Mika 1:12 - KITABU KITAKATIFU

¹² Avandu va Marozi valinda nu vuha konyoora livoholorwa, kigira Yahova umali koleta lidiviza ahimbi ni lidaala linene lia Jerusalemi.

Mika 1:12 Iomraidhean Croise

Ayubu 30:26

Navuzwa lwa ndahenzelera uvulahi, uvudamanu vwaduuka. Kandi lwa ndalindilira nyoore uvulavu, kisundi chaduuka.

Isaya 45:7

Ndaalomba uvulavu kandi kisundi, ndeta uvugasu kandi ikivi. Inzi, Yahova, ngolaa vindu yivi viosi.

Jeremia 14:19

Yahova, ivi umali kusuura Ivuyuda ligali? Umali kudunyira avandu va Ziyoni? Kigira ki ivi umali kusaliriza kunyi vudamanu ligali na si kunyala kohona mba? Kwahenzelera mirembe, navuzwa kindu kilahi si chekoleka mba. Kwegomba kohonywa, navuzwa mu vogono vwene yivwo litihiza liaza.

Jeremia 8:15

Kwahenzelera kove mu mirembe, navuzwa uvulahi sivwaali ho mba; kandi kwahenzelera kove mu mirembe nilihonywa, navuzwa kwaali mu litihizwa.

Amosi 3:6

Kisiriva chu vulwani kinyala kukubwa mu lidaala linene vugira kokora avandu vatie? Kivi kinyala kuduuka mu Lidaala linene ni kitaleteywi na Yahova?

Mika 1:9

Zingwago zia vandu vi lidaala linene lia Samaria sizilahona mba, kandi kivala cha vandu vi Ivuyuda keveeye ahimbi konyoora maduywa kuli ge lidaala linene lia Samaria; lidivizwa liduuki ku virivwa vie lidaala linene lia Jerusalemi liene, wa vandu vange vamenyi.”

Ruth 1:20

Naye yavavolera, “Mutanangi, Naomi mba. Muunange, ‘Mara’ kigira Nyasaye Wanyala Viosi okoli livamwoyo liange kuva lilulu.

1 Samweli 4:13

Eli, uwaali nuvuha kumanya amakuva gi Lisandugu lie Lilagana, yaali niyikaye ku endeve ku lujinga lwi inzira nalindilira. Mundu oyo yalandiza makuva mu lidaala liosi, kandi avandu vosi, sa mulala, vaalira vudinyu nivizuuyi uvuti.