Mika 1:7 - KITABU KITAKATIFU

⁷ Vifananyi vialio viosi vilahi vilashonoranywa mu vidonye, vindu viosi viahanwa ku malaya gi litembeli viladivizwa nu muliru, ni vifananyi vialio viosi vilalekwa kuva kuli kitumi. Samaria lidaala linene lianyora vindu yivi kigira vulahi vwalio, na kalunu avasigu va lio valavugula vifananyi nu kuzia kokoraa uvulaya mu litembeli havundu handi.”

Mika 1:7 Iomraidhean Croise

2 Kyetsinyinga 31:1

Lwa vaali nivakamara lilia lie Pasaka avandu vosi va Isiraeli vazia mu vuli madaala manene mu Ivuyuda ma nivononyia zitiru zia magina, nivatema vifananyi viu munyasaye wi kikali Ashera. Vononyia uvwali na havundu hukusigamira misambwa. Vaakora malala mere mu Ivuyuda yoosi kandi ni vivala viosi vie zihiiri zia Benjamini, Efuraimu, na Manase; maku viirana yengo vosi.

Isaya 2:18

Kandi vifananyi viosi vilakatulizwiho ligali.

Isaya 23:17

Lwing'inga yi mihiga 70 jiduuka ku keheri, Yahova alakilaniri lidaala linene lia Tiro, kandi lililana ku avanyasaye vandi nukuvasigamira harara nu vwamihi vundi vwosi vwumulirova.

Isaya 27:9

Navuzwa uvwoni vwa Isiraeli vulakasamifwi vuzwa lwa magina guvwaali vwi vifananyi galisievwa kuli ichoka, kandi uvwali vwi vimuli anoho vifananyi viu munyasaye wikikali Ashera vilivula kulekwa.

Ezekieli 6:6

Amadara goosi ga Isiraeli galadivizwa, kunangwa vwali vwavo vwosi kandi ivifananyi viavo vilavunaganywa mu vidonye, vwali vwavo vwi vifunya mwayu viladegerizwa, na vuli kindu chavalomba kilagota.

Hosea 2:12

Ndononyia mizabibu kandi mikuyu jije josi ijayavoola ndi avasaza veve vamuha kigira yakola ovoheyi navo. Ndagirung'anyia mizabibu yiji kandi mikuyu yiji kuva umulitu, kandi zinyama ziu muvulimu zilajidiviza.

Hosea 2:14

Kunangwa, ndamuvugura nu kumuhila mwigendanyama, kandi ndamoloma kuye nu vuyanzi.

Hosea 2:5

Mama wavo yakola ovoheyi, kandi yaavavereka mu zisoni. Yavoola, “Inzi ndazia kuvasaza vange, avambezaa viukulia kandi amazi, uvwoya vwa magondi kandi zinguvu, amaguta kandi Iwaini yange.”

Hosea 8:5

Inzi mbihirirwa igiriki yi ifeza ya avandu vilidaala linene lia Samaria vasigamira. Mbeeye nu vutima navo. Navazizagilira kokora ndio kuduuka ing'inga ki valazizagilira kusigamira vifananyi viavo kuduuka ng'inga ki?

Hosea 8:6

Umundu musiza wa Isiraeli yalomba kifananyi, kandi sikeveeye nyasaye kali hakuzu mba! Igiriki yi ifeza isigamirwa mu Samaria iravunanywa muvidonye!

Joeli 3:3

Vakuba ikura yokotovola oyo uvugura avahambe. Vaguliza avayaayi na vakana vinyu kuva avatugwa kutuunga vuguli vwa malaya ni iwaini.

Kyavalevi 26:30

Ndononyia havundu hinyu hukusigamira ku vigulu, ndasambura uvwali vwinyu vwi kimuli kandi ndasiuva miviri jinyu mikuzu ku vifananyi vienyu viagwa. Mulivihilirwa liange linene.

Kwidzulitsa 23:18

Mabese gi mitungu ju mukali anoho musaza muheyi gataleetwa munyumba ya Yahova Nyasaye winyu kutuunga kihanwa chi liesuuha ku liosi mba. Yahova avihiriraa malaya gu mu Litembeli.

Kwidzulitsa 9:21

Ndaavugura kindu chu vwoni chienyu yicho, kemoli kigiriki chizahabu cha mwaali nimulombi ningisigisa mu muliru. Maku ndakedonyanyia mu vidonye nokukisia nikigwa luguki kandi nisiuva luguki zana mu mugera gwaturaa mu kiguru.

Likunula 18:3

Zihiiri ziosi ziahambikizwa kigira iwaini induru yo ovoheyi vwalio; Avami vilirova vakora cho voheyi nalio. Akiranyi kutura mu lirova liosi avagwiyi avatugi, kigira livula kwigalira ovoheyi vwavo.”

Likunula 18:9

Avami vilirova, avaheyaa naye na avaamenyaa naye vugira kwiyigalira, liegomba liu umuviri, valasioma nu kulira ing'inga valilola mwoki gwi lisaambwa lie lidaala yilio.

1 Samweli 5:4

Mugambazuri gwi lidiku lialonda ku, valora kifananyi zana nikigwiyi kandi mam'mama imbiri wi Lisandugu lie Lilagana lia Yahova Wanyala Viosi. Ing'inga yiyi, mutwi gwacho na makono gacho gombi gaali nigavuniki kutura kucho kandi gaali hasi mu kiliango, muviri gweng'ine gwalekwa lidudu.