Mika 1:16 - KITABU KITAKATIFU

¹⁶ Avandu vi Ivuyuda, muvege amasu ginyu mulisioma kigira vana va mwayaanza. Mwelombe iviole aveene. Kuli indizu, kigira avana vinyu valavugulwa kutura ku munye nukuhirwa mu lihaminywa.

Mika 1:16 Iomraidhean Croise

2 Avami 17:6

Mu muhiga gwa tisa gwi liamiiha lia Hoshea, mwami wa Asiria yagumira Samaria, kandi yaahira Visiraeli mu kivala cha Asiria kuli vahambe. Yaavika valala kuvo vamenye mu lidaala lia Hala, kandi Gozani lidaala liali ahimbi ku Mugera gwa Habori, kandi vandi mu madaala manene ga Medesi.

Ayubu 1:20

Maku Ayubu yasingira naatandula zinguvu zizie mu vovereri. Yavega liisu ku mutwi gwigwe, kandi naagwa hasi mamumama.

Isaya 15:2

Avandu va Diboni vanina ku kiguru ukusiomera hatakatifu haavo. Avandu va Moabu vakuba zikwiri mu vovereri kigira Nebo kandi Medeba; vaavegi mitwi ni zinderu ziavo mu vovereri vonene.

Isaya 22:12

Mwami munene, Yahova Wuvunyali yamulanga muduuki kulira kandi musiome, muvege amasu ginyu kandi mwiviki zinguvu ziamagunia.

Jeremia 16:6

Avatugi navadaka valakuza mu kivala yiki, navuzwa siaveeyeho kali mulala ulivasiomera anoho kuvayavira mba. Siaveeyeho kali mulala ulakikale mwene anoho kovega mutwi gwigwe kumanyia ovovereri mba.

Jeremia 4:8

Kunangwa mwiviki zinguvu ziamagunia, muliri kandi musiome; kigira vutima vululu vwa Yahova vukikiri kugirung'ana kutura ku avandu vi Ivuyuda.

Jeremia 47:5

Ovovereri vonene vumali kuduuka ku avandu va Gaza, na avandu va Ashikeloni vachiring'ani machiriri. Kuduuka ing'inga ki avandu vandi vosi va Filisitia valasioma? kuduuka ing'inga ki?

Jeremia 6:26

Yahova avooreraa avandu veve, “Mwiviki zinguvu ziamagunia na mugalagale muligoke. Musiome vululu kuli unyala kusioma mwana muderwa, kigira oyo uzaa kudiviza munyi nonoho alamwingiira.

Jeremia 7:29

“Musiome, munyi avandu va Jerusalemi, muvege liisu lienyu na mulisiuvi ihale. Mwimbi zinyimbu zie likuza ku zindongozi zie vigulu, kigira inzi Yahova mbeeye nu vutima, mali kusuura avandu vange.

Lisyoma lya Jeremia 2:19

Muvuki mwaniri ku Yahova vudiku vwosi kandi mugambazuri! Muviiki mioyo jinyu imbiri wa Yahova kuli amazi gaviikwa mu kiju. Mugiingi makono ginyu igulu na musaale ku Yahova kigira livamwoyo lia vana vinyu, avakuzaa kigira inzara mu zinzira zie lidaala linene.

Amosi 7:11

Yaga nigo ga Amosi avoora. Jeroboamu aliitirwa mu vulwani, na avandu va Isiraeli valavugulwa kutura mu kivala chavo vahilwe ihale mu liadikizwa.”

Amosi 7:17

Kunangwa, Amazia, Yahova avoora, ‘Mukali woovo alagwa liraya mu lidaala linene kandi avana vovo vayaayi na avakaana valitirwa mu vulwani. Miandu jijo jilagavulanywa nokohevwa avandu vandi; na ivi mwene ulakuzira mu kivala cha avandu vatamanyi Nyasaye. Avandu va Isiraeli navo valavugulwa kutura mu kivala chavo chene nu kuhilwa ihale mu liadikizwa!’ ”

Amosi 8:10

Ndagirung'anyia madiku ginyu giliilia linene kugwa madiku gu kulira nukusioma, nizinyimbu zienyu ziuvusangali zigwi ziukulira novovereri. Ndamulomba muvege mitwi jinyu, na mwiviki zinguvu zia magunia, na mulava kuli aviivuli vasiomera muyaayi wavo muderwa. Lidiku lilava lilulu. Kuduuka ku keheri chalio!

Kwidzulitsa 28:41

Mulivula vana avayaayi na avakaana, navuzwa ulavagotiza, kigira valahirwa ihale kuli avahambe vuvulwani.