Mika 7:6 - KITABU KITAKATIFU

⁶ Mu zing'inga yizi avayaayi valeganyia avababa vaavo nukuvakola kuva avasiru, avakaana vahing'ana na avamama vaavo; aviiha vahing'ana avanavizara vikikali vaavo. Avasigu vu mundu vaveeye avinyumba yeeye mwene.

Mika 7:6 Iomraidhean Croise

Litanga 49:4

Ivi oveeye kuli migelera ja mazi gafuriana; Navuzwa si ulava munene mba, kigira waali harara nu mukali wange umbika. Kandi wononyia kidali cha baba woovo.

2 Samweli 16:11

Daudi yavolera Abishai na vatumikiri veve vosi, “Muyaayi wange mwene agerizaa kunzita; kigira ki mugenye ku mundu wa Benjamini uyu? Yahova amuvooleeye anaame; kunangwa muleke ave yeng'ine kandi leki yanaame.

Zaburi 41:9

Kali mulina wange mulahi ligali, uyu wandasuuvira kuvita vosi, uyu usangaa chukulia ninzi, umali kungirung'ana ugingi iliichi lilie ku inzi.

Tsing'ano 30:11

Koveeye ho na vandu valama vababa vaavo kandi sivasandizaa vamama vaavo mba.

Tsing'ano 30:17

Mundu woosi ohenyahenyeraa baba weve anoho uchayaa mama weve mu vokeere vwivwe vwakaveeye vulahi zisoti ziamulia anaho majikoro gavoze zimoni zizie.

Isaya 3:5

Vuli mundu alakolera wache goosi aganyala. Avayaayi si valahaana luyali ku avakulundu vaavo mba, kandi avandu vataveeye nuvunyari si valahaana luyali ku avanene vaavo mba.

Isaya 9:19

Kigira Yahova Wuvunyali uvihiliriywi, lihaana mageri geege lisaamba kuli muliru mu kivala choosi kandi vudiviza avandu, na sihaveeye ho numundu overereraa amwavo weve mba.

Jeremia 12:6

Kali avamwavo vovo, avandu vinyumba yooyo yene, vamali kukuzaama; vasanga mulingililwa liilio. Utavasuvira mba kali niiva vamoloma amakuva malahi.”

Jeremia 20:10

Mbulira vuli vandu nivamonya, “Litihiza liveeye havundu hoosi! Kulwayago, kulamuvoola ku vanene!” Kali avalina vange vahimbi ligali valindilira ku ligwa liange. Avalina yava vavoola, “Hawundi anyala kugadwa, maku kunyala kumugumira kandi kuvanze kisaalia.”

Jeremia 9:4

Mugelihi ku avalina vinyu; mutasuuvira avamwavo vinyu mba. Vuli amwavo aveeye umuvehi, kandi vuli mundu aginaa nu mulina weve.

Ezekieli 22:7

Baba na mama si vahevwa luyali mba. Avageni vadambizwa kandi avavisandu na vakunzakali vakolerwa vudamanu.

Obadia 1:7

Avandu vamuhambanaa navo vosi vamali kumugaada; vamali kumukunga kutura mu kivala chiinyu. Avandu vaali ni mirembe ni munyi vamali kumuguuta. Avalina vamwasuuvira kandi ni mulia harara navo, vamali kotega mutego kumunyi vavoola kumunyi, ‘Limanya liosi liamwali nalio liveeye haliha?’

Matayo 10:21

“Amwavo alazama amwavo weve yiitwi, na baba alazaama umwana weve, na avana valagilunga na kulwaana aviivuli vaavo nu kuviita.

Matayo 26:23

Yeso yavativulira, “Uyu odongeraa harara ninzi mu sahani niyie uzizaa kunzaama!

Luka 12:53

Baba alavukana numwana muyaayi weve; na muyaayi na baba; mama numukaana weve; mukaana alavukana namama weve; navizara na navizara navo valavukana kandi.”

Luka 21:16

Aviivuli vinyu na avamwavo vinyu naviiko vinyu, na avalina vinyu; valamuzaama, kandi valiita avalala ku munyi.

Yohana 13:18

“Yaga simbolanga ku munyi vosi mba. Inzi ndaamanya yavo avandatovola. Navuzwa gaduukanaa gadukizwi kuli Amang'oda Matakatifu gavoora, ‘Oyo waalia harara nainzi ugirung'ani kuva musigu wange.’