Mika 6:15 - KITABU KITAKATIFU

¹⁵ Mulataga vuswage, navuzwa simulakagese, mba mulamiina nukukamula amaguta kutura mu mizeituni, navuzwa simulanyora amaguta gu kwivaka mba. Mulamiina makuyu, navuzwa simulanwa iwaini mba.

Mika 6:15 Iomraidhean Croise

Ayubu 31:8

hene yaho Nyasaye aleke avandu vandi valie viukulia viandataga, kandi vitagwa viu mu mulimi gwa viononywi ligali.

Jeremia 12:13

Avandu vange vaamiza ingano, navuzwa valakagese livaanze; vamali kuyinzira vudinyu, navuzwa sivanyoyeku kindu mba. Kigira vutima vwange vululu vitagwa viavo sivilakora vulahi mba.”

Kyavalevi 26:16

Inzi ndamuha mageri. Ndaleta kivi kinene ku munyi kuli vulwaye vutahonaa mba kandi luhuuza lunyala kumukola muvakuli nokolomba livamwoyo lienyu kuva liavuzwa. Mulataga vitagwa vienyu, navuzwa sivilava novokonyi ku munyi mba, kigira avasigu vinyu valalia via mwatanga.

Kyavalevi 26:20

Liyinzira vudinyu lienyu lilava liavuzwa, kigira kivala chienyu sikilaama viukulia kandi mba misaala sijilaama makuyu mba.

Amosi 5:11

Kunangwa mumali kudambiza avadaka nu kuvanura vuswage vwavo. Kigira yaga, simulamenya mu zinyumba zindahi zia magina gavazwa zia mwumbaka, kandi simulanwa iwaini kutura ku mizabibu milahi ja mwasimika mba.

Habakuk 3:17

kali niiva misaala ja makuyu givula kulaviza kimuli, anoho makuyu gavuli kuva ku muzabibu, kali ndio mizeituni givuli kwama, kandi milimi givuli kwama vuswage, kali niiva viayo viosi via magondi vikuza, kandi vigo vivuli kuva ni mitugu,

Zefania 1:13

Vutugi vwavo vulavugulwa kandi zinyumba ziavo ziladivizwa. Sivalakamenye mu zinyumba zia vumbaka mba, anaho sivalakanwi iwaini kutura ku mizabibu jaavo ja vataga mba.’ ”

Haggai 1:6

Mwamiza vuswage vunyingi, navuzwa ligesa lienyu liveeye likekeeke. Muveeye ni chukulia, navuzwa si kimuduukaa mba. Muveeye ni iwaini, navuzwa si muhambikaa mba! Muveeye ni zinguvu, navuzwa si zimuheza luya mba. Munyoolaa mitungu, navuzwa mujiviikaa mu zimuya ziafuduka.

Yohana 4:37

Kigira yaga livoora yili nilieligali: ‘Mulala amiizaa nu wundi agesaa.’

Vakalagi 6:4

Vamenya mukivala nukwononyia ivitagwa mu milimi ja vandu va Isiraeli kuduuka mu lovega lwa Gaza. Vaavugura amagondi gaavo goosi, izing'ombe ni zisukiri, nukuvaleka aveere.