Mika 4:4 - KITABU KITAKATIFU

⁴ Navutswa vandu vosi valamenya mu mirembe hagati he milimi je mizabibu jije ni misaala ji mikuyu, na sihalavaho nu mundu kali mulala unyala kuvatihiza mba. Yahova Wuvunyali umali kulaga yaga.

Mika 4:4 Iomraidhean Croise

1 Avami 4:25

Ku lohono lwa yaali mwoyo kuli mwami, avandu muvivala viosi vie Ivuyuda na Isiraeli kutura Dani kuduuka Beerisheba vamenya mu mirembe; vuli vandu vinyumba vaali ni vizabibu kandi makuyu gaavo.

1 Avami 5:5

Yahova yasuuviriza baba wange Daudi ndi, ‘Muyaayi woovo, wa ndikola mwami inyima woovo, alakanyumbakiri Litembeli!’ Kunangwa mali (koto-vola) kwumbako Litembeli yilio liu kusiganiraumu Yahova Nyasaye wange

Ayubu 11:19

Siulava nuvuti kigira vasigu vovo mba: Avandu vanyingi valakoteeva ovokonyi.

Zaburi 72:3

Leka kivala keve nu uvutugi, leka vigulu vileetere avandu uvulungi; utugulu twizuli uvulungi.

Tsing'ano 3:25

Si ulava ni lihenda mwoyo kigira ikivi kiiza vwangu mba, kuli kiihi kiiza ku vandu vachamu.

Isaya 1:20

Navuzwa niiva mulasuura nu kwibaala ku inzi, mulitwa nikivavi. Inzi Yahova mali kovora.”

Isaya 17:2

Madaala manene ga Siria galang'anywa mihiga ni mihiga. Galava vwayiru vwa magondi ni zing'ombe, na sihaveeye ho numulala uvikunga mba.

Isaya 22:25

Lwayaga goosi gekoleka, kivambo ichaali ni chaduywa vudinyu ligali kiladengeyizwa nu kugwa hasi. Yiki kilakave ekeheri cha vuli kindu chihanikaa kucho.” Yahova Wuvunyali umali kovora.

Isaya 26:16

O, Yahova, oheeye avandu vovo mageri, na mu vuzunu vwavo vululu, vasaala ku ivi.

Isaya 32:17

Kigira vuli mundu alakola agaveeye amalungi, mirembe ni likingwa vilavaho mihiga ni mihiga.

Isaya 36:16

Mutahulirizi aga Hezekia avoora mba! Mwami munene wa Asiria alaangaa munyi muturi ichova wi lidaala linene na mwihaane aveene kuye mwosi. Mulavugilirwa kulia mazabibu kutura ku vizabibu vienyu aveene na makuyu kutura ku misaala jienyu jene, kandi munwi amazi kutura mu vidaho vienyu -

Isaya 40:5

Maku uvukumi vwa Yahova vulaloreka na vandu vosi valavolola. Yahova mwene umali kulaga yaga.”

Isaya 54:14

Likalaga lirungi kandi uvulungi vilakokola ove nizinguru, ulava ihale kutura ku lidambizwa ni litihizwa linene.

Isaya 58:14

hene yaho, mulanyola uvusangari uvutulaa ku lindumikira. Ndamukora muhevwe uluyali ku lirova liosi, kandi mulasangalira kivala cha ndaha guuga winyu Yakobo. Inzi Yahova mali kovora yaga.”

Jeremia 23:4

Inzi ndatovora aviimiliri vaza kuvaliindi. Avandu vange sivalatia anoho kutihizwa mba, na sindavaha amageri kandi mba. Inzi, Yahova mali kovora.”

Jeremia 30:10

“Avatumikiri avandu vange Isiraeli, mutatia mba; avandu va Isiraeli, mutatiihizwa mba. Ndamusoola kutura mukivala chi ihale yicho, kutura mukivala chamuveeyemu avahambe. Munyi na mulirana yengo kandi namumenye mumirembe; munyi na mukingwi, umundu kali mulala sinaamutihizi mba.

Ezekieli 34:25

Ndakalombe lilagana liange navo liu kuvasuuviriza mirembe. Ndakatulizi mu kivala zinyama ziosi ziu vuhimwa, kunangwa magondi gange galamenya mu milimi kandi kogona mu militu mu mirembe.

Ezekieli 34:28

Zihiiri si zilavalanya kandi mba, anoho zinyama ziu muvulimu si zilavadiviza kandi mba. Valamenya mu mirembe, kandi mundu kali mulala sinavatiihizi mba.

Ezekieli 38:11

Notovole kwingilira kivala kitinyaliza wa vandu vamenyi mu mirembe kandi mulikingwa, mu madaala gataveeye na madigi kandi vugira likingwa.

Ezekieli 39:26

Lwa navave nivamenyi mu mirembe kandi mu kivala chavo, vugira mundu kuvatihiza, naviviliri kuli vaali mu zisoni kandi uvudamanu vwa vaangolera.

Kyavalevi 26:6

“Ndahana mirembe mu kivala chienyu kandi mulagona vugira kutia umundu woosi. Ndatulizaho zinyama ziuvuhimwa mukivala zana, kandi si halava ho nuvulwani kandi mba.

Mika 5:3

Kunangwa Yahova alaleka vandu veve ku avasigu vaavo kuduuka lwu mukali aliivula mwana muyaayi weve. Maku avandu Vaisiraeli avaveeye mu vuhambe valakahambanywe harara na vandu vaavo.

Zefania 3:13

Avandu va Isiraeli avahononoka sialakakole vudamanu na vache mba, sivalakavoole vovehi anoho uvugadi mba. Valakanyore miandu kandi valakave ni likingwa. Sivalakave nu vuti vwosi kandi mba.”

Zekaria 3:10

Mu lidiku yilio, mundu sa mulala kumunyi alakagenihizi mutende weve muchiriri chu muzabibu gwigwe kandi mu chiriri chu musaala gwu mukuyu gwigwe.”