Mika 3:7 - KITABU KITAKATIFU

⁷ Avaloli valava muzisoni; kiyira ligutwa liavo. Vosi valakunika minwa jaavo, kigira Nyasaye sialavativulira mba.”

Mika 3:7 Iomraidhean Croise

Zaburi 74:9

Viju vietu vitakatifu viosi viagota; sihaveeyeho na vaporofeti avatigara kali mulala mba. Kandi sihaveeyeho nu mulala ku kunyi umanya yaga galava kuli ndi kuduuka ing'inga ki mba!

Kutwula 9:11

Avakumu sivali vanyara kololeka imbiri wa Musa mba, kigira amavimba gaali nigavamaliyi kuli vandu va Egebeti vandi.

Isaya 44:25

Inzi nzononyiaa vilolekizu via valaguli, kandi ngolaa vasigitiri kuva vasiru. Inzi suraa makuva ga vageri nokokola limanya liavo kuva uvusiru.

Jeremia 18:18

Maku avandu vavoola, “Hambi, gendi kolohizi mu vwivisu kwingilira Jeremia; kigira liegiza lielilaga navasaalisi, anoho konyoora amigizu kutura ku vageri, anoho makuva kutura ku vaporofeti sigalagota mba. Kunangwa hambi, kumwingiliri namang'ana giitu malulu kandi kuvuli kuhuliriza ku kindu choosi cha avoora.”

Ezekieli 24:17

Utaleka likenya liilio lihuliriki mba. Uviiki virato mu virenge vivio kandi uviiki igudwa ku mutwi gugwo keve kuli kelolero chu kusioma. Utafuuma mumoni mumwo anoho umanyie ovovereri vuvwo mba, kandi utalia chukulia cha yavo avasioma mba.”

Ezekieli 24:22

Maku mulakakole aga inzi mali kokora. Simulakafuumi mu zimoni zienyu anoho kulia chukulia cha yavo avasioma mba.

Kyavalevi 13:45

Mundu oveeye novogere kuduuka yiviiki zinguvu zia madali, atasanula liisu lilie mba, afuumi mumoni mwimwe, ma alangilizi, “Mudamanu! Mudamanu!”

Amosi 8:11

Yahova avoora, “Henza, madiku gaazaa; lwa ndituma inzara enene ku kivala. Avandu valava ni inzara, navuzwa itali inzara yi chukulia. Valava nuvuluhu navuzwa sivulava vuluhu vwa mazi, navuzwa vuluhu kigira lihulira likuva liange. Inzi Yahova, Nyasaye Wuvunyali mali kovora.

Mika 3:4

Ing'inga yiza iya mulisara ku Yahova, navuzwa sialimutivulira mba. Ku ing'inga yeyo, alakavisi mumoni mwimwe kutura ku munyi kigira uvudamanu vwa mumali kokora.”

Mika 7:16

Zihiiri valalola yaga ma vave muzisoni kali nivaveeye nizinguru. Mu lihendizwa mwoyo, valakunika minwa jaavo namakono, nukuhanyia amatu gaavo.

Zekaria 13:4

Ku lidiku liene yilio, vuli muporofeti aladuuka mu zisoni na malola geege lwava naporofetaa. Muporofeti sialiviika inguvu yu vwoya yu voporofeti kunangwa aduuki kugaada vandu.

1 Samweli 14:37

Kunangwa Saolo yateeva Nyasaye, “Nyara kuzia kwingilira vandu va Filisitia? Ulakwimilira kuguutia?” Navuzwa Nyasaye siyativula kindu lidiku yilio mba.

1 Samweli 28:15

Samweli yavolera Saolo, “Kigira ki unyangizaa? Kigira ki ni ongora nzirane?” Saolo yativura, “Mbeeye mu kivi kenene ligali. Avandu va Filisitia vaveeye nuvulwani niinzi; na Nyasaye ondeki. Siandivuliraa kandi mba, kali kuvitira mu vaporofeti kinga ku maloto mba. Nandio mali kukulanga uduuki kombolera cha ndukanaa ngole.”

1 Samweli 28:6

Yateeva Yahova cha anyala kokora. Navuzwa Yahova siyaamutivulira kali hakuzu, ku maloto kinga ku litumikira Urimu na Zumimu anoho ku avaporofeti mba.

1 Samweli 9:9

Ku maziambiri mu kivala cha Isiraeli niiva umundu yaazizaa koteeva Nyasaye kindu, yaavolanga, “Hamba kuzie ku muloli.” Kigira muporofeti wa Kalunu yalangangwa muloli.