.

Mika 7:8 Iomraidhean Croise

Ayubu 31:29

“Inzi sindaali ku nu vusangali lwa avasigu vange vaali mu lisalirizwa mba, anoho sindasangala ku lwa vaali mu kivi mba;

Zaburi 112:4

Uvulavu vwakiraa avandu valahi mu kisundi; ku yava avaveeye nilivererera, avalahi kandi ni likalaga lirungi.

Zaburi 143:3

Avasigu vange vamali konondelera ligali, kandi vamali kunguuta ligali. Vamali kumbika mu kisundi kenene, mbeeye kuli yavo avakuza kale.

Zaburi 20:8

Avandu kuli yava valikigitara nukugwa; navuzwa kunyi kulavuuka nukusingira vudinyu.

Zaburi 27:1

Yahova aveeye uvulavu vwange kandi ovohonyi vwange. Na sinyala kutia mundu woosi mba. Yahova aveeye imbinga yange, sinyala kutia mba.

Zaburi 35:19

Utaleka avasigu valulu vange kusangalira liguutwa liange mba. Utaleka yavo avandunyira vugira kivuni vaangunukiri kigira liverera liange mba.

Zaburi 37:21

Mundu mudamanu niyegobi kindu, siyilanyaa mba, navuzwa mundu mulungi niyegobi, aveeye ni zimbavasi nu vuyanzi kwiranya viosi.

Zaburi 37:24

Kali niiva valagwa hasi, Yahova alavakonya kusingira.

Zaburi 38:16

Utaleka avasigu vange vasangaliri lidambizwa liange mba; utaleka vigingiri kigira ligwa hasi liange mba.

Zaburi 84:11

Yahova Nyasaye aveeye mukingi wiitu kandi mwami wu vukumi, akugaasizaa nuvulahi kandi nu luyali. Ahaanaa choosi ekeveeye kilahi ku yavo avakolaa uvulungi.

Zaburi 97:11

Uvulavu vwaka ku vandu valungi, kandi uvusangari vwaka ku valahi ligali.

Isaya 2:5

Kalunu, ivisukulurwi via Yakobo, hambi kogende mu vulavu vwa Yahova akuheezaa!

Isaya 49:9

Ndavolera avahambe ndi, ‘Muve avavoholore!’ Kandi ndavolera yavo avaveeye mu kisundi ndi, ‘Hambi mu vulavu!’ Valakave kuli amagondi gaveeye nu vwayiru ku vigulu.

Isaya 50:10

Nivwaha ku munyi wegehizaa ku Yahova, kandi uhuliraa amakuva gu mutumikiri weve? Oyo ogeendaa mu kisundi, kandi utaveeye mu vulavu, navuzwa asuviraa mu lieta lia Yahova, yeredaa ku Nyasaye weve?

Isaya 9:2

Avandu vagenda mu kisundi vamali kolola uvulavu vonene ligali. Vamenya mu kivala chi viliri, navuzwa kalunu uvulavu vumulikaa kuvo.

Jeremia 48:27

Mwizulizaa kuli mwakolera avandu va Isiraeli kehenyahenye? Mwavakolera kuli vaali ni vagumiliywi harara nu muganda gwa aviivi.

Jeremia 50:11

Yahova avoora, “Avandu va Babiloni, munyi mwalanya kivala change. Munyi muveeye nuvuyanzi kandi nuvusangali, muzizaa yiyi na yiyi kuli eng'ombe esenasena vuswage anoho kuli muliviti gwi zibarasi,

Jeremia 8:4

Yahova yambolera mbolere avandu veve ndi, “Lwa vandu vagwiza hasi, sivasingira kandi? Niiva mundu alagota inzira, siamanya yirana kandi?

Ezekieli 25:6

“Yaga nigo aga Yahova Wuvunyali avoora: Mwakubaga makono kandi nimutumagira kigira vusangali. Munyi mwalegeliza kivala cha vandu va Isiraeli.

Ezekieli 35:15

kuli mwasangalira lidivizwa lia vandu Vaisiraeli miandu jange, kunangwa inzi ndamukora kuva hazwa, kiguru cha Seiri, yee, kivala choosi cha Edomu, ndakikola kuva hazwa. Maku vuli mundu woosi alakamanye ndi inzi mbeeye Yahova.”

