Mika 6:4 - KITABU KITAKATIFU

⁴ Ndamutuliza mu kivala cha Egebeti; ndaamuhonyia kutura muvutugwa; ndaatuma Musa, Haruni na Miriamu kumwimilira.

Mika 6:4 Iomraidhean Croise

2 Samweli 7:23

Sihaveeye ho ni ihiiri yindi ku lirova kuli Isiraeli, ya ivi wahonyia kutura mu vutugwa mu kivala cha Egebeti, ukuvalomba vave avandu vovo ivi mwene. Vindu vinene kandi viokogenyia via wavakolera vimali kulandiza ulusuma lulwo mu lirova liosi. Ivi wakunga zihiiri zindi na avanyasaye vaavo lwa avandu vovo vazizagilira kuvingilira nukulwana navo, avandu va ivi wavoholola kutura Egebeti kuva avoovo ivi mwene.

Zaburi 77:20

Ivi wimilira avandu vovo kuli mwayi wi chayo cha magondi, kandi watovola Musa na Haruni kuva vimiliri vaavo.

Kutwula 12:51

Ku lidiku yilio Yahova yaatuliza avandu va Isiraeli kutura Egebeti mu miganda jaavo.

Kutwula 20:2

“Inzi mbeeye Yahova, Nyasaye winyu uwamutuliza Egebeti, uwa mwaali avatugwa.

Kutwula 3:10

Kalunu ngutumaa ku Mwami wa Egebeti kunangwa uduuki kwimilira avandu vange kutura mu kivala chiche.”

Kutwula 4:10

Navuzwa Musa yavoola, “Awa Yahova, utanduma mba. Inzi sindaavaku umumolomi mulahi kali hakuzu mba; kandi ngikiri kuvaku mulala ku vamolomi avalahi kutura ing'inga yawatanga komoloma ku inzi mba. Molomaa galaha kandi lulimi lwange loveeye luliduhu.”

Kutwula 4:16

Alava umumolomi woovo kandi ku vandu. Na ivi ulava kuli Nyasaye weve ukumuvoolera agaavoola.

Kutwula 6:27

Yava nivo avasaza avavoolera mwami aleke vandu va Isiraeli.

Jeremia 32:21

Ivi waleeta avandu vovo Isiraeli kutura mukivala cha Egebeti ni vilolekizu kandi ni viokogenyia, mu zinguru zizio zinene ligali kandi ku vunyali vuvwo.

Amosi 2:10

Ndaamutuliza mu kivala cha Egebeti, na ndamwimilira kuvitira mwigendanyama ku mihiga arubaini kandi niimuha kivala cha avandu va Amori kuva kivala chienyu aveene.

Livalidza 12:1

Miriamu na Haruni vatanga komonya Musa kigira yaali naleti mukali Mukushi.

Livalidza 33:1

Yivi ni vika via vandu va Isiraeli vagenda mu lwa vaatura mu kivala cha Egebeti, mu miganda ji zihiiri ziavo mu vwimiliri vwa Musa na Haruni.

Vikolwa 7:36

Niyie wimilira avandu yava kutura mu Egebeti niyakamara kokora vilolekizu kandi viokogenyia mu kivala cha Egebeti, mu Inyanza Inzakanyu kandi mu changalangwi ku mihiga arubaini.

Kwidzulitsa 15:15

Mwizurizi ndi munyi mwaali avatugwa mu kivala cha Egebeti, na Yahova Nyasaye winyu yamuvoholora. Kunangwa, yicho nicho kigira muheezaa lilago yili kalunu.

Kwidzulitsa 24:18

Mwizurizi kumanya ndi mwaali avatugwa mu Egebeti, kandi Yahova Nyasaye winyu yamuvoholora kutura yo. Yicho nicho kigira nimuha lilaga yili.

Kwidzulitsa 4:20

Navuzwa munyi muveeye avandu va Yahova yahonyia kutura Egebeti, kutura mu lomemo lwu muliru. Yamutuliza yo amukole avandu veve mwene kuli muveeye kalunu.

Kwidzulitsa 4:34

Aveeye ho na nyasaye woosi uwaluvilira kuzia kwivugulira avandu kutura mu ihiiri yindi nu kuvakola vave aveeve mwene, kuli Yahova Nyasaye winyu yamukolera mu Egebeti. Imbiri winyu aveene, yatumikira zinguru zizie zinene, kandi uvunyali vwivwe. Yaleeta maduywa kandi uvulwani yakola vilolekizu kandi viokogenyia, kandi yalomba vindu viukutihiza viekoleke.

Kwidzulitsa 5:6

‘Inzi mbeeye Yahova Nyasaye woovo wa muletaa kutura mu kivala cha Egebeti, wa mwaali vatugwa.

Kwidzulitsa 7:8

Navuzwa gaali kigira Yahova yamuyanza kandi yenya kutwekiza lilagana lia yasuuviriza avaguuga vinyu na yiki nicho chagira namuhonyia nu mukono gwigwe gwi zinguru kandi namuvoholora kutura mu kivala chu vutugwa, kutura mu zinguru ziu mwami wa Egebeti.

Kwidzulitsa 9:26

Kandi ndasaara ku Yahova, ‘O, Yahova Nyasaye Wuvunyali, utadiviza avandu voovo mba, avandu vawahonyia kandi nuvaleeta kutura Egebeti ku vonene vuvwo kandi ku zinguru zizio zinene.

1 Samweli 12:6

Samweli yaazizagilira, “Yahova niyie uwatovola Musa na Haruni, kandi watuliza avaguuga vinyu mu Egebeti.