Mika 5:7 - KITABU KITAKATIFU

⁷ Avandu va Isiraeli avalitigala valakave kuli lime litulaa ku Yahova, kuli ulunyilira ku vitagwa vivirukaa. Valeeleda ku Nyasaye, sivalakelede ku mundu mba.

Mika 5:7 Iomraidhean Croise

2 Samweli 17:12

Kulanyoola Daudi hoosi ha ava naveeye kandi mu mwingiliri nakikiri kumanya ichekolekaa. Siaveeye ho nohononoka mba, oyo anoho avandu vasaza veve.

Zaburi 110:3

Ku lidiku lia uzia kulwaana vasigu vovo, avandu vovo valiihaana aveene. Avayaayi vovo valaza ku ivi ku vigulu vitakatifu kuli lime lia mugambazuri.

Zaburi 133:3

Gaveeye kuli iliime ku kiguru cha Herimoni, iligwizaa ku tugulu twa Ziyoni. Hene yaho niho ha Yahova amali kusuuviriza uvugasu vwivwe vwi livamwoyo ilitahera mba.

Zaburi 72:6

Leka mwami ave kuli imbura ikubaa ku vunyasi vukalagiywi, ave kuli lunyilira lusamaa lirova!

Tsing'ano 19:12

Vutima vwu mwami voveeye kuli lifuuma lie isimba, navuzwa liyaanza lilie liveeye kuli liza lie imbura.

Isaya 32:15

Navuzwa ing'inga yindi kandi Nyasaye alakuhanira Roho viamo. Kivala chi changarangwi kilava mulimi mugunamu gwi viavo.

Isaya 44:3

“Ndahaana mazi ku yavo avaveeye nuvuluhu. Kandi ndakora migera ja mazi kogenda ku kivala chumu. Ndahaana Roho wange ku vana vovo, kandi ndahaana uvugasu vwange ku visukululwi vivio.

Isaya 55:10

“Likuva liange liveeye kuli likonza kandi imbura iyikaa hasi kutura mwigulu kusaminyaa lirova, vikola vitagwa komera nukuviruka nukuhaana uvumwu kumiza kumumizi kandi ichukulia ku vandu.

Isaya 66:19

kandi valamanya ndi inzi Yahova mbana amageri kuvo. Navuzwa ndahonyia valala nukuvatuma ku zihiiri, ziveeye mu vivala vikagatanaa ni inyanza - Tarishishi, Libia, Lidia kivala keveeye na vasaza vaveeye ni limanya liu kulasa uvuta, Tubali kandi Ivuguriki. Avandu vakikiri kuhulira luyali lwange anoho avakikiri kolola ovonene kandi zinguru ziange, hagati hi zihiiri yizi, valalandiza ovonene vwange.

Jeremia 14:22

Siviveeye ho ni vifananyi vie zihiiri vinyala koleta imbura mba; Ligulu ku vwalio si linyala koleta lunyilira mba. Kunyi kwaavika lisuuvira lietu mu ivi, O, Yahova Nyasaye wiitu, kigira ivi niye okolaa vindu yivi.

Ezekieli 14:22

Kali niiva mulala ku vandu yava alatigala kandi ahonyie avana veve avakaana na vayaayi, lwa vaza ku ivi, uvahenze olole kuli vaveeye avadamanu, ulavugilira ndi amageri gambana ku Jerusalemi gaveeye malungi,

Ezekieli 47:1

Umundu oyo yambira inyima mu vwingiliru vwi Litembeli. Mazi gaali nigaturaa hasi mu vwingiliru kandi nigazizaa Ivugwi, kolovega lwi Litembeli liahenza. Giturukaa hasi kutura isi we kedonye chi Isavaalu kolovega lwu vwali.

Ezekieli 5:5

Yahova Munene avoora, “Henza ku lidaala lia Jerusalemi, Inzi mali kuliviika hagati hi kivala, ni vivala vindi viosi vi likumberizi.

Danyeli 11:32

Mwami alakatumikiri vugadi kunyoola lidinyiriza kutura ku yavo avaleka idini yaavo, navuzwa yavo avaloonda Nyasaye, valakavalwaane.

Hosea 14:5

Inzi ndava ku avandu va Isiraeli kuli imbura mu kivala chumu. Valalaviza vimuli kuli amaua; valahila miri kuli misaala ja Lebanoni.

Hosea 6:3

Gendi kwenyelerizi kumanya Yahova. Alaza kukunyi kuli iliuva litongaa mugambazuri, kandi kuli imbura yu lunyilira kandi kuli imbura yi ing'inga yi lisembera ikubaa ku lirova.”

Joeli 2:32

Navuzwa vosi avaaniraa Yahova, valahonywe. Kuli Yahova yavoola ‘Avalala mu Jerusalemi valahononoke; yavo avandatovola valahone.’ ”

Amosi 5:15

Mudunyili uvudamanu, na muyanze agaveeye malungi, na mulole ndi likalaga lirungi likoleywe mu viyaalo. Hawundi Yahova Nyasaye Wanyala Viosi alaveera avandu veve Isiraeli zimbavasi avatigara mwoyo.

Mika 2:12

“Navuzwa ndamuvungiza harara ligali, avandu vosi va Isiraeli avatigara. Ndamuvungiza harara kuli amagondi gilanaa mu kego. Kuli chayo chizuuyi amagondi, kivala chienyu kilava kandi na vandu vanyingi.”

Mika 4:13

Yahova avoora, “Avandu vi lidaala linene lia Jerusalemi, muzie ma muhaane amageri ku vasigu vinyu! Ndamukora muve ni zinguru kuli igiriki eveeye ni zinziga zie kivia ne zimbagayu zie migasa. Mulashonoranyia zihiiri zinyingi, na mulaleetera inzi Yahova wi lirova liosi uvutugi vwa vanyoola mulitumikira zinguru.”

Mika 4:7

Vakolwa avalema kandi vaveeye ihale kutura mu zingo ziavo, navuzwa ndalomba limenya lihia harara niyavo avamala kohononoka, na valagwa ihiiri yizingulu. Inze Yahova ndavamiiha ku kiguru zia Ziyoni kutura ing'inga yeyo kuduuka mihiga ni mihiga.”

Mika 5:3

Kunangwa Yahova alaleka vandu veve ku avasigu vaavo kuduuka lwu mukali aliivula mwana muyaayi weve. Maku avandu Vaisiraeli avaveeye mu vuhambe valakahambanywe harara na vandu vaavo.

Mika 5:8

Yavo avalilekwa hagati hi zihiiri valava kuli isimba ihiimaa chukulia mu mulitu anoho ichayo: ichenyola hagati ha magondi, ituuma kucho, kandi igatandulanyia mu vidonye; kandi sihaveeyeho nunyala kugahonyia mba.

Mika 7:18

Nivwaha oveeye Nyasaye kuli ivi, usamihaa uvwoni kandi ukunikaa amahiolo ga yavo avatigara avavandu veve avatovole? Siaviika nu vutima vwivwe mihiga ni mihiga kigira usangalaa muvuyaanzi vutaveeye nekeheri.

Zefania 3:13

Avandu va Isiraeli avahononoka sialakakole vudamanu na vache mba, sivalakavoole vovehi anoho uvugadi mba. Valakanyore miandu kandi valakave ni likingwa. Sivalakave nu vuti vwosi kandi mba.”

Zekaria 14:8

Lwi lidiku yili liliduuka, mazi gilivamwoyo galakituruki kutura Jerusalemi, inusu yago galakazie mu inyanza yi jumbi, na inusu yindi galakazie mu inyanza ya Meditareniani. Amazi yaga galakituruki muhiga gwosi mu ing'inga yi kemeyu kandi mu ing'inga yi mbula.

Zekaria 9:13

Ndakatumikiri Ivuyuda kuli vuta vwu musikari, kandi ndakatumikiri Isiraeli kuli mivano ju vuta. Ndakatumikiri avasaza va Ziyoni kuli kivavi kulwaana vandu va Gurisi.”

Matayo 28:19

Muzie, mukore avandu vi zihiiri ziosi vave vigi vange: muvabatizi: mu lieta lia Baba, liu Umwana, na lia Roho Mutakatifu;

Vikolwa 11:15

Lwa ndatanga komoloma kuvo, Roho Mutakatifu yika kuvo kuli yika ku kunyi mulitanga.

Vikolwa 13:46

Navuzwa Paolo na Baranaba vamoloma nu vuluviliri vonene, nivavoora, “Liali linigwa likuva lia Nyasaye litange kuduuka ku munyi; navuzwa, kigira mulisuuyi, nu kwelola simuduukana ni livamwoyo litahera mba, heenzi, kunyi koleka munyi nu kuzia ku avandu vi Zihiiri zindi.

Vikolwa 16:9

Uvudiku yivwo Paolo yalora malola ndi aloli mundu mulala watura Makedonia usingiyi yo na amugoonya, “Yambuka, uzi Makedonia okokonye.”

Vikolwa 9:15

Navuzwa Mwami yamuvolera, “Zia vuzwa, kigira ndovoye uyu ave kiju change, yiilwaaze lieta liange ku zihiiri na avami vaavo, kandi ku avandu va Isiraeli.

Varumi 10:20

Isaya aluvilira ligali kovora, “Mali konyoolwa na yavo avaavura konyenyeriza; mali kwivuula mwene ku yavo avaavura kondeeva.”

Varumi 11:12

Vwoni vwa Vayuda vwaleeta uvutugi vwu vugasu ku lirova liosi, kandi ovogeheru vwavo vwaleeta vugasu vunyingi ligali ku vandu vizihiiri. Kulwayago, vulava vugasu vonene ki ligali lwa vandu vosi vi Vuyuda valiviikwa harara!

Varumi 9:30

Kunangwa kovoole ki? Vandu vi zihiiri avaavura kwenyeleriza uvulungi vwa Nyasaye, vumali konyooleka kuvitira mu lisuuvira;

1 Vakorintho 3:6

Inzi ndaataga uvuguza, na Apolo naasama amazi; navuzwa Nyasaye naavuvirukiza.

Kwidzulitsa 32:2

Amigizu gange galakuba kuli zingelegeliza ziembula kandi limoloma liange litonyatonye ku lirova kuli lime, Makuva gange galaaza kuli lunyilira ku vitagwa vidoto, kuli ulunyilira ku uvunyasi vodotodoto.

Vakalagi 6:36

Maku Gidioni yavolera Nyasaye, “Niiva ulasoola Isiraeli nu mukono gwange kuli ovooye,