Mika 1:3 - KITABU KITAKATIFU

³ Yahova yaazaa kutura hatakatifu hehe; aliika hasi na alagenda ku zindongozi zie vigulu.

Mika 1:3 Iomraidhean Croise

Ayubu 40:12

Yee, henza ku avigingiri na uviikizi hasi; duvulanyia vachamu havundu ha vasingira.

Zaburi 115:3

Nyasaye wiitu aveeye mwigulu; akolaa choosi cha alalira.

Isaya 25:10

Yahova alakakingi kiguru cha Ziyoni, navuzwa avandu va Moabu valakaduvagirwi hasi mu kivala chavo, kuli luvuva luduvagirwa hasi mu liliina lie siina.

Isaya 26:21

Yahova yaazaa kutura mu vomenyo vwivwe vwu mwigulu ukuhaana mageri ku avandu vu mulirova kigira uvwoni vwavo. Avandu aviita vandi mu vwivisu ku lirova valavulika, kandi lirova sililavisa yavo avamala kwitwa mba.

Ezekieli 3:12

Maku Roho wa Nyasaye yang'inga igulu, kandi ndaahulira inyima wange muhuumu munene gwu mwoyo ugovolaa ndi, “Uvukumi vwa Yahova mwigulu igulu vwizominywe!”

Amosi 4:13

Nyasaye niyie walomba vigulu ni imbuza. Nyasaye avuuliraa mundu zing'anagani zizie; agirunganyia umbasu kugwa kisundi. Agendaa igulu wi lirova. Lieta lilie liveeye: Yahova Nyasaye Wanyala Viosi!

Amosi 9:5

Yahova Nyasaye Wuvunyali, adiira lirova ma lidegera; Yavo vosi avamenyi mu lio vasioma. Lirova liosi livuuka kandi ligwa kuli mugera gwa Naili.

Habakuk 3:19

Yahova Wuvunyali ambezaa zinguru; akolaa vilenge viange kuva kuli vie kisusu angolaa kuzia igulu ku vigulu vugira kwikigalira. Kandi yasoolaa lwa mbeeye ku vigulu.

Zekaria 14:4

Ing'inga yeyo, Yahova alakasingiri ku kiguru cha muzeituni Ivugwi wa Jerusalemi. Maku kiguru yiki kilakagavukanywe mu haali kaviri, Ivugwi ni madioli. Kilakagavukanywe ni livona linene. Inusu yi kiguru yiki kilakisundi Ivaale kandi inusu kilakisundi Isavaalu.

Kwidzulitsa 32:13

“Yavaleka vamiihi vivala vievigulu, kandi valia iviamo viu mu milimi. Vanyoola uvwuki vwu mbulimu kutura hagati hi zinyanda; kandi misaala ja mizeituni jakola vulahi mu malova gamagina.

Kwidzulitsa 33:29

Ugasiziywi, O, ivi Isiraeli! Siaveeye ho numulala oveeye kuli ivi, ihiiri yahonywa na Yahova? Yahova aveeye kivavi chienyu kandi inguva yinyu alamukinga kandi alamuha liguuta. avasigu vinyu valaza kumuteeva zimbavasi.