Mika 7:2 - KITABU KITAKATIFU

² Sihaveeyeho nu mundu mulungi utigaye ku lirova mba, sihaliho nu mulala oveeye musuuvirifu ku Nyasaye mba. Vosi vagoneka vaduuki kwita. Vosi vahimana nu mutego.

Mika 7:2 Iomraidhean Croise

Zaburi 10:9

Agonekaa machiriri mu ahukwivisa hehe kuli isimba. Agonekaa machiriri aduuki kuhamba vadaka. Agumiraa avadaka mu mitego jije nukuvakwesa.

Zaburi 12:1

O, Yahova, okokonye! Sihaveeyeho nu mundu kali mulala oveeye mulungi imbiri woovo mba, Avandu valungi vafeeye; avasuuvirifu sivanyala konyoleka hagati havandu mba.

Zaburi 12:2

Vuli mundu avoora ovovehi ku wache, vagadana aveene naveene.

Zaburi 57:6

Inzi mbeeye mukivi, kigira avasigu vange vamali kotega mutego gwu kung'umira. Vayavi iliina munzira yange, navuzwa yavo aveene vamali kugwa mulio.

Tsing'ano 1:11

Niiva valavoora, “Hamba kuzie kogoneka mundu na kumwiti! Genda kuzie kwingilira vandu vataveeye nimbala.

Tsing'ano 12:6

Amakuva gavandu avachamu gaveeye guvwiti, navuzwa makuva gavandu avalungi gahonyia yavo vatihizwa.

Isaya 3:5

Vuli mundu alakolera wache goosi aganyala. Avayaayi si valahaana luyali ku avakulundu vaavo mba, kandi avandu vataveeye nuvunyari si valahaana luyali ku avanene vaavo mba.

Isaya 57:1

Avandu valahi vakuza kandi siaveeyeho kali uvahenderaa mwoyo mba. Navuzwa lwavakuzaa, kivi sikinyala kuvasaliriza mba.

Isaya 59:7

Munyagulaa zimbiru kuzia kokora uvudamanu; muveeye avangu ukwita avandu vatali nimbara. Zing'anagani ziavo ziveeye zing'anagani ziuvudamanu. Hoosi ha muzia mulekaa ho lidivizwa.

Isaya 9:19

Kigira Yahova Wuvunyali uvihiliriywi, lihaana mageri geege lisaamba kuli muliru mu kivala choosi kandi vudiviza avandu, na sihaveeye ho numundu overereraa amwavo weve mba.

Jeremia 16:16

Yahova avoora, “Nziza kutuma avaruvi vanyingi vaze vagumiri avandu yava. Maku ndatuma avahizi vanyingi vaze kuvahima kutura mu vigulu kandi mu tugulu kandi kutura mu zimbinga ziezinyanda.

Jeremia 5:16

Avasaza vaavo vukulasa uvuta vaveeye avasikari vizingulu ligali avitaa vugira kovererera.

Jeremia 5:26

“Avandu vadamanu vamenyaa hagati ha avandu vange; viivisi nukulindilira kuli avasaza vategi umutego vagumiri amanyonyi, navuzwa vamali kotega mitego jaavo kugumira avandu.

Jeremia 8:6

Ndaahuliriza vulahi ligali, navuzwa si mwavoora agiligali mba. Kali mundu mulala kumunyi siyaverera kigira uvuchamu vwivwe mba; kandi mundu mulala siyeteeva ku ndi, ‘Kindiki kidamanu cha inzi mali kokora?’ Vuli mundu azizaa kunzira yeeye umwene, kuli ibarasi inyagura zimbiru kuzia mu vulwani.

Lisyoma lya Jeremia 4:18

Avasigu vaakohenzeriza; sikwaali kunyala kogenda mu zinzira. Amadiku giitu gaali nigimbiha; keheri chaali nikiduuki.

Ezekieli 22:12

Valala ku munyi vahevwa mitungu vaduuki kwita. Valala vatungiza vukala vunyingi kuliegobiza liavakola ku vandu va Isiraeli nokonyoora vutugi kigira litungiza linyingi kuvo. Vamali kunzivilira.” Yahova Wuvunyali umali kovora.

Ezekieli 24:6

Yaga nigo ga Yahova Wuvunyali avoora: “Kivi keveeye ku lidaala linene lia valumindi! Liveeye kuli inyingu yi zisisinia itanyala kwogizwa mba. Vidonye vie zinyama vimali kutulizwa muyo, kandi sikeveeye ho kedonye kali kilala ikimali kutigala mu mba.

Hosea 5:1

“Muhuliri yaga, munyi avasaalisi! Muhulirizi munyi avandu va Isiraeli! Muhuliri, munyi avandu vinyumba yu vwami! Gamuduukira muhaane likalaga liveeye lirungi. Munyi mulakalagirwa! Kunangwa likalagirwa lilaaza kumunyi! Munyi mumali kugumira avandu kigira lisigamira misambwa ha Mizipa, kandi ku Kiguru cha Tabori.

Hosea 6:9

Avasaalisi vaveeye kuli muganda gwa vanuuri avagonekaa avandu kuzinzira. Kali vita avandu kunzira izizaa Shekemu havundu hatakatifu. Vakora uvudamanu yivu vwosi mu liyanza liavo.

Mika 2:8

Yahova ativulaa, “Munyi mwingiliraa vandu vange kuli avasigu. Avasaza viranaa kutura mu vulwani, nivaganaganaa vaveeye mu mirembe yengo, navuzwa uwene yeyo, mulindiliraa kuvanyaga amakooti gaavo.

Mika 3:10

Mwumbakaa lidaala liene lia Nyasaye, Jerusalemi, ku muse gwu uvulumindi kandi ugutali nilikalaga liu vulungi.

Mika 3:2

Munyi mudunyiraa uvulahi na muyanzaa uvudamanu; avavagaa amagondo kutura ku avandu vange nivaveeye mwoyo kandi avatuliza zinyama ku vigumba viavo.

Zekaria 11:6

Yahova yavoola, “Sindazizagilira kuva ni zimbavasi ku mundu woosi mu kivala mba. Ndaviika vandu vosi mu zinguru zia vamiihi vaavo. Avamihi yavo valaduvaga vandu vu mu kivala, kandi sindakakihonye kutura mu zinguru ziavo mba.”

Vikolwa 24:9

Avayuda vahambana kandi kudinyiriza amayaalo yago kuva agiligali.

1 Samweli 24:11

Henza, baba wange, henza kilaka chi iganza yooyo cha ngumiyi mu mukono! Ndaali nyara kukwita navuzwa mu vogono yivwo ngali vuzwa kilaka yiki. Yiki kidukanaa kikumanyie ndi simbeeye niganagani yukwibaala ku ivi kinga kukusaliriza mba. Ivi umbizaa uduuki kunzita, kali nindavula kukokolera kindu choosi kidamanu.

1 Samweli 26:20

utaleka nzitirwi mu kivala cha vageni, ihale kutura ku Yahova mba. Kigira ki mwami wa Isiraeli yaaze kwita ulororo kuli inzi? Kigira ki ahimaa inzi kuli linyonyi liumuvulimu?”