Mika 7:19 - KITABU KITAKATIFU

¹⁹ Ivi ulakoveera zimbavasi kandi. Ukusamihi uvwoni vwitu, kandi utavwizuliza mba.

Mika 7:19 Iomraidhean Croise

2 Samweli 24:14

Daudi yavolera Gadi, “Mbeeye mu kivi kenene ligali. Leki kugwi mu makono ga Yahova, kigira zimbavasi zizie liveeye linene; navuzwa utaleka inzi ngwi mu makono ga avandu mba.”

Zaburi 103:12

Yahova atulizaaho uvwoni vwitu nu kuvuhira ihale ligali, kuli Ivugwi eveeye ihale kutura imadioli.

Zaburi 130:8

Naye alahonyia avandu veve Isiraeli kutura mu vwoni vwavo vwosi.

Zaburi 85:3

Ivi umali kolekera kuva nu vutima navo, kandi umali kwigalira uvutima vuvwo vululu.

Isaya 33:24

Sihalavaho nu mulala omenya mu kivala chietu uwaza yigaane ndi alwalaa kandi uvwoni vwosi vulasaamiifa.

Isaya 38:17

Vuliduhu vwu mwoyo gwange vulagilung'ana kuva mirembe, ombonyi kutura mu vuhimwa vwange vwosi; kandi usamihi uvwoni vwange vwosi.

Isaya 43:25

Inzi mbeeye Nyasaye usamiihaa vwoni vwinyu; kandi ngolaa yaga kigira ku lwa inzi mwene. Sindizuliza uvwoni vwinyu kandi mba.

Jeremia 31:20

“Isiraeli, munyi muveeye kuli mwana wange wandayanza, mwana wandayanza ligali. Ing'inga lwa ndalanga lieta lienyu, Inzi muganaganyiaa nuvuyanzi. Mwoyo gwange goveeye ku munyi; ndava nizimbavasi.

Jeremia 31:34

Siaveeyeho kali mulala waza wigizi wache kumanya Yahova, kigira vosi valakamanye inze, kutura kumukekeeke kuduuka kumunene. Inzi ndakasamihi vwoni uvwavo kandi sindakizulizi uvudamanu vwavo mba. Inzi, Yahova, mali kovora.”

Jeremia 33:8

Ndatakasa uvwoni vwa vamali kongolera vwosi, kandi ndasamiiha uvwoni vwavo vwosi vwa vamali kwibaala ku inzi.

Jeremia 50:20

Lwa ing'inga yeyo iduuka, uvwoni sivulinyolekaku mukivala cha Isiraeli anoho uvuchamu mukivala chi Ivuyuda mba, kigira ndakasamihi avandu va Inzi mali kohonyia. Inzi, Yahova mali kovora.”

Lisyoma lya Jeremia 3:22

Uvuyanzi vwa Yahova vutaveeye nekeheri, zimbavasi zizie siziveeye ni keheri mba;

Lisyoma lya Jeremia 3:32

Kali niiva aletaa ovovereri, alamanyia, uvuyanzi vwivwe kukuinyi voveeye vwi ligali kandi uvwizingulu ligali.

Ezekieli 18:22

Ndasamiiha uvwoni vwivwe vwosi, na sindavwizuliza kandi mba, kigira yakola agaali amalahi kandi amalungi.”

Ezekieli 39:29

Ndaviika Roho gwange ku vandu va Isiraeli, kandi sindagirung'ana kutura kuvo mba. Inzi Yahova Wuvunyali mali kovora.”

Danyeli 9:24

“Mihiga 7 haali 70 niyo ing'inga ya Nyasaye amali kolohiza kovoholora vandu vovo harara ni lidaala litakatifu muvuhambe vwu vwoni kandi vudamanu. Alasamiiha uvwoni vwinyu kandi alaleeta vulungi vutaveeye nekeheri, kunangwa malola kandi voporofeti vulava vwa giligali kandi Litembeli litakatifu lilasaaliswa.

Hosea 14:2

Mwirane ku Yahova na musaale lisaala yili kuye kuli kihanwa: “Ukusamihi uvwoni vwitu vwosi kandi uvugiliri lisaala lietu. Kunyi kulakwizominya kuli kumali kulaga.

Hosea 14:4

Yahova avoora, “Inzi ndahonya kandi ndilanyia vandu vange ku inzi mwene. Ndavayaanza nu mwoyo gwange gwosi; kandi si ndava nu vutima navo mba.

Zekaria 3:4

Engelosi yavolera vatumikiri veve vumwigulu, “Mutulizi zinguvu ziayiviki zifunyaa yizi.” Maku yavolera Joshua, “Ndatuliza vwoni vuvwo kandi ndakuha zinguvu zimbia wiviki.”

Varumi 6:14

Mutaleki vwoni vumwamiihi kandi mba, kigira si muveeye mu Lilaga, navuzwa muveeye mu zimbavasi zia Nyasaye.

Varumi 8:13

Nimuva nimumenya kolondekana ni liiva lienyu liu muviri, mulakuza; navuzwa niiva mu Roho, muliita vikolwa vienyu viu vwoni, mulava mwoyo.

Kwidzulitsa 30:3

maku Yahova, Nyasaye winyu alava ni zimbavasi ni munyi. Alamwiranyia kutura mu zihiiri uwa yaali namali kumusalanyia kandi alamukola muve ni limeedeka.

Kwidzulitsa 30:6

Yahova Nyasaye winyu alamuha mioyo jukuhulira nukwegehiza harara ni visukululwi vienyu, kunangwa muduuki kumuyaanza nimioyo jinyu josi, na roho jinyu josi kandi mulazizagilira komenya mu kivala yicho.

Kwidzulitsa 32:36

Yahova alakakaragiri avandu veve. Alavererera avatumikiri veve lwa lilola zinguru ziavo nizigehaa, kandi sihavaho nu mundu ulitigala mba, muhambe anoho muvoholore.

Tito 2:14

Yihaana mwene kigira kunyi, aduuki kukutuliza mu vudamanu vwosi, kandi kokokola kove avandu valungi, avaveeye aveeve mwene kandi, vaveeye ni lienya kokora uvulahi.

Vahebraina 8:12

Ndavasamiiha uvwoni vwavo, kandi sindizuliza amahiolo gaavo mba.”

1 Yohana 3:8

Navuzwa uzizagilira kokora uvwoni aveeye wa Setani, kigira Setani yamalakokola uvwoni kutura mu litanga liene. Kivuni chagira umwana wa Nyasaye niyazaa mu lirova, keveeye ndi aduuki kudiviza miyinzi ja Setani.