Mika 2:3 - KITABU KITAKATIFU

³ Kunangwa Yahova avoora, “Saaviraa koleta kivi ku munyi, na simulakahononoke kucho mba. Muzizaa kunyooleka munyi vene mu vudinyu, maku simulagenda ni liegingira kandi mba kigira ilava ing'inga yi kivi.

Mika 2:3 Iomraidhean Croise

Isaya 29:20

Kilava keheri cha yavo avadambizaa avandu vandi kandi vachaya Nyasaye. Vosi avakolaa uvwoni valakadivizwi.

Isaya 3:16

Yahova avoora, “Heenzi kuli avakali va Jerusalemi vigingiraa! Vagenda ni vategizi mang'oti gaavo mwigulu. Vavunyavunya zimoni ziavo vuli kazozo. Vagenda ni vaseena, kandi ivisambo ni visara ku vilenge viavo.

Isaya 5:19

Vavoola, “Leki Yahova akole vwangu nokokola ichaavoolaa alakola, mbula kuduuki kukelora. Leka Nyasaye Mutakatifu wa Isiraeli adukize lilalira lilie. Leki kolole aveeye na lilohiza ki mu zing'anagani zizie.”

Jeremia 18:11

Kunangwa kalunu, ovoolere avandu vi Ivuyuda na Jerusalemi ndi ndohizaa zing'anagani ziukuvingilila kandi nzetegekaa kuvaha amageri. Uvavoolere valeke komenya muvwoni - vagirung'anyie zinzira ziavo ni vindu viavakola.

Jeremia 27:12

Ndaavora makuva malala mere ku Zedekia mwami wi Ivuyuda, “Wegehizi ku mwami wa Babiloni. Umutumikiri harara na avandu veve, na mulamenya.

Jeremia 34:17

Kunangwa kalunu, Inzi, Yahova, mboraa ndi munyi simwatia inzi mba: Simwavoholola vandu va Isiraeli vache vinyu mba. Nivulahi, nitali inzi ndamuha ovovoholore vwavo mba. Nivulahi, nitali inzi ndamuha ovovoholore: Ovovoholore kukuzira muvulwani, nuvulwaye kandi ninzara. Ndakora vuli ihiiri mulirova kuva nuvuti vonene ligali kuli agamungolera.

Jeremia 36:23

Nonoho lwa Jehudi yaali ni yakasoma lilohiza lia kavaga anoho lia kane lia mang'oda, umwami yavugula ikaratasi ilingiywi naagikaranyia nu muvano ma nagisiuva mu muliru kuduuka niihia ligali.

Jeremia 43:2

maku Azaria mwana wa Hoshaya na Johanani mwana wa Karea na avandu vandi vosi vikirage vambolera, “Ivi ovoraa vovehi. Yahova Nyasaye wiitu siatumi ivi okovolere kuvuli kuzia komenya mu Egebeti mba.

Jeremia 8:3

Avandu vi ihiiri indamanu yiyi avatigara, valakamenye havundu aha ndavasalanyira hoosi ahamali kuvahila; valakenye kukuza muvogono vwu kuzizagilira komenya. Inzi Yahova Wuvunyali mali kovora.”

Lisyoma lya Jeremia 1:14

“Yahova yaamanyiriza uvwoni vwitu ma navuviika harara yaavusunga mu magoti giitu vwali vuliduhu ku kunyi ligali kandi nikuva vadedekere kigira vuliduhu. Yakuviika mu makono ga vasigu viitu avaari nizinguru ligali.

Lisyoma lya Jeremia 2:17

Yahova amali kokora aga yatihiza, kuduukiza. Amali kudiviza vugira kokovererera kuli yaakwiganihiza zing'inga zia kale. Yaaha avasigu viitu liguuta kandi yavakoli kusangalira liigwa lietu.

Lisyoma lya Jeremia 5:5

Kumali kuluha kandi sikonyolaa lisosa mba kigira: kusugumangwa vudinyu ni iniira ku mang'oti giitu.

Danyeli 4:37

“Kalunu, Inzi Nebukadineza ndizominya, nimbana luyali kandi nu vukumi ku mwami wu mwigulu. Vuli kindu choosi chakolaa keveeye kilungi kandi chi likalaga lirungi, kandi agehizaa vuli mundu woosi oveeye ni liegingira.”

Amosi 2:14

Kali avanyaguli avizimbiru ligali sivalahononoka mba. Vasaza vizingulu valagotiza zinguru ziavo, na vasikari sivalanyala kuhonyia livamwoyo liavo vene.

Amosi 3:1

Munyi avandu va Isiraeli, muhuliri makuva ga Yahova amali kovora ku munyi ihiiri yoosi yatura mu kivala cha Egebeti;

Amosi 3:2

“Kuzihiiri ziosi ziokulirova, munyi nivo mweng'ine avadamanya nukuvalinda. Yiki nicho kekolaa uvwoni vwinyu kuva vudamanu ligali. Yiki nicho kigira muhe amageri malulu ligali.”

Amosi 5:13

Kunangwa oveeye mugeri alakilingana ing'inga kuli yiyi, kigira eveeye ing'inga indamanu ligali!

Mika 2:1

O, vayaayi, kivi keve kuyavo avasavira kokora uvudamanu; kandi avalohizaa kokora uvudamanu mu vidali viavo! Lwa vuchezaa, nonoho lwa vaveeye nuvwiyangu, vakora uvudamanu vwavalohizi kokora.

Varumi 16:4

Yava vaviika livamwoyo liavo muvuhimwa kigira inzi. Mbeeye ni lisandiza ligali kuvo. Siaveeye inzi nzienyine, navuzwa amakanisa goosi aga vandu vizihiiri.

Vafeso 5:16

Mutumikiri vulahi uvwiyangu vwa muveeye navwo ku likora vulahi, kigira zing'inga yizi ziveeye zidamanu.

Kwidzulitsa 28:48

Kunangwa mulatumikira avasigu vinyu va Yahova azizaa kutuma kumulwaana. Mulava ni inzara, nu vuluhu kandi chahonyo, kandi vudaka vwi vindu viosi. Yahova alamudambiza nu vululu kuduuka lwa mudivizwa ligali.

Yakobo 2:13

Nyasaye sialimanyia livererera lwa alikalagira umundu uyu uwavula kuva ni zimbavasi; navuzwa zimbavasi ziveeye ni liguuta ku likalaga.