Mika 5:4 - KITABU KITAKATIFU

⁴ Lwa aliiza, alakamiihi avandu veve nizinguru zitulaa ku Yahova kandi nuvunyari vwa Yahova Nyasaye mwene. Avandu veve valakamenyee mu mirembe kigira vandu kutura mu lirova liosi valakamanya ovonene vwivwe, kandi alaleeta mirembe.

Mika 5:4 Iomraidhean Croise

Zaburi 145:12

Kunangwa avandu vosi valamanya vikolwa vivio vie zinguru, kandi valamanya uvukumi vonene vwu vwami vuvwo.

Zaburi 22:27

Zihiiri ziosi zielirova valizuliza Yahova. Valagirung'ana kuyeeka kuye kutura havundu hoosi mu lirova avandu vizinimi ziosi kulirova valasigamira Yahova.

Zaburi 72:19

Lieta lilie liuvukumi lizominywi uvukumi vwivwe vwizuli lirova liosi. Amini! Amini!

Zaburi 72:8

Uvwami vwivwe vuladuuka kutura kunyanza kuduuka kunyanza, kutura ku mugera gwa Efurate kuduuka ku keheri chi lirova.

Zaburi 93:1

Yahova, aveeye mwami. Wiviki uvukumi vonene ni zinguru zinene ligali. Usingirizi lirova vudinyu mu vogono vwalio kandi silinyala kusundwa kali hakuzu mba.

Zaburi 98:3

Yaduukiza lisuuviriza lilie ku vandu va Isiraeli nu vusuuvirifu kandi nuvuyanzi vwivwe vutaveeye nekeheri kuvo. Avandu vosi havundu hoosi vamali kolola liguuta lia Nyasaye wiitu.

Kutwula 23:21

Mumuhuliri gavoora kandi mumutie. Mutibaala kuye mba, kigira inzi mali kumutuma, kandi sialasamiiha liebaala kuli yilio mba.

Isaya 45:22

“O, munyi avandu vi lirova liosi, mwirane ku inzi kalunu ndi, na mulanyola lihona! Inzi mbeeye Yahova Nyasaye wengine oveeye ho.

Isaya 49:5

Inzi ningikiri kwivulwa, Yahova yandovola, yangola kuva mutumikiri weve, kwilanyia kuye avandu veve Isiraeli harara navaari ni vasalanywa. Kunangwa Yahova ahaanaa uluyali ku inzi, kandi aveeye zinguru ziange.

Isaya 52:10

Yahova umali kumanyia mukono gwigwe mutakatifu imbiri wi zihiiri ziosi. Keheri choosi chi lirova kilalola ovohonyi vwa Nyasaye wiitu.

Isaya 52:13

Yahova avoora, “Mutumikiri wange alaguuta mu miyinzi jije midinyu. Alahevwa luyali lonene; kandi alanenehizwa ligali.

Isaya 8:7

Inzi Yahova, ndaleta mwami wa Asiria harara na mahi geege goosi kwingilira avandu vi lidaala linene lie Ivuyuda. Valavalwana ligali kuli amazi gumugera gwa Efurate gwizuye kuduuka ku lujinga.

Mika 7:14

Waye avandu vovo ni imbimbu yooyo, Yahova, avandu va ivi umali kotovola kuva miandu jijo kali nivamenyi veng'ine mwigendanyama, haveeye kivala kenoru ichavakumbiriza. Leka vazie kwaya mu viayilu via Bashani na Gileadi, kuli vaakora zing'inga zia kale.

Zekaria 13:7

Yahova Wuvunyali avoora, “O, kivavi, vuka ulwaane mwayi wange! Oveeye ahimbi ni Inzi! Kuya mwayi uyu, na magondi galasalanywa. Inzi ndalwaana vimeme viago.

Zekaria 9:10

Yahova avoora, “Ndakatulizi magare gu vulwani kutura mu Isiraeli, kandi ndavugura zibarasi kutura mu Jerusalemi; ndakononyie uvuta vwu vulwani. Mwami winyu alakaleete mirembe hagati hi zihiiri, alakamiihi kutura ku inyanza kuduuka ku inyanza, kandi kutura ku mugera gwa Efurate kuduuka ku keheri chi lirova.”

Malaki 1:5

Avandu va Isiraeli vazizaa kolola yaga ni zimoni ziavo, kandi valakavoole, “Yahova aveeye nu vunyali kali chova wi kivala cha Isiraeli!”

Matayo 16:18

Nainzi ngovolera Petero; ivi oveeye ulwanda, na ku lwanda yilu ndumbaka ku ilikanisa linage, nizinguru zie likuza sizinyala kuliguuta.

Matayo 2:6

‘Na ivi O, Bezelehemu, mu kivala chi Vuyuda, si oveeye ligali muke hagati ha avamihi vi Vuyuda mba kigira kutura ku ivi, alaza mwami uliva mwayi wa vandu vange, Isiraeli.’ ”

Matayo 25:31

“Lwu Umwana wa Adamu aliiza kuli Umwami harara ni zingelosi vosi alikala ku endeve yu vwami vwivwe,

Luka 1:32

Alakave Munene kandi alakalangwe, Muyaayi wa Nyasaye Oveeye igulu Ligali. Mwami Nyasaye alakamukole alave Mwami kuli guuga weve Daudi.

Yohana 10:38

Navuzwa niiva ngolaa miyinzi, kali naiva si musuuviraa inzi musuuviri mu miyinzi yijo muduuki kumanya nukumanyiriza ndi Baba aveeye mu inzi, ninzi mbeeye muye.”

Yohana 20:17

Yeso yamuvolera, “Utang'umira mba; Ngikiri kwanigira igulu wa Baba. Navuzwa zia ku avamwavo vange uvavoolere, ‘Nzirana ku uyu oveeye Baba wange kandi Baba winyu; Nyasaye wange kandi Nyasaye winyu.’ ”

Vafeso 1:3

Lizominywa live ku Nyasaye Baba wu Mwami wiitu Yeso Kristo, uwagasiza kunyi nuvugasu vwosi vwu mu Roho uvutulaa mwigulu kuvitira mu Kristo.

1 Petro 1:5

Vugasu yivu voveeye ku munyi, avakingwa ni zinguru zia Nyasaye kuvitira mu lisuuvira kigira vohonyi vwetekekiziywi kololekizwa mu ing'inga ye keheri.

Yudasi 1:1

Inzi Yuda, mutumikiri wa Yeso Kristo, kandi amwavo Yakobo Ng'oderaa munyi avalangwa na Nyasaye, avamenyaa mu vuyanzi vwa Nyasaye Baba, kandi mu likingwa lia Yeso Kristo.

Likunula 11:15

Kunangwa engelosi wa saba yakuba kisiriva chiche kandi ndaahulira zingelosi nivamoromaa uvudinyu ligali mwigulu nivavoora, “Izingulu ziu kwamiiha ku lirova ziveeye ziu Mwami wiitu Nyasaye, kandi zia Mesia weve; Naye alamiiha imihiga ni mihiga.”