Mika 4:10 - KITABU KITAKATIFU

¹⁰ Uzizagiliri kokenya nukukuba zikwiri, avandu va Jerusalemi, kuli mukali wiivula, kulwakalunu mulatula mu lidaala linene nokomenya ichova mukivala chere. Mulazia mu kivala cha Babiloni, navuzwa Yahova alamukinga ku avasigu vinyu.

Mika 4:10 Iomraidhean Croise

2 Avami 20:18

Valala ku visukululwi vovo vene va wiivula, valahirwa ihale kandi kokolwa viziri vukutumika munyumba yu mwami wa Babiloni.”

2 Avami 25:4

Madigi gi lidaala linene gafudulwa umuluhu kali niiva avandu va Babiloni vaali ni vakumberizi lidaala linene, avasikari vosi viruka ing'inga ya vudiku kuvitira kunzira yu mmulimi gwu vwami, ni vavitira mu kirivwa chahambanyia madiji, ni vazia ha livona lio mugera gwa Jorodani.

2 Kyetsinyinga 33:11

Kunangwa Yahova yaleka avanene vi liihi kwingilira kivala chi Ivuyuda. Vagumira Manase, nivatoza zindoani nu mu muulu geege, nivamuvoha niminyororo ju mugasa, ma nivamuhila Babiloni.

2 Kyetsinyinga 36:20

Yaahira mu vuhambe yavo vosi avaahononoka mu Babiloni yavo vosi avaari ni vahononoki kutura ku kivavi; na vaagwa avatumikiri veve kandi avi kisukururwi chiche kuduuka lwu vwami vwa Pasia vwatanga kwamiiha.

2 Kyetsinyinga 36:23

“Yili nilio lilaga lia Sairasi Mwami wa Pasia. Yahova, Nyasaye wu mwigulu umali kongola mwamihi ku lirova liosi na umali kumba miyinzi Ju kumwumbakira Litembeli mu Jerusalemi mu Ivuyuda. Kalunu, munyi mwosi, avaveeye vandu va Nyasaye, muzie yo, na Yahova Nyasaye winyu ave harara ni munyi.”

Zaburi 106:10

Yavahonyia kutura ku yavo avavadunyiraa; yavahonyia kutura ku vasigu vaavo.

Isaya 43:14

Nyasaye Mutakatifu wa Isiraeli, Yahova ohonyia munyi, avoora, “Ndatuma liihi liange kulwaana Babiloni okohonyia munyi. Ndavunanyia virivwa via madaala manene, kandi ndagirung'anyia lihanzuka lia vandu valio kugwa lilira.

Isaya 45:13

Inzi mwene ndavolera mwami Sairasi, kandi nimuha zinguru aduuki kuduukiza vindu viosi viandalohiza vikoleke. Ndalungikiza zinzira zizie ziosi. Ndumbaka vuhia lidaala linene liange lia Jerusalemi, kandi alahaana vovoholore ku avandu vange avadikizwa. Sialakola yaga ku litungwa anoho ku lihevwa amadanyi mba.” Yahova Wuvunyali umali kovora.

Isaya 48:20

Muzie muturi mu kivala cha Babiloni, mulandizi ku vandu vosi ha vundu hoosi amakuva amalahi gu vusangali: “Yahova umali kohonyia avatumikiri veve Isiraeli!”

Jeremia 13:4

“Zia ku mugera gwa Efurate kandi uviisi zimbala mulilina liezinyanda.”

Jeremia 15:21

Ndakosoora kutura kuzinguru zia vachamu kandi avandu vikirage. Inzi Yahova mali kovora.”

Jeremia 29:20

Muhuliri amakuva ga inzi Yahova mboraa ku, munyi avandu vosi avandaatuma kuzia mu liadikizwa mukivala cha Babiloni.’

Jeremia 4:31

Ndaahulira ililira kuli liu mukali oveeye mulilumwa liu mwana, ndaahulira iliayura kuli mukali wivuraa mwana weve wukutanga. Liali lilira lia avandu va Jerusalemi vaagamuraa imvika, nivanyiraa imikono jiavo nivavoora, “Kumali kudiva! Vazaa kunzita!”

Jeremia 48:41

amadara kandi zimbinga zilagumilwa. Ku lidiku liene yilio, avasikari va Moabu valatiihizwa kuli umukali oveeye mu lilumwa liumwana.

Jeremia 52:27

mukivala cha Hamazi. Hene yaho, mwami yalaga vakuywi ma viitwi. Kunangwa avandu vi Ivuyuda vaahirwa ihale mu vuhambe kutura mukivala chavo.

Hosea 1:10

Avandu va Isiraeli valakave vanyingi kuli muyeke gwu munyanza ugunyala kuvula kuvalizwa anoho kogerwa. Kalunu Nyasaye avavoolera, “Munyi si muveeye avandu vange mba,” navuzwa ing'inga yiza lwa livavoolera, “Munyi muveeye avana va Nyasaye omenya!”

Hosea 13:13

Munyi muveeye mu vuzunu kuli vwu mukali ulumwaa. Navuzwa mwana uyu aveeye vugira limanyiriza; lwa ing'inga iduuka yu kwivulwa mwana uyu si yenya kutura munda mwa mama weve mba.

Hosea 2:14

Kunangwa, ndamuvugura nu kumuhila mwigendanyama, kandi ndamoloma kuye nu vuyanzi.

Mika 5:2

Yahova avoora, “Ivi Bezelehemu Efurate, oveeye mulala ku madaala makekeeke mu Ivuyuda, navuzwa kutura ku ivi, alaza mu Isiraeli mwamihi, uwa avinyumba yeeye vaali ho kutura zing'inga zia kale.”

Mika 5:3

Kunangwa Yahova alaleka vandu veve ku avasigu vaavo kuduuka lwu mukali aliivula mwana muyaayi weve. Maku avandu Vaisiraeli avaveeye mu vuhambe valakahambanywe harara na vandu vaavo.

Likunula 12:14

Mukali yahevwa izimbaha ziviri zie indizu enene, aduuki kuburukira nu kwirukira mwigendanyama havundu halindirwi ku mihiga 3.5 kutura kogoyoka gonene ugwaakanyu.