Ezekieli 36:5

“Inzi Yahova Wuvunyali mali kovora mu vutima vwange vululu ku zihiiri ziamukumbeliza, kukila ligali avandu va Edomu. Vaavugura kivala change harara ni miandu jacho josi ni liekonya kandi ni lilegeriza.

Amosi 9:11

Yahova avoora, “Lidiku liizaa ndilanyia uvwami vwa Daudi, avoveeye kuli inyumba yaisasuguka nu kugwa. Ndilana kwumbaka vuhia amadigi gayo nu kugakola gave kuli gaali ku maziambiri.

Obadia 1:12

Ng'ano mwavura kohenzerera avamwavo vinyu lwa vaali mu kivi Ivuyuda. Ng'ano mwavura kusangalira lidiku lia vadivizwa: ng'ano mwavura koseka lwa vaali mu vusaliri.

Mika 4:10

Uzizagiliri kokenya nukukuba zikwiri, avandu va Jerusalemi, kuli mukali wiivula, kulwakalunu mulatula mu lidaala linene nokomenya ichova mukivala chere. Mulazia mu kivala cha Babiloni, navuzwa Yahova alamukinga ku avasigu vinyu.

Mika 7:10

Hene yaho avasigu vange valalola yaga kandi valava mu zisoni; Oyo owavoolera kuinyi, “Yahova Nyasaye woovo aveeye haliha?” Zimoni ziange zilarora liigwa liu musigu wange. Kalunu valaduvagirwa hasi kuli ovodohi kuzinzira.

Zekaria 12:8

Ing'inga yene yeyo, ndakasole yavo avamenyi mu Jerusalemi, kali yavo avaveeye avadedekere hagati haavo, valakave ni zinguru kuli Daudi yaali. Visukululwi via Daudi vilakavimiliri kuli engelosi wa Yahova Nyasaye kuli mwene.

Malaki 4:2

Navuzwa kumunyi avatizaa inzi, zinguru ziange zio vohonyi zilatonga ku munyi kuli liuva. Ndaleta vohonyi ku munyi kuli vwaku vwi liuva. Mulakave avavoholore kandi nu vusangali kuli vimoli vituliziywi mu kego.

Matayo 4:16

Avandu vaali nivamenya mu kisundi valoli uvulavu vonene. Kandi yavo avaamenyaa mu kivala chi chiriri chi likuza, uvulavu vong'ereng'ani kuvo!”

Yohana 16:20

Agiligali muvooleraa, munyi mulalira nu kusioma, navuzwa avumukivala valasangala; mulaverera, navuzwa ovovereri vwinyu vulagirung'ana kuva uvusangari.

Yohana 8:12

Yeso yavavolera kandi, “Inzi niyie uvulavu vwa avumukivala. Uyu onondaa sialagenda mu kisundi mba, navuzwa alava nu vulavu vuhaana livamwoyo.”

Vikolwa 26:18

Gakuduukiraa ukunuli zimoni ziavo, kandi uvakole vatuli mu kisundi vingiri mu vulavu; vatuli mu zinguru zia Setani, vazie ku Nyasaye; kuvitira mu lisuuvira liavo mu inzi valasamifwa vwoni vwavo, nukuvugula vwiyangu hagati havandu vatovole va Nyasaye.’

2 Vakorintho 4:6

Nyasaye wavoola, “Leka vulavu vong'ereng'ane kutura mu kisundi,” niyie mulala mwere umali kwakiza vulavu mu mioyo jietu nokoleta limanya liu vukumi vwa Nyasaye uvwakaa mu moni mwa Yeso Kristo.

2 Vakorintho 4:9

Avandu vanyingi vakudambiza, navuzwa Nyasaye siakolekaa mba. Kali nikozomazomwa hasi kazozo sikudivizwa mba.

Likunula 21:23

Lidaala linene zana siliveeye ni liuva anoho umweli ukwaka kulio mba, kigira uvukumi vwa Nyasaye vwalilaviza. Itaya yalio nu Mwana wi Ligondi.

Likunula 22:5

Uvudiku sivulakave ho mba, kandi sivalakenye uvulavu vwi itaya, anoho vwi liuva mba kigira Mwami Nyasaye alakave uvulavu vwavo, navo valakamihi mihiga ni mihiga.