Mika 3:11 - KITABU KITAKATIFU

¹¹ Aviimiliri valio vamiiha kigira viambeti, avasaalisi valio vigiza ku vaduuki konyoora mitungu, na avaporofeti valio vaangora ovoporofeti vwavwo kunangwa vaduuki konyoora amabese; navuzwa vidiira ku Yahova nivavoora, “Yahova si aveeye hagati hiitu? Uvudamanu sivulaza ku kunyi mba.”

Mika 3:11 Iomraidhean Croise

Tsing'ano 17:23

Vakalagi vadamanu vavugilira vaimbeti mu vwivisu, sivakora vulungi mba.

Isaya 1:23

Aviimiliri vovo vaveeye aviibaali kandi avalina va aviivi; vuli kazozo vavugilira kuvugura vihaanwa kandi viambeti. Sivakingaa avavisandu mu viyaalo mba anoho lwa avakunzakali vahaana livaala lie kiyaalo chavo mba.

Isaya 48:2

Kandi mwigingiraa nokovoora ndi muveeye avandu vi lidaala linene litakatifu lia Jerusalemi kandi mweredaa ku Nyasaye wa vandu va Isiraeli, wi lieta lilie liveeye “Yahova Wuvunyali.”

Isaya 5:23

Navuzwa kigira viambeti, mulakula yavo avamahiolo vazie, na mwigalira utaveeye nimbala kuvula kunyoola likalaga liu vulungi.

Isaya 56:11

Vaveeye kuli zimbwa zimbuvaalu izitanyara gwigutaa. Aviimiliri yava sivaveeye nilimanyiriza. Sa mulala akolaa kuli ayaanza kandi yenyaa viambeti vivie umwene.

Jeremia 23:17

Ku avandu vamali kusuura kuhulira aga inze mali kovora, vazizagilira kovora ndi goosi galava amalahi kuvo. Kandi vavoolera vuli mundu oveeye muhindagirizi ndi kivi sikilamugwira mba.”

Jeremia 26:7

Avasaalisi, avaporofeti navandu vosi vahulira nembora amang'ana yaga mu Litembeli,

Jeremia 5:12

Avandu va Yahova vamali kumusura kandi vavoola, “Yahova sianyala kokora kindu kukunyi mba. Uvudamanu sivulaza kukunyi mba, kandi si kulava nu vulwani anoho inzara mba.”

Jeremia 6:13

Siavuli mundu, mukuzuzu ku munene agerizaa kwenyolera mabese muinzira itaveeye yuvusuvilifu; kali kuli avaporofeti navasaalisi vagada avandu.

Jeremia 7:4

Mutasuuvira amakuva gu vugadi yaga mba: ‘Yili ni Litembeli lia Yahova, yili ni Litembeli lia Yahova!’

Jeremia 8:10

Kulwayago ndahaana milimi jaavo ku avandu vandi kandi avakali vaavo valahevwa avasaza vandi. Vuli mundu, munene kandi mukekeeke alageriza kolomba amabesa munzira itaveeye isuuvirifu. Kali avaporofeti na avasaalisi vagada avandu.

Ezekieli 22:12

Valala ku munyi vahevwa mitungu vaduuki kwita. Valala vatungiza vukala vunyingi kuliegobiza liavakola ku vandu va Isiraeli nokonyoora vutugi kigira litungiza linyingi kuvo. Vamali kunzivilira.” Yahova Wuvunyali umali kovora.

Ezekieli 22:27

Vimiliri vuvwamihi vaveeye kuli vivwi vitanduranyia mu vidonye zinyama ziavamali kwita. Varumindaa kunangwa vanyoore vutugi.

Ezekieli 34:2

Yavoola, “Mwana wu Mundu, oporofete uvudamanu vwa avami va Isiraeli. Porofeta kuvo, uvavoolere aga inzi, Yahova Wuvunyali mbavooleraa: Kivi keveeye ku, munyi aviimiliri va Isiraeli! Munyi mwehendera mwoyo, navuzwa si mulinda magondi gange mba.

Hosea 4:18

Niiva kanywa iwaini inyingi, vayanzilira vuraya vwavo nukuva muzisoni kuvita uvukumi.

Hosea 4:8

Munyi munyoora uvutugi kutura ku uvwoni vwa avandu vange, kunangwa mwenya vazizagiliri kokora uvwoni.

Amosi 5:14

Munyi mwegombe kokora uvulungi, na mutenya kokora uvudamanu mba, ku muduuki kuva mwoyo. Nandio Yahova Nyasaye Wanyala Viosi wa mahe alava harara ni munyi kuli mumali kovora.

Amosi 9:10

Avuvwoni hagati ha avandu vange valitirwa mu vulwani. Yaavo vosi avaavoolaa, ‘Nyasaye sialaleka uvudamanu vwosi ukuuza himbi ni kunyi.’ ”

Mika 3:5

Yahova avoora, “Avandu vange vamali kugadwa na avaporofeti avasuuvirizaa mirembe ku yavo avavatuungaa navuzwa vatihiza nuvulwani yavo avatavahezaa kindu.

Mika 7:3

Vosi vaveeye nilimanya liokokola uvudamanu; aviimiliri na vakalagi vetegeki vahevwe viambeti. Avanene vizingulu vaniga kohevwa via venya; kulwayago valohiza harara okokora uvudamanu.

Zefania 3:3

Aviimiliri valio vafuuma kuli zisimba, avakalagi valio vaveeye kuli vivwi viveeye ni inzara, avahuvali valiza kali kigumba kuduuka mugambazuri, si vanyara koleka kali kigumba mba.

Zefania 3:4

Avaporofeti sivadukanaa mu miyinzi jaavo mba, kandi vaveeye avagaadi. Avasaalisi vonogonyia viveeye vitakatifu kandi vaagirung'anyia malago ga Nyasaye kulienya liavo.

Malaki 1:10

Yahova Wuvunyali avoora, “Nzegomba mundu mulala ku munyi ahane viliango vie Litembeli kunangwa muvuli kuhambiza muliru gutaduukanaa ku vwali vwange. Inzi simbeeye nuvuyanzi ni munyi mba, si ndavugilira vihaanwa via muletaa ku inzi mba.

Malaki 2:9

Ku lwayaga, mu vogono yivu ndakakole avandu va Isiraeli kumuchaya, kigira si mutiizaa lienya liange mba, lwa mwigizaa vandu vange, simuvavugula kuva kindu kilala mba.”

Livalidza 16:15

Musa yaali nu vutima na yavolera Yahova, “Utavugilira vihaanwa via vandu yava valeta mba. Inzi ngikiri kwonelaku mundu woosi kuvo mba; kali ngikiri kuvugura ku kali ndala ku zibunda ziavo mba.”

Livalidza 22:7

Maku aviimiliri va vandu va Moabu harara na vimiliri va Midiani vazia ni mitungu ji kilaamo ku Baalamu, kandi vamuvolera makuva ga Balaki.

Matayo 3:9

Mutiganaganyia aveene kovora, ‘Kunyi koveeye na guuga wiitu Aburahamu!’ Muvooleraa agiligali, Nyasaye anyala kolombera Aburahamu avana kutura ku magina yaga.

Tito 1:11

Kuduuka amakuva gaavo gagaywi, vakiring'ane kigira vadiviza vandu avizinyumba vosi na amigizu gaavo ga vigiza ivindu vitaduukanaa kwigiza; kigira lienya vaavo litaveeye lisuuvirifu liu kwenyolera mabese.

1 Petro 5:2

Mugoonyaa ligali, mwaaye ichayo cha Nyasaye yamuha kulinda kandi mukindu nu vwihaani. Gatava ku linigwa, navuzwa ku mwoyo gwu vuyanzi kuli uvulariri vwa Nyasaye; Gatava kigira linyola mitungu, navuzwa mukore nu mwoyo gwu vwihaani.

Yudasi 1:11

O, vayaye, ikivi keveeye kuvo! Avandu yava vamali kolonda inzira ndala nzere ya Kaini yalonda ku. Kigira amadanyi ga mabese, vamali kokora kuli Balaamu yakola. Vamali kwibaala kuli Kora yibaala, kandi vadiviziywi kuli oyo.

1 Samweli 8:3

Navuzwa vayaayi veve sivalonda mwima gwigwe mba; vaali vuzwa nu mwoyo gwu kwenya mabese; kunangwa vavugura viambeti na sivakalaga viina nu vusuuvirifu mba.