Mika 7:18 - KITABU KITAKATIFU

¹⁸ Nivwaha oveeye Nyasaye kuli ivi, usamihaa uvwoni kandi ukunikaa amahiolo ga yavo avatigara avavandu veve avatovole? Siaviika nu vutima vwivwe mihiga ni mihiga kigira usangalaa muvuyaanzi vutaveeye nekeheri.

Mika 7:18 Iomraidhean Croise

Litanga 4:7

Niiva wakakoli vulahi, ngano ndakakuvugiliriyi, navuzwa kigira umali kokora vudamanu, ugwiyi mu vwoni. Uvwoni vulakwamiiha, navuzwa ivi kuduuka uvuguuti.”

1 Avami 8:23

nasaara, “O, Yahova Nyasaye wa Isiraeli, sihali na nyasaye kuli ivi mwigulu igilu anoho mu musi mu lirova!

2 Kyetsinyinga 30:9

Niiva mulirana ku Yahova, hene yaho yavo avamali kuhila avamwavo vinyu navana vinyu mu vuhambe valavamanyia liverererwa, na vavaleke viirane yengo mu kivala chavo. Yahova Nyasaye winyu aveeye wi zimbavasi kandi wilivererera. Niiva mulirana kuye, alamuvugilira.”

2 Kyetsinyinga 6:21

Hulira lisaala liange kandi lisaala lia avandu vovo Isiraeli lwa koheenzaa havundu yaaha nu kusaala. Noveeye mwigulu hango hoho halahi, hulira lianira lietu kandi ukusamihi.

Nehemia 9:17

Vasuura kuhulira; vivilira vilolekizu ni viokogenyia viawakola hagati haavo. muligingila liavo vaatovora mwimiliri vaduuki kwirana mu vutugwa vwavo mu Egebeti. Navuzwa oveeye Nyasaye usamihaa; Ivi oveeye wizimbavasi kandi wuvuyanzi; wagalaha ku vutima, zimbavasi zizio ni zinene; Na ivi siwavaleka mba.

Zaburi 103:13

Yahova averereraa yavo avamutizaa, kuli baba averereraa avana veve.

Zaburi 130:4

Navuzwa ivi ukusamihaa uvwoni vwitu, kunangwa kunyi kuduuki kuva nu vuti vonene kuive.

Zaburi 35:10

Ndavolera Yahova nu mwoyo gwange gwosi, “Sihaveeye ho nu mundu mulala kuli ivi, O, Yahova! Ivi ukingaa avadedekere kutura ku yavo avizingulu, na avadaka kutura ku vadambizi.”

Zaburi 65:3

kusaala kigira uvwoni vwavo. Lwa mahiolo giitu gakoyembelela, ivi ukusaamihaa.

Zaburi 65:4

Vaveeye nuvugasu yavo avaotovolanga, nukuvaleeta vaduuki komenya ahatakatifu hoho. Kunyi kulakigutizwi ni vindu vilahi iviveeye munyumba yooyo, uvugasu vwi Litembeli liilio litakatifu.

Zaburi 71:19

O, Nyasaye, zinguru zizio, zidukaa igulu mwigulu; Ivi umali kokora vindu vinene ligali; siahaveeye ho voveeye kuli ivi O, Nyasaye.

Zaburi 86:15

Navuzwa ivi, O, Yahova, oveeye Nyasaye wu vuyanzi kandi wi zimbavasi, oveeye mwikuziri, wuvuyanzi vutaveeye ne keheri kandi musuuvirifu kazozo.

Zaburi 86:5

Ivi oveeye mulahi ku kunyi, kandi usamihaa uvwoni vwitu, wayizula uvuyanzi vutaveeye ne keheri ku yavo vosi avasaalaa ku ivi.

Zaburi 89:6

O, Yahova, siaveeye ho nu mundu kali mulala mwigulu oveeye kuli ivi mba, anoho vilombe viosi viveeye mu ligulu sivinyala kweleng'anyia ku ivi mba.

Zaburi 89:8

O, Yahova, Nyasaye Wuvunyali, siaveeye ho numulala oveeye wizingulu kuli ivi mba, O, Yahova, ivi oveeye musuuvirifu mu vindu viosi.

