Mika 6:8 - KITABU KITAKATIFU

⁸ Awa, Yahova umali kokovoolera agaveeye amalahi. Aga yenya kutura ku kunyi ni yaga: Kokora uvulungi, kumanyia uvuyanzi vutaveeye nekeheri, nokomenya mu liegehiza harara na Nyasaye wiitu.

Mika 6:8 Iomraidhean Croise

Litanga 18:19

Inzi mali kumutovola kunangwa aduuki kulaga avayaayi veve nivisukululwi vivie vaambuliri inzi kandi vakole agaveeye malahi kandi malungi. Niiva valakola, inzi ndamukolera vuli kindu chamali ku mulaga.”

Litanga 5:22

Inyima wa yago, Enoka yatia malago ga Nyasaye ku mihiga 300 kandi yanyoora avana vandi vayaayi na vakana.

2 Kyetsinyinga 30:11

Kali ndio, vaali ho avandu valala kutura mu ihiiri ya Asheri, Manase na Zabuloni, avaari nivegehizi aveene kandi nivavugiliyi kuzia Jerusalemi.

2 Kyetsinyinga 32:26

Lwu kumaliriza Hezekia harara na vandu va Jerusalemi vegehiza ligali, nandio Yahova siyavaha amageri kuduuka inyima wi likuza lia Hezekia mba.

2 Kyetsinyinga 33:19

Lisaala liu mwami na mativuli ga Nyasaye kulio, kandi livaala liu vwoni vwa yakola nakikiri kwiganira, uvudamanu vwa yakola, havundu hukusigamira misambwa nivifananyi viu munyasaye wikikali Ashera ivia yalomba kandi ni misambwa ja yasigamira viosi viang'odwa mu vitabu via makuva ga kale ga Avaporofeti.

2 Kyetsinyinga 33:23

Amoni siyegehiza umwene imbiri wa Yahova, kuli baba weve Manase yegehiza mba, navuzwa, yaazizagilira kokora uvwoni kuvita ligali.

2 Kyetsinyinga 34:27

kandi nu wegehiza umwene imbiri wange, watandula zinguvu zizio, kandi nulira nukwidoloka amaliga, lwa wahulira kuli ndatihiza ku haana amageri ku Jerusalemi harara na avandu vamenyi mu. Navuzwa inzi mali kuhulira lisaala liilio,

Nehemia 9:13

Ivi wiika kutura mwigulu ha kiguru cha Sinai; ivi wamoloma ku avandu vovo, kandi nuvaha malago malahi namigizu guvulamu agaveeye guvulungi kandi agiligali.

Zaburi 101:1

Ndimba kigira vusuuvirifu kandi likalaga lirungi. Ku ivi, O, Yahova, ndimba

Zaburi 112:4

Uvulavu vwakiraa avandu valahi mu kisundi; ku yava avaveeye nilivererera, avalahi kandi ni likalaga lirungi.

Zaburi 112:9

Ahaanaa nuvuhaani vwosi ku avadaka, uvulungi vwivwe vuhindiraa mihiga ni mihiga. Alava ni zinguru kandi nuluyali lonene.

Zaburi 37:26

Vuli ing'inga yoosi Yahova ahaanaa vuzwa ku vandu veve vosi, kandi vaveeye ni ligasizwa.

Zaburi 73:28

Navuzwa ku inzi vuveeye vulahi ligali kuva ahimbi ku Nyasaye; konyoora likingwa ku Yahova Nyasaye Wuvunyali nukulandiza ndavoora vindu viosi viokogenyia viamali kokora.

Tsing'ano 21:3

Kokora gaveeye malungi kandi gilikalaga lirungi, gayaanziza Yahova kuvita kumuletera visiuviliru.

Kohelethu 12:13

Yivi viosi ni viakavita, koveeyeho ni kindu kilala chokovoora: Utie Nyasaye, kandi olonde malago geege, kigira yiki nicho chagira Nyasaye nalomba mundu.

Isaya 56:1

Yahova avolera avandu veve ndi, “Mukore likalaga lieligali kandi liveeye lilungi, kigira ovohonyi vwange ku munyi voveeye ahimbi kuza, na ovohonyi vwange vulalang'aminywa vwangu ligali.

