Mika 7:11 - KITABU KITAKATIFU

¹¹ Avandu va Jerusalemi, lidiku lizaa liu kwumbaka uvuhia amadigi gi lidaala linene; Lidiku liene yilio zinzako zie kivala chiinyu zilameedeka.

Mika 7:11 Iomraidhean Croise

Nehemia 2:17

Navuzwa kalunu ndavavolera, “Muloraa ikivi cha koveeye mu, kigira Jerusalemi liveeye mang'anye, na ivirivwa vialio viamala kusambwa mumuliru. Gendi kwumbake vuhia madigi gi lidaala linene na koherizi zisoni zietu.”

Nehemia 2:8

Kandi ndaateva mbeevwe ibarwa yindi mbiliri Asafu, mulindi wu militu ju vwami, imulagaa aduuki kumba misaala nombe vikongo vie virivwa vie imbinga ikingaa Litembeli kandi via madigi gi lidaala linene kandi vie inyumba yainze komenya mu. Mwami yamba viosi via ndateeva mbeevwe, kigira Nyasaye yaali harara niinzi.

Nehemia 4:3

Tobia, umuamoni uwaali nasingiyi ahimbi naye, yameda kovora, “Ni lidigi lia lugano ki lia vakumbaki? Kali ikivwi kinyala kulitula hasi!”

Nehemia 4:6

Kunangwa kwazizagilira kwumbaka lidigi, na nonoho, lidigi zana liali inusu yuvutambi vwalio vwosi kigira avandu vaali nuvuha ukwumbaka.

Isaya 54:11

Yahova avoora, “O, Jerusalemi Ivi usalirizangwa, lidaala linene litinyalizaa, vugira mundu wukuleminya mwoyo, ndumbaka vuhia imise jijo na magina guvuguli ovonene.

Isaya 54:2

Vaambalariza uvwiyangu vwi lihema liilio. Vaambula zinguvu ziu kukinga, utigalira mba; Nyira migoye jalio jitambihi ligali, okole vivambo vialio vive nizinguru.

Isaya 58:12

Avandu vinyu valumbaka vuhia vianyi vienyu via kale, valaviumbaka kandi ku mise ja kale. Na munyi mulagulikwa avandu vumbaka vuhia madigi gasasuguka, kandi avandu valalomba zinzira zie lidaala zivitiki kandi harara ni zinyumba iziali vianyi.”

Isaya 61:4

Valumbaka uvuhia madaala manene gi vianyi agasasuguka ku zing'inga zinyingi.

Danyeli 9:25

Uhuliri kandi umanye yaga, kutura ing'inga yi lilago liahaanwa liu kwumbaka vuhia lidaala lia Jerusalemi, kuduuka liza liu mwimiliri wa Nyasaye amali kotovola, mihiga 7 haali 7 jilakaviti. Jerusalemi ilakumbakwe uvuhia ni zinzira kandi lugaga lwi zinguru, kandi lilakasingili kumihiga 7 haali 62, navuzwa yiyi ilakave ing'inga yi kivi.