Kutwula 15:11

“O, Yahova, nivwaha munyasaye oveeye kuli yivi? Nivwaha oveeye kuli ivi, wokogenyia mutakatifu? Nivwaha unyala kokora vilolekizu iviokogenyia ni vinene kuli vivio?

Kutwula 34:9

Musa yavoola, “Yahova, niiva ligali uyanzizwa ninzi, ngogonya, nuyanza unyala kuzia harara nikunyi. Avandu yava vaveeye vikirage, navuzwa ukusamihi uvudamanu vwitu kandi vwoni vwitu, kandi ukuvugiliri kuva avandu vovo.”

Isaya 1:18

Yahova avoora, “Kalunu, hambi kuhulirizane mu makuva yaga. Kali uvwoni vwinyu nivoveeye vwakanyu ligali ndamwogiza mulave kuli likonza; kali nivoveeye vwakanyu ligali kuli masahi, mulava avalavu kuli ipamba.

Isaya 33:24

Sihalavaho nu mulala omenya mu kivala chietu uwaza yigaane ndi alwalaa kandi uvwoni vwosi vulasaamiifa.

Isaya 38:17

Vuliduhu vwu mwoyo gwange vulagilung'ana kuva mirembe, ombonyi kutura mu vuhimwa vwange vwosi; kandi usamihi uvwoni vwange vwosi.

Isaya 40:18

Nyasaye anyala koleng'anywa na vwaha? Anoho anyala kufananywa na kindiki?

Isaya 40:25

Nyasaye Mutakatifu anyala koleng'anywa ku vwaha? Aveeye ho nu mundu wundi woosi unyala koleng'anywa naye?

Isaya 43:25

Inzi mbeeye Nyasaye usamiihaa vwoni vwinyu; kandi ngolaa yaga kigira ku lwa inzi mwene. Sindizuliza uvwoni vwinyu kandi mba.

Isaya 44:22

Mali kweya vwoni vuvwo kuli lilesi. Wirane ku inzi, kigira mali kokohonyi.”

Isaya 55:7

Avadamanu valeke zinzira ziavo zindamanu. Avandu vachamu valeke zing'anagani ziavo ziuvuchamu viirane ku Yahova Nyasaye wiitu kigira aveeye wi zimbavasi vavererera; kandi aveeye mwangu kusaamiha.

Isaya 57:10

Munyi mwiluhizaa aveene kigira zing'endo zindambi zia mugendagendaa nimwenya avanyasaye vandi va musigamira, navuzwa simutulizaa ku mwoyo mba. Muganaganaa ndi vifananyi viukuvihiliriza vienyu vimuhezaa zinguru, na kigira yaga, simudedekeraa mba.

Isaya 57:16

Ndahaa avandu vange livamwoyo na sindazizagilira kuvayaala anoho kuvavihilirwa mihiga ni mihiga mba.

Isaya 62:5

Nyasaye alasangalira munyi kuli muyaayi asangalira mwiha wa asereraa, kandi kuli mwiha asangalira muyaayi wa aselerangwa ku.

Isaya 64:9

Kunangwa Yahova, utava nu vutima ni kunyi mba, anoho utizuliza uvwoni vwitu mihiga ni mihiga mba. Kunyi kwosi koveeye avandu vovo, okoveere zimbavasi.

Isaya 65:19

Inzi ndasaangalira Jerusalemi, Kandi ndayaanzizwa na vandu vange vi lidaala yili. Lisioma kandi lilira si vilavaho mba.

Jeremia 3:12

Yaanduma kuzia kovoolera Isiraeli, “Avandu va Isiraeli avataveeye avasuuvirifu, mwirane ku inzi. Mbeeye wizimbavasi kandi sindava nu vutima mba; sindava nu vutima nimunyi mihiga ni mihiga mba.

Jeremia 3:5

Simulasinyika ing'inga yoosi mba; simulava nu vutima kigira inzi kazozo mba.’ Isiraeli, yago nigo gamwavora, navuzwa mwakora uvudamanu vwosi kuli munyala.”

Jeremia 31:20

“Isiraeli, munyi muveeye kuli mwana wange wandayanza, mwana wandayanza ligali. Ing'inga lwa ndalanga lieta lienyu, Inzi muganaganyiaa nuvuyanzi. Mwoyo gwange goveeye ku munyi; ndava nizimbavasi.

Jeremia 31:34

Siaveeyeho kali mulala waza wigizi wache kumanya Yahova, kigira vosi valakamanye inze, kutura kumukekeeke kuduuka kumunene. Inzi ndakasamihi vwoni uvwavo kandi sindakizulizi uvudamanu vwavo mba. Inzi, Yahova, mali kovora.”

Jeremia 32:41

Ndasangara kuvakolera vulahi, kandi ndavaviika mu kivala yiki mu vusuuvirifu, nu mwoyo gwange gwosi kandi ni liiva liange liosi.

Jeremia 33:8

Ndatakasa uvwoni vwa vamali kongolera vwosi, kandi ndasamiiha uvwoni vwavo vwosi vwa vamali kwibaala ku inzi.

Jeremia 38:8

kunangwa Ebedimeleki yazia ha Kirivwa navolera mwami,

Jeremia 50:20

Lwa ing'inga yeyo iduuka, uvwoni sivulinyolekaku mukivala cha Isiraeli anoho uvuchamu mukivala chi Ivuyuda mba, kigira ndakasamihi avandu va Inzi mali kohonyia. Inzi, Yahova mali kovora.”

Jeremia 9:24

Niiva mulala yenya kwigingira, gamuduukira yigingiri ndi yamanya kandi amanyirizaa inzi, kigira uvuyanzi vwange vutaveeye nekeheri, kandi ngolaa agaveeye malungi kandi malahi. Yivi nivio vindu viyanziza. Inzi Yahova mali kovora.”

Ezekieli 18:23

Mwami Munene Yahova ateeva ndi, “Uganagana inzi ndasangalira likuza liu mundu mudamanu? Awa! Ndakayanzi kolola niyiganiraa uvwoni vwivwe kandi amenye.

Ezekieli 33:11

Uvavoolere ndi ligali kuli inzi, Yahova Wuvunyali, mbeeye Nyasaye oveeye mwoyo, si sangala kolola mwoni nakuzaa mba. Ndakayanzi kolola naleki kokora vwoni kandi naveeye mwoyo. Avandu va Isiraeli, muleke uvudamanu vwamukolaa. Kigira ki mwenya kukuza?

Ezekieli 33:16

Ndasamiiha uvwoni vwamali kokora, kandi alava mwoyo kigira umali kokora agaveeye malungi kandi malahi.

Danyeli 9:9

Yahova Nyasaye wiitu, ivi oveeye ni zimbavasi kandi wi lisamiiha kali niiva kwaibala kutura ku ivi.

Hosea 14:2

Mwirane ku Yahova na musaale lisaala yili kuye kuli kihanwa: “Ukusamihi uvwoni vwitu vwosi kandi uvugiliri lisaala lietu. Kunyi kulakwizominya kuli kumali kulaga.

Hosea 14:5

Inzi ndava ku avandu va Isiraeli kuli imbura mu kivala chumu. Valalaviza vimuli kuli amaua; valahila miri kuli misaala ja Lebanoni.

Joeli 2:32

Navuzwa vosi avaaniraa Yahova, valahonywe. Kuli Yahova yavoola ‘Avalala mu Jerusalemi valahononoke; yavo avandatovola valahone.’ ”

Amosi 1:11

Yahova avoora, “Avandu vi kivala cha Edomu vamali kokora uvwoni haali kanyingi, na kigira yaga ndavaha amageri. Vaahiima avamwavo vaavo vandu va Isiraeli ni kivavi, na sivaveererera mba. Vutima vwavo sivwaali ne keheri mba. Sivaaloleka vahomati mba.

Amosi 7:8

Maku, Yahova yandeva, “Amosi, ni kindu ki chololaa?” Ndaativura, “Ndolaa mugoye gwi kibimiru.” Maku, Yahova yavoola, “Henza, ngitumikiraa kumanyia ndi avandu vange vaveeye kuli lidigi litaveeye lirungi, iliavedeka. Sindagirung'anyia zing'anagani ziange kandi kuvula kuvaha amageri.

Amosi 8:2

Yahova yandeva, “Amosi, ololaa ki?” Ndaamutivulira, “Ndolanga kihinda cha makuyu amengu.” Yahova yambolera, “Keheri kiduuki ku avandu vange Isiraeli. Sindagirung'anyia zing'anagani ziange ziu kuvaha amageri mba.

Jona 4:2

Kunangwa yasaala ku Yahova navoora, “O, Yahova, sindavoola ningikiri kutura yengo ndi, yiki nicho icha umanya okole vuzwa? Yicho nicho chagira ningora zinguru ziosi ukwirukira mu kivala cha Tarishishi. Ndaamanya vulahi ndi, ivi oveeye Nyasaye wuvuyanzi, kandi wizimbavasi, umwikuziri ku vutima, kandi umwetegeke kugirung'ana muziganagani, kandi kuvula kuhaana mageri.

Mika 2:12

“Navuzwa ndamuvungiza harara ligali, avandu vosi va Isiraeli avatigara. Ndamuvungiza harara kuli amagondi gilanaa mu kego. Kuli chayo chizuuyi amagondi, kivala chienyu kilava kandi na vandu vanyingi.”

Mika 4:7

Vakolwa avalema kandi vaveeye ihale kutura mu zingo ziavo, navuzwa ndalomba limenya lihia harara niyavo avamala kohononoka, na valagwa ihiiri yizingulu. Inze Yahova ndavamiiha ku kiguru zia Ziyoni kutura ing'inga yeyo kuduuka mihiga ni mihiga.”

Mika 5:3

Kunangwa Yahova alaleka vandu veve ku avasigu vaavo kuduuka lwu mukali aliivula mwana muyaayi weve. Maku avandu Vaisiraeli avaveeye mu vuhambe valakahambanywe harara na vandu vaavo.

Mika 7:14

Waye avandu vovo ni imbimbu yooyo, Yahova, avandu va ivi umali kotovola kuva miandu jijo kali nivamenyi veng'ine mwigendanyama, haveeye kivala kenoru ichavakumbiriza. Leka vazie kwaya mu viayilu via Bashani na Gileadi, kuli vaakora zing'inga zia kale.

Zefania 3:17

Yahova Nyasaye winyu aveeye harara na munyi. Zinguru zizie zilamuha liguuta. Yahova alayanzizwa na munyi kandi mu vuyanzi vwivwe, alamuha livamwoyo lihia. Alimba nukusangara kigira munyi.

Livalidza 23:21

Ndolaa madiku gaaza imbiri ga Isiraeli, sialavaleetela vudamanu naho vudinyu mba; Yahova Nyasaye wavo aveeye navo; valandiza ndi Yahova nu mwami wavo.

Luka 15:32

Gaduukani kolombe lilia kandi kusangale, kigira amwavo woovo uyu yaali niyakuza, navuzwa kalunu aveeye mwoyo; yaali niyagota, navuzwa kalunu anyoleki.’ ”

Luka 24:47

kandi lieganira nilisamiifwa liu vwoni lililwazwa mu zihiiri ziosi mu lieta lilie kutangira mu Jerusalemi.

Varumi 11:4

Nyasaye yamutivulira ki? Yamuvolera, “Mali kwivikira haloveg inzi mwene avandu zielefu saba avavura kusigamira kifananyi Baali.”

Kwidzulitsa 33:26

Avandu va Isiraeli, sihaveeye ho na nyasaye kuli Nyasaye winyu mba, uhiraa barasi mu malesi kuuza ku likonya lienyu.

Yakobo 2:13

Nyasaye sialimanyia livererera lwa alikalagira umundu uyu uwavula kuva ni zimbavasi; navuzwa zimbavasi ziveeye ni liguuta ku likalaga.

Vakalagi 10:16

Valeka vanyasaye vaavo vageni, nivasigamira Yahova; naye yanyangana kigira lidambizwa lia vandu va Isiraeli.