Isaya 57:15

“Inzi mbeeye Nyasaye oveeye igulu kandi mutakatifu, omenya mihiga ni mihiga. Inzi menyaa havundu haveeye igulu kandi hatakatifu. Kandi menyaa harara na vandu avahocha kandi aviganiri, kunangwa nduuki kuvilanyira kelemamwoyo chavo kandi mbiki zinguru mu lisuuvira liavo.

Isaya 66:2

Inzi mwene ndaalomba ligulu ni lirova! Nyanzizangwa na yavo avaveeye avahocha na aviliegehiza, avatizaa nukuhulira inzi.

Jeremia 22:16

Yaali ni likalaga lirungi ku avadaka, kandi vwali vulahi kuye. Yiki nicho kivuni kumanya Yahova.

Jeremia 22:3

“Inzi Yahova, mulaga mukore likalaga liveeye lirungi kandi liu vulungi. Mukingi mundu umali kunuurwa kutura ku munuri. Mutakola uvudamanu anoho mutadambiza avageni, avavisandu anoho avakunzakali mba. Mutiita avandu vataveeye nimbara havundu yaaha mba.

Jeremia 9:23

Yahova avoora, “Avandu vageri vatigingira kigira ovogeri vwavo mba, anoho avandu vizingulu kigira zinguru ziavo mba, noho avandu vatugi kigira uvuhinda vwavo mba.

Lisyoma lya Jeremia 3:26

Voveeye vulahi umundu kulindilira machiriri ovohonyi vwa Yahova.

Ezekieli 16:63

Nasamihi uvwoni vwinyu vwosi vwa mumali kokora, navuzwa nimuvwizulizi kandi namuve muzizoni ligali kali sinamutivuli ku kindu mba.” Yahova Wuvunyali umali kovora.

Ezekieli 33:14

Niiva ndiganihiza umundu mudamanu ndi azizaa kukuza, ma alekele kokora uvwoni kandi akole malungi kandi malahi,

Danyeli 4:37

“Kalunu, Inzi Nebukadineza ndizominya, nimbana luyali kandi nu vukumi ku mwami wu mwigulu. Vuli kindu choosi chakolaa keveeye kilungi kandi chi likalaga lirungi, kandi agehizaa vuli mundu woosi oveeye ni liegingira.”

Hosea 12:6

Kunangwa munyi visukululwi via Isiraeli, musuuviri mu Nyasaye winyu kandi mwirane kuye. Muve avasuuvirifu kandi vilikalaga lirungi, ma ku mulindiliri Nyasaye winyu kazozo.

Hosea 6:6

Inzi nzegomba munyi kuva nu vuyanzi vwa kazozo navuzwa si nzegomba visiuviliru vinyu viezinyama mba. Inzi nzegomba avandu vange vamanye inze kuvita kuhana vihanwa kuinzi.

Kyavalevi 26:41

Kandi nivangola kuvagirung'ana kandi kuvahila vazie mu kivala cha avasigu vaavo. Mu limalirika, lwi visukululwi vienyu viagehizwa kandi ni vamali kukindukizwa kigira uvwoni vwavo, kandi liebaala.

Amosi 5:24

Mu vogono vwi vindu yivio muleke likalaga lirungi lidoloke kuli mugera gwa mazi, na uvulungi kuli mugera munene gwa mazi agalivula kukama.

Mika 6:9

Yahova avooreraa lidaala linene, vuveeye vulahi kutia lieta lia Yahova; “Huliri, O, ihiiri ni Livugana mu lidaala linene!

Zefania 2:3

Mwilane ku Yahova, munyi avandu vosi vegehiza mu kivala, avatizaa malago geege. Mukore agaveeye amalungi kandi mwegehizi aveene imbiri wa Yahova. Hawundi mulahononoka kutura ku linyola mageri lidiku lia Yahova amanyia vutima vwivwe.

Zekaria 7:9

“Ndahaana malago yaga ku vandu vange kale ligali: ‘Gamudukira muve ni likalaga lirungi, kandi mumanyie vohoma ni zimbavasi ku mundu nu wache.

Matayo 5:3

“Vaveeye nuvugasu avaveeye nuvudaka mu mioyo; Kigira uvwami vwu mwigulu nu vwavo.

Matayo 5:7

“Vaveeye nuvugasu avaveeye nizimbavasi, kigira valaverwa zimbavasi.

Luka 10:42

Navuzwa kindu kilala vuzwa nicho chenyekaa. Maria atovooye kindu kilahi, ichalivula kunyagwa mba.”

Luka 11:42

“Navuzwa O, vayaye, kilaamo kenene keveeye ku munyi Avafarisayo, kigira muhaanaa ku Nyasaye Kidieli chi likomi kali vindu vilombaa viukulia kuva nu mwayu kuli izubira ni bilabili, umutere ni zinguza zindi ziosi ziu mu mulimi, navuzwa mwivilira kokora amakuva guvulungi naguvuyaanzi vwa Nyasaye. Vindu yivi gaduukanaa mukore vugira kwivilira kokora agandi.

Luka 12:14

Yeso yamutivulira, “Mundu ivi, nivwaha wambika mbe mukalagi anoho mugavuli hagati hinyu vaviri?”

Luka 6:36

Muve ni zimbavasi kuli Baba winyu aveeye ni zimbavasi.

Varumi 7:16

Aga ngolaa sigaveeye nigo aga nyenya kokora mba. Yaga gamanyia ndi inzi mbugilira ndi Lilaga liveeye lirungi.

Varumi 9:20

Navuzwa ligali ivi oveeye vwaha uluviliraa kwilanyira Nyasaye amativuli? Inyingu sinyala koteeva umulongi wayo, “Kigira ki wanomba kuli ndi?”

1 Vakorintho 7:16

Ivi mukali Mukristayo unyala kumanya ndi ulakahonyie musaza woovo? Anoho ivi musaza Mukristayo, unyala kumanya ndi ulakahonyie mukali woovo?

Vafeso 4:32

Muve novohooma aveene ku aveene; muve nu mwoyo gwi zimbavasi kandi musamiihane aveene naveene kuli Nyasaye yasamiha munyi mu Kristo.

Kwidzulitsa 27:10

Kunangwa muhuliri Yahova Nyasaye winyu kandi mugumiri malago gege nimiima jije aga muheezaa kalunu.”

Kwidzulitsa 30:15

“Henza, kalunu muheezaa litovola hagati hu vulahi nu vudamanu, livamwoyo ni likuza.

Vakolosai 3:12

Kunangwa kuli avandu vatovole va Nyasaye, avaveeye avatakatifu na vayaanzwa, muve nu mwoyo gwi zimbavasi, vogoosi liegehiza, vohoma kandi, vwikuziri.

2 Vatesalonike 2:16

Mwami wiitu Yeso Kristo mwene, na Nyasaye Baba wiitu uwakuyanza kandi kuvitira mu zimbavasi zizie naakuha kelemamwoyo chi mihiga ni mihiga kandi lisuuvira lilahi,

Yakobo 2:20

Umusiru ivi! Wenyaa umanywe ndi lisuuvira vugira ivikolwa liakuza?

Joshua 24:14

Joshua yaazizagilira kovora “Kunangwa kalunu; mutie Yahova kandi mumutumikiri. Muve nagiligali kandi nu vusuuvirifu. Mutulizi avanyasaye va vaguuga vinyu vagira kusigamira mu Mesopotamia kandi mu Egebeti; kandi mutumikiri Yahova yeng'ine.

1 Petro 3:8

Kumaliriza; munyi mwosi gamudukira muve ni lienya lilala kandi iliiva lilala, muyaanzane kuli avamwavo nu kuva nu mwoyo mulahi kandi mwegehizi vene na vene.

1 Samweli 12:23

Kolovega lwange si gandukira ngolere Yahova uvwoni ku livula kusaalira munyi. Mu vogono yivwo, ndamwigiza agaveeye malahi kandi malungi ku munyi kokora.

1 Samweli 15:22

Samweli yativura, “Ni ki cha Yahova ayaaziliraa kuvita? Kutia anoho vihaanwa viukusambwa kandi visiuviliru? Ni vulahi ligali kuhulira Yahova kuvita kuhaana visiuviliru via magondi malahi ligali kuye.