Mika 6:7 - KITABU KITAKATIFU

⁷ Yahova alayanzizwa niiva ndamuhaanila zielefu zia amagondi, anoho migera ja amaguta ga muzeituni agatahera? Nyara kumuhaanira mwana wange wokutanga kwivulwa kutunga kigira uvwoni vwange?

Mika 6:7 Iomraidhean Croise

2 Avami 16:3

navuzwa yalonda liiva lia vami va Isiraeli. Kali yasamba muyaayi weve mwene kuli kisiuviriru chu kusambwa, kolondekana ni likora liu kuvihiliriza lia avizihiiri, ava Yahova yakunga imbiri wa vandu va Isiraeli.

2 Avami 21:6

Yahaana muyaayi weve kuli kihanwa chu kusambwa, kandi nakora uvulaguli nu vukumu, kandi nahaambana na vasigitiri kandi vavuuli. Yaakolera Yahova vwoni vonene ligali kandi yavuukiza vutima vwivwe.

2 Avami 23:10

Mwami Josia kandi yononyia Tofezi, havundu hu kusigamira ha vandu vatamanyi Nyasaye, mu Livona lia Hinomu, kunangwa avuli kuva ho nu mundu uhaana mwana muyaayi weve anoho mukaana kuli kisiuviriru chu kusambwa ku munyasaye Moleki.

2 Avami 3:27

Kunangwa yavugula muyaayi weve mukulundu awaali yakavuguyi ovogono vwivwe kuli mwami, namuhaanira ku lidigi lie lidaala linene kuli kisiuviriru ku munyasaye wa Moabu. Vaisiraeli vatihizwa ligali, na ndio vamanya ni virana inyima kutura mu lidaala linene ni virana mu kivala chavo aveene.

Ayubu 29:6

zing'ombe ziange kandi zimburi ziange ziahaana ku inzi maveere manyingi, kandi misaala ji mizabibu jahaana amaguta amanyingi.

Zaburi 50:9

inzi si ndavugilira zigiriki kutura mu milimi jinyu mba, kinga zimburi kutura mu viayo vivio mba.

Zaburi 51:16

Ivi siwenya visiuviliru mba, ngano ndakavihaani; ivi siuyanzizangwa nivihaanwa viu kusambwa mba.

Zaburi 51:18

O, Nyasaye, Ove mulahi ku Ziyoni na ulikoonye. Wumbake vuhia zimbavasi zie lidaala linene lia Jerusalemi.

Tsing'ano 15:8

Yahova ayaanzizwa nilisaala lia vandu valahi, navuzwa adunyiraa visiuviliru viletwaa na vandu vachamu.

Tsing'ano 21:3

Kokora gaveeye malungi kandi gilikalaga lirungi, gayaanziza Yahova kuvita kumuletera visiuviliru.

Isaya 1:1

Kitabu yiki keveeye mu na makuva kigira Ivuyuda na Jerusalemi aga Nyasaye yavulira Isaya muyaayi wa Amozi, ing'inga lwa Uzia, Jozamu, Ahazu na Hezekia vaali avami vi Ivuyuda.

Isaya 40:16

Zinyama ziosi ziu mumilitu ja Lebanoni si ziduukanaa kuva kuli kisiuviriru imbiri wa Nyasaye wiitu mba, kandi misaala sijiveeye midukiru ju kuhambiza muliru mba.

Jeremia 19:5

kandi vamali kwumbakira Baali uvwali kunangwa vaduuki kusamba avana vaavo numuliru kuli visiuviliru. Inzi sindaavalaga kokora ndio mba; kali sigaaliku mu zing'anagani ziange mba.

Jeremia 6:20

Simbugilira ku kimuli chamundetera kutura Sheba anoho ivindu vifunya umwayu kutura mukivala chihale mba? Sindavugilira zisadaka ziavo anoho sindayanzilira ivisiuviliru viavo mba.

Jeremia 7:31

Vamali kwumbaka uvwali vulaangwa ‘Tofezi’ mu livona liu mwana wa Hinomu, kunangwa vaduuki kuhaana avayaayi vaavo na avakaana vaavo vasambwe mu muliru kuli visiuviliru. Inzi si ndaavalaga vakore yaga mba, anoho si gaali mu zing'anagani ziange mba.

Ezekieli 23:37

Vamali kokora ovoheyi kandi vamali kwita. Vaakora ovoheyi ni vifananyi viavo; kali vamali kuhaana vana vange kuva visiuviliru ku vifananyi viavo.

Hosea 5:6

Vavugura magondi nizing'ombe ziavo kuhaana ku Yahova kuli visiuviliru nu kumwenyeleriza, navuzwa si vamunyoola mba, kigira amali kuvaleka.

Hosea 6:6

Inzi nzegomba munyi kuva nu vuyanzi vwa kazozo navuzwa si nzegomba visiuviliru vinyu viezinyama mba. Inzi nzegomba avandu vange vamanye inze kuvita kuhana vihanwa kuinzi.

Kyavalevi 18:21

Utahaana mulala ku avana vovo kuva kisiuviriru ku nyasaye ulangwa Moleki mba, kigira yago galaleta zisoni ku lieta lia Nyasaye.

Kyavalevi 20:1

Yahova yavolera Musa

Amosi 5:22

Lwa muletaa ku inzi vihaanwa vienyu viokusambwa, kandi vihaanwa vienyu viu vuswage, sindavivugilira mba; kali sindavugilira vihaanwa vienyu vie mirembe vie zinyama zinolu mba.

Filemona 1:12

Nguyu mutumaa yirani ku ivi kandi aveeye umuyanze wu mwoyo gwange ligali.

Vakalagi 11:31

ndahaana ku ivi umundu woosi utura munyumba yange wukutanga kuza kunzaganira lwanduuka kutura mu vulwani vwiliguuta ave kuli kihanwa chukusambwa. Ndahaana umundu oyo ku Ivi kuva kuli kisiuviriru.”

Vakalagi 11:39

Imieli giviri nijakavita, mukaana uyu yirana na baba weve yakola kuli vaalagana na Yahova, mukaana uyu yakuza nakikiri umugima. Kigiria yaga gwamanya nigugwa umwima mu Isiraeli

1 Samweli 15:22

Samweli yativura, “Ni ki cha Yahova ayaaziliraa kuvita? Kutia anoho vihaanwa viukusambwa kandi visiuviliru? Ni vulahi ligali kuhulira Yahova kuvita kuhaana visiuviliru via magondi malahi ligali kuye.