Mika 5:5 - KITABU KITAKATIFU

⁵ Gulakave murembe lwa avandu va Asiria valiza mu kivala chietu, kandi nukuvunanyia zimbinga zietu, kulatuma avanene saba kandi aviimiliri viitu vi zinguru ligali munane ukulwaana navo.

Mika 5:5 Iomraidhean Croise

Ayubu 5:19

Alakohonyia kutura mu vudinyu sita. Mu kivi cha saba, uvudamanu sivulakudiira kali hakuzu mba.

Zaburi 72:7

Leka uvulungi vomeedeke mu ing'inga yi livamwoyo lilie kandi uvugasu vuhindiri lwu mweli gwakaa mihiga ni mihiga.

Tsing'ano 30:18

Viveeye ho ni vindu vine viveeye viokogenyia ku inzi ku vimanya:

Tsing'ano 30:29

Viveeye ho vindu vine viu kuyaanziza kuvilola lwa vigenda:

Tsing'ano 6:16

Yivi ni vindu sita anoho saba via Yahova adunyiraa:

Kohelethu 11:2

Ugavuli via oveeye navio ku vandu saba anoho munane, kigira siunyala kumanya kindu kidamanu kizizaa kwekoleka mu kivala yiki mba!

Isaya 14:25

Ndadiviza avandu va Asiria avaveeye mu kivala change cha vandu vange Isiraeli, kandi ndavaduvagira hasi ku vigulu viange. Ndahaana vovoholore ku vandu vange kutura ku iniira ya avandu va Asiria, kandi ndatuliza misigo miliduhu kutura ku mavega gaavo.

Isaya 44:28

Mbolera Sairasi ‘Ni ivi uliamiiha avandu kulwa inzi; ulakakole aga nyenya okole. Ulakalage avandu kwumbakwa vuhia Jerusalemi, kandi misingi ji Litembeli kuvikwa.’ ”

Isaya 59:19

Sa mulala alatia lieta lia Yahova nizinguru zizie kutura Ivugwi kuduuka Imadioli, kandi alamanya uvukumi vwivwe kutura ing'inga yiliuva litongaa. Alaza kuli mugera gutulikaa nizinguru zinene ligali; ugwa imbuza kandi kuli ihuuzaa.

Isaya 65:8

Yahova avoora, “Siaveeye ho mundu wononyia amazabibu malahi mba; navuzwa alombaa iwaini kutura kugo. Inzi si ndakononyie avandu vange mba, navuzwa ndakahonyie avatumikiraa inzi.

Isaya 7:14

Kigira yaga, Yahova mwene alamuha kelolero: Henza, mukaana mugima alavereka na alivula mwana muyaayi na alamugulika lieta ‘Imanueli’!

Jeremia 33:15

Ing'inga yene yeyo ndakatovole kisukururwi kilungu cha Daudi kuva umwami. Mwami oyo alakakole agaveeye amalungi kandi likalaga lirungi mukivala choosi.

Amosi 1:3

Yahova avoora, “Avandu vi lidaala linene lia Damasiko mukivala cha Siria vamali kokora uvwoni haali kanyingi; na kigira yaga, ndavaha amageri ligali vakoleye avandu va Gileadi uvudamanu, vavaduvagiiyi hasi kuli mundu uhulaa vuswage na mavere nu muvango.

Amosi 1:6

Yahova avoora, “Avandu va Gaza vamali kokora uvwoni haali kanyingi, na kigira yaga ndavaha amageri ligali. Vavugura ihiiri yoosi ya Isiraeli nivavaguliza kuli vatugwa va Edomu.

Zekaria 10:11

Lwa navavitiri mu inyanza yi kivi, inzi, Yahova, ndakakiling'anye viguvuli kandi mugera gwa Naili gulakakame. Liegingira lia vandu va Siria lilakikizwi, kandi vandu va Egebeti vi zinguru valakagotizi zinguru ziavo yaga.

Zekaria 10:3

Yahova avoora, “Mbeeye nu vutima na vageni vamiiha vandu vange kandi nziza kuvaha mageri. Avandu vi Ivuyuda vaveeye vandu vange, kandi inzi Yahova Wuvunyali ndakavalindi. Valakave kuli zibarasi ziange zie liihi zie zinguru.

Zekaria 12:6

“Ing'inga yene yeyo ndakakole zihiiri zie Vuyuda kuva kuli inyingu eveeye ku lomemo liumuliru hagati hu mulitu, anoho kuli muliru hagati hu mulimi gwu vuswage vwumu; muliru gulakadivizi zihiiri ziosi ziavakumberiza. Avandu va Jerusalemi valakamenye mu mirembe mu lidaala linene.

Zekaria 9:10

Yahova avoora, “Ndakatulizi magare gu vulwani kutura mu Isiraeli, kandi ndavugura zibarasi kutura mu Jerusalemi; ndakononyie uvuta vwu vulwani. Mwami winyu alakaleete mirembe hagati hi zihiiri, alakamiihi kutura ku inyanza kuduuka ku inyanza, kandi kutura ku mugera gwa Efurate kuduuka ku keheri chi lirova.”

Zekaria 9:13

Ndakatumikiri Ivuyuda kuli vuta vwu musikari, kandi ndakatumikiri Isiraeli kuli mivano ju vuta. Ndakatumikiri avasaza va Ziyoni kuli kivavi kulwaana vandu va Gurisi.”

Luka 2:14

“Uvukumi voveeye igulu mwigulu ku Nyasaye, ni mirembe mu kivala ku avandu ava ya yaanza!”

Yohana 14:27

“Mirembe nijo ja inzi mulekeraa. Mirembe jange inzi mwene muheezaa. Simuhezaa kuli avumukivala vahaana mba. Mutahenda mioyo jinyu anoho kuhayahaya, kandi mutava nuvuti mba.

Yohana 16:33

Mali kovora yaga kunangwa munyi muduuki kuva ni mirembe ku lihambanywa ninzi. Mu kivala mulanyola lidambizwa; navuzwa muleme mwoyo! Inzi mali kuguuta kivala!”

Likunula 17:14

Avami likomi zana harara ni king'ang'a valalwaana Mwana wi Ligondi, navuzwa Mwana wi Ligondi, harara na valondi veve, avayalanga, avayatovola kandi avasuuvirifu; alavaguuta kigira aveeye Mwami wa avamihi.”

Likunula 19:14

Avasikari va amahi gu mwigulu vaamulonda, ni vanini ku zibarasi zindavu. Vaali ni viviiki zinguvu zindahi, zindavu.