Mika 6:6 - KITABU KITAKATIFU

⁶ Nyara koletera kindiki Yahova, Nyasaye wu mwigulu, lwa nziza imbiri weve kumusigamira? Nyara kumuletera vimoli vinetu nu kusaamba vive kuli vihaanwa kuye?

Mika 6:6 Iomraidhean Croise

2 Samweli 21:3

Kunangwa Daudi yalanga avandu va Gibeoni navavoolera, “Nyara kumukolera ki? Nyenya nzilanyie uvulahi ku vudamanu vwa mwakolerwa, kunangwa muduuki kugasiza avandu va Yahova.”

Zaburi 116:12

Nyara kuhaana ki ku Yahova, kigira uvulahi vwivwe vwosi ku inzi?

Zaburi 22:29

Avigingiri vosi, valamwinamira mu limusigamira; avandu vakuza vosi valamwinamira.

Zaburi 95:2

Kandi kuzie imbiri weve nilisandiza; Gendi kumwimbiri zinyimbu ziesango yilizominya.

Zaburi 95:6

Hambi, gendi kumwinamiri kandi kumusigamiri; gendi kusigame imbiri wa Yahova mulombi wiitu.

Kutwula 12:5

Munyala kotovola ligondi anoho imburi, navuzwa kuduuka eve neveeye muhiga mulala vuzwa kandi isaza itaveeye nimbala.

Kutwula 23:15

Mu mweli gwa Abibu, mu mweli gwa mwatula Egebeti, mulombe lilia liu mugadi gutaveeye mu na mamera kuli ndaamulaga. Mutalia mugadi gwalomberwa mu amamera ku ing'inga ya madiku saba yaga mba. Mutaaza kusigamira vugira koleta isadaka yoosi mba.

Tsing'ano 15:8

Yahova ayaanzizwa nilisaala lia vandu valahi, navuzwa adunyiraa visiuviliru viletwaa na vandu vachamu.

Tsing'ano 21:3

Kokora gaveeye malungi kandi gilikalaga lirungi, gayaanziza Yahova kuvita kumuletera visiuviliru.

Isaya 40:16

Zinyama ziosi ziu mumilitu ja Lebanoni si ziduukanaa kuva kuli kisiuviriru imbiri wa Nyasaye wiitu mba, kandi misaala sijiveeye midukiru ju kuhambiza muliru mba.

Jeremia 6:20

Simbugilira ku kimuli chamundetera kutura Sheba anoho ivindu vifunya umwayu kutura mukivala chihale mba? Sindavugilira zisadaka ziavo anoho sindayanzilira ivisiuviliru viavo mba.

Ezekieli 46:9

“Lwa avandu vange vaza kusigamira Yahova kulisavo liosi, yavo avingiliraa mu kirivwa cha Ivaale valatura mu kirivwa chi Isavaalu, lwa vamali kusigamira. Yavo avingiliraa mu kirivwa cha Isavaalu valatura mu kirivwa cha Ivaale. Si aveeyeho umundu kali mulala unyala kuziira kunzira yayatulaa ku mba, navuzwa kuduuka aziiri kunzira yindi.

Danyeli 3:26

Kunangwa Nebukadineza yisunda ahimbi nu muliango gwi kisambiru cho lomemo lwu muliru nalaangaa, “Sadaraka! Meshaka! Abedinego! Avatumikiri va Nyasaye Munene! Tuli ichova!” Nonoho vatura ichova.

Danyeli 4:9

Beliteshaza mwami wavasigitiri vosi, ndamanya ndi roho gwa vayasaye mutakatifu goveeye mu ivi kandi oveeye ni limanyiriza lie vilolekizu viosi. Yaga na maloto gange; mbolera cha gavoora.

Danyeli 5:18

“O, Mwami, Nyasaye Wuvunyali yakola Nebukadineza baba woovo mwami munene naamuha vukumi.

Danyeli 5:21

Yakungwa kutura hagati ha vandu, kandi zing'anagani zizie zia kolwa kuva kuli zie zinyama. Yamenya harara ni zibunda, yaya kuli eng'ombe kandi ya gona mu vukindu vugira chu kumukinga kutura ku lime. Mu limalirika yavugilira ndi Nyasaye Wuvunyali aveeye nu vunyali ku vwamihi vwu mwami woosi kandi anyala kuvuhaana ku mundu woosi watovoye.

Hosea 5:6

Vavugura magondi nizing'ombe ziavo kuhaana ku Yahova kuli visiuviliru nu kumwenyeleriza, navuzwa si vamunyoola mba, kigira amali kuvaleka.

Amosi 5:22

Lwa muletaa ku inzi vihaanwa vienyu viokusambwa, kandi vihaanwa vienyu viu vuswage, sindavivugilira mba; kali sindavugilira vihaanwa vienyu vie mirembe vie zinyama zinolu mba.

Livalidza 7:51

Kemoli kilala kigiriki, limigu lilala ne kememe kilala kimigu chu muhiga mulala, vive kuli vihaanwa viu kusambwa.

Matayo 19:16

Mundu mulala yaza ku Yeso, namuteeva, “Mwigizi mulahi, ngola ki ikilahi nduuki konyoora livamwoyo litahera mba?”

Marko 12:33

Kuduuka umundu ayaanze Nyasaye nu mwoyo gwigwe gwosi, ni zing'anagani zizie ziosi, ni zinguru zizie ziosi; kandi kuduuka ayaanze umutende weve kuli yiyanzaa mwene. Likuva yili liveeye ilinene kuvita kuhaana visiuviliru vindi viosi ku Nyasaye.”

Marko 5:7

nahanzuka nu mwoyo munene navoora, “Onyenyaa ki ivi Yeso Mwana wa Nyasaye, oveeye igulu Ligali? Ngogonya, imbiri wa Nyasaye, utandambiza mba!”

Luka 10:25

Ing'inga indala, mwigizi mulala wi Lilaga yasingira nageriza koteega Yeso navoora, “Mwigizi, gandukira ngole kinduki konyoora livamwoyo litahera mba?”

Yohana 6:26

Yeso yavativulira, “Muvooleraa agiligali, simunyenyaa kigira muloli vilolekizu, navuzwa kigira muliiyi migadi nimwiguta.

Vikolwa 16:17

Kunangwa, mukaana oyo yalonda Paolo ni kunyi, nahanzuka, na avoora, “Avandu yava vaveeye avatumwa va Nyasaye Oveeye Yigulu Ligali. Vamwilwazira kuli munyala kohona.”

Vikolwa 16:30

Ma yavaleeta ichova, navateeva, “Avami, ngola ki, nduuki kohonywa?”

Vikolwa 2:37

Lwa avandu vahulira yaga, vatumitwa mu mioyo jaavo, nivateeva Petero na avatumwa vandi, “Avaamitu, kokora ki?”

Vafeso 3:14

Kigira yaga, sigamaa mu lisaala imbiri wa Baba,

Vahebraina 10:11

Avasaalisi va Vayuda vosi sa mulala, asingiraa kazozo kokora ukutumika, nu kuhaana visiuviliru zana haali kanyingi; navuzwa visiuviliru yivi sivinyala kutuliza vwoni kali hakuzu mba.

1 Samweli 15:22

Samweli yativura, “Ni ki cha Yahova ayaaziliraa kuvita? Kutia anoho vihaanwa viukusambwa kandi visiuviliru? Ni vulahi ligali kuhulira Yahova kuvita kuhaana visiuviliru via magondi malahi ligali kuye.