Mika 1:1 - KITABU KITAKATIFU

¹ Ing'inga ya Jozamu, Ahazi kandi Hezekia vaali avami vi Ivuyuda, Yahova yaaha Mika makuva yaga, uwatulaa mu lidaala lia Moreshezi. Yahova yaamuvulira ivindu yivi viosi ku madaala manene ga Samaria na Jerusalemi.

Mika 1:1 Iomraidhean Croise

2 Avami 15:32

Mu muhiga gwa kaviri gwi liamiiha liu mwami Peka, muyaayi wa