Mika 3:8 - KITABU KITAKATIFU

⁸ Navuzwa, ku lwa inzi, Yahova yizuliza mu inzi Roho weve kandi zinguru zizie, kandi yambeza likalaga liu vulungi nuvuluviliri ukwilwazira avandu va Isiraeli vwoni vwavo.

Mika 3:8 Iomraidhean Croise

Ayubu 32:18

Mbeeye namakuva manyingi ligali kovora, mwoyo gwange gunzuvaa mbore.

Isaya 58:1

Yahova avoora, “Hanzuka vudinyu ligali kuli unyala! Kuba ulwanga kuli kisiriva! Wilwaziri avandu vange - Isiraeli mahiolo gaavo. Volera visukululwi via Yakobo uvwoni vwavo.

Isaya 61:1

Roho wa Yahova Nyasaye aveeye harara na inzi, kigira umali kondovola kandi kunduma; kwilwaza makuva amalahi go vohonyi ku vadaka, kwahila nokohonyia mioyo jiveeye midedekere, kandi nduuki kulandiza ovovoholore ku avahambe, kandi kulandizira avavofwa vaduuki kovoholorwa.

Isaya 61:2

Yaanduma kwilwaza ndi, ing'inga imali kuduuka, lwa Yahova ahonyia avandu veve, kandi alaguuta avasigu veve. Yaanduma koleminya mioyo ja yavo vosi avasioma.

Jeremia 1:18

Kalunu mali kukokola ove kuli lidaala lie imbinga enene, itiru yi kivia, lidigi liu mugasa usingili vudinyu nu kuhingira kivala choosi, avami vi Ivuyuda, avanene vacho, avasaalisi vacho, kandi na avandu vi kivala chene yiki choosi.

Jeremia 20:9

Navuzwa lwa mboraa, “Ndivilira Yahova kandi si ndamoloma mu lieta lilie mba,” maku likuva liilio liveeye kuli muliru gusambanga mu inzi. Ngelizanga kwikuzira, navuzwa sinyalizanga mba.

Jeremia 6:11

Uvutima vuvwo kuvo vwaka kandi mu inzi, Yahova sinyala kuvuviika kandi mba.” Maku Yahova yambolera, “Manyia uvutima vwange ku avana muzinzira kandi kuviduma via vasoleri. Avasaza na vakali valahirwa ihale kandi avakulundu sivalahononoka mba.

Lisyoma lya Jeremia 2:14

Avaporofeti vinyu vaamugada na malola gataali gagiligali; mu voporofeti vwavo, si vavoola havulavu uvwoni vwinyu kunangwa muduuki kwiranya miandu jinyu mba, navuzwa vaamuvolera malola gataali gagiligali kandi gu kuvachaminya.

Ezekieli 16:2

Yavoola, “Mwana wu Mundu, ovoolere avandu va Jerusalemi ivindu viukuvihiliriza via vamali kokora.

Ezekieli 20:4

“Mwana wu Mundu, oveeye mwetegeke kuvakalagira? Maku kola ndio, uvizulizi uvudamanu vwa vababa vaavo vaakora.

Ezekieli 22:2

Yavoola, “Mwana wu Mundu, ivi oveeye mwetegeku kukalagira avandu vi lidaala linene iliveeye navandu aviti vanyingi? Uvavoolere vulahi vindu viosi viukuvihiliriza viavamali kokora.

Ezekieli 23:36

Yahova yandeva, “Mwana wu Mundu, wetegeki kukalagira Ohola na Oholiba? Ovoole vindu viu kuvihiliriza via vamali kokora.

Ezekieli 3:14

Roho yang'inga igulu ma mambila ihale, kandi ndaazia mu vululu nu vutima, zinguru zia Yahova ziali na inzi.

Ezekieli 43:10

Yahova yaazizagilira kovora, “Mwana wu Mundu, ovoolere avandu va Isiraeli kigira Litembeli harara ni lilohiza lialio. Uvakole vave ni zisoni kigira vikolwa viavo vidamanu.

Matayo 7:29

Kigira siyigiza kuli avigizi vi Lilaga mba, navuzwa yaavigiza kuli umundu oveeye nu vunyali.

Marko 3:17

Yakobo na Yohana, avayaayi va Zebedayo Yeso yavagulika Boanerige, iliveeye kovora, “Avasaza vi Inguba”

1 Vakorintho 2:4

liegiza liange nililwaza liange siliali na makuva govogeri vutambi vwa vandu, navuzwa namakuva gi zinguru zia Roho wa Nyasaye.