Mika 2:2 - KITABU KITAKATIFU

² Lwa vakayirwa imilimi, vajivugula; lwa vakayirwa zinyumba vazivugula; vadambiza umundu na avinyumba yeye, nu kuvugura miandu jije.

Mika 2:2 Iomraidhean Croise

1 Avami 21:1

Nabozi kutura Jezireeli yaali ni kizabibu ahimbi ni nyumba yu vwami yu mwami Ahabu wa Samaria.

2 Avami 9:26

‘Ndoli liitwa lia Nabozi na vayaayi veve mugolova, na ligali ngusuuvirizaa ndi ndakoheera amageri hano mu mulimi mulala mwere yigu.’ Kunangwa vugula muviri gwa Joramu, na ugusiuvi mu mulimi gwaali gwa Nabozi, kunangwa lisuuviriza lia Yahova liduuki kuduukizwa.”

Ayubu 31:38

“Niiva ndiiva mulimi gwa nimaa mu, nu kuguvugula kutura ku mundu mwene gwo

Kutwula 20:17

“Mundu ategomba inyumba yu mutende mba; atakayirwa mukali weve mba, anoho mutugwa muyaayi anoho mukaana weve mba, anoho eng'ombe, nisukili mba anoho kilala ku viosi viaveeye navio mba.”

Isaya 3:14

Alakalagira avakulundu kandi aviimiliri vavandu veve. Alombaa vivuni: “Mumali kulanya mulimi gwa amazabibu, kandi zinyumba zienyu ziizuye vindu via mwalanya kutura ku vadaka.

Isaya 5:8

O, vayaayi kivi keveeye ku munyi! Kigira mumali kugura zinyumba zinyingi kandi milimi komeeda ku vindu via muveeye navio. Nonoho si halavaho nahavundu humundu wundi amenyaa mba, kandi munyi veng'ine mulamenya mu kivala yiki.

Jeremia 22:17

Navuzwa unyala vuzwa kukayirwa lienya liilio umwene; witaa avandu vataveeye nimbala kandi mu kilage udambiza avandu vovo Yahova umali kovora.

Ezekieli 18:12

kudambiza vadaka, kwiva, kuvula kutunga magovi, nu kuzia kusigamira misambwa kandi vifananyi viu kuvihiliriza

Ezekieli 22:12

Valala ku munyi vahevwa mitungu vaduuki kwita. Valala vatungiza vukala vunyingi kuliegobiza liavakola ku vandu va Isiraeli nokonyoora vutugi kigira litungiza linyingi kuvo. Vamali kunzivilira.” Yahova Wuvunyali umali kovora.

Ezekieli 22:13

“Ndadiviza avandu vamali kwenyolera viambeti kandi avandu vamali kwita avaveeye mu munyi.

Ezekieli 33:26

Munyi musuuviraa mu vivavi vienyu. Vikolwa vienyu viveeye viukuvihiliriza. Vuli mundu akolaa ovoheyi. Nikindiki kimukolaa nimuganagana ndi kivala keveeye chiinyu?

Ezekieli 45:9

Yahova Wuvunyali yavoola, “Munyi avamihi va Isiraeli, mwakora uvwoni ku ing'inga indambi! Mulekere kolola kilage kandi lidambiza. Mukore agaveeye amalungi kandi likalaga lirungi. Mutakungi avandu vange vatuli mu kivala chavo kandi mba. Inzi Mwami Munene Yahova muvooleraa yaga.

Ezekieli 46:18

Mwami wamihaa si alavugula miandu jaavandu mba. Mulimi gwosi gwa aha avayaayi veve kuduuka gove kutura mu mulimi gwa yahevwa, kunangwa avuli kudambiza mulala ku avandu vange nu kuvugura mulimi gwaavo.”

Ezekieli 8:17

Maku Yahova yambolera, “Mwana wu Mundu, ololaa yaga? Avandu vi Vuyuda yava vakikiri kuduukira mu likora vindu viosi viu kuvihiliriza via ivi umali kolola yaaha kandi nokokola kirage mu kivala choosi. Awa vaduukana vaaze kuvikolera mu Litembeli nokongola kali kuva nu vutima vunyingi ligali? Henza kuli vanyega mu liiva liosi liokokola uvudamanu!

Amosi 2:7

Vaduvagira, hasi vandu avadedekere na vanyilizaa nukulumba avadaka vatuli kunzira. Mundu na baba weve vagona numukaana mutugwa mulala mwere. Nandio vonogonyiaa lieta liange litakatifu.

Amosi 4:1

Muhuliri likuva yili, munyi vakali va Samaria, avaveeye vakomelu kuli zing'ombe zia Bashani; avanyangizaa avadedekere nu kudambiza avadaka, avavoolera avasaza vaavo, “Muleete malwa kunwi kuhambiki!”

Amosi 8:4

Hulira likuva yili, munyi avakiranyi avadambizanga nokogeriza kudiviza avandu vadaka mu kivala, nukuvasunda kuduuka ku keheri chi lirova.

Mika 3:9

Mumbulirizi, munyi avamihi va Isiraeli, munyi avadunyiraa likalaga liuvulungi nukuchaminya malungi kugwa amadamanu.

Mika 6:12

Avatugi vinyu vanyaga vadaka, kandi munyi mwosi muveeye avagaadi.

Malaki 3:5

Yahova Wuvunyali avoora, “Ndakaaze hagati hinyu vwangu kukalagira yavo vakora vukumu, avaheyi, kandi avagaadi, kandi yavo vagada vayinziri vaavo ku mitungu jaavo, kandi yavo avatavelereraa vakunzakali, vavisandu na vageni kandi yavo vosi vatahaana luyali ku inzi.

Matayo 23:13

“O, vayaye, kilaamo keveeye ku munyi, avigizi vi Lilaga kandi Avafarisayo! Avagaadi munyi! Kigira muhanaa ikiliango chingira mu Vwami vwu mwigulu mu zimoni zia avandu, navuzwa munyi aveene si mwingira mu mba, anoho si muhaanaa uvwiyangu ku yavo avagerizaa kwingira mu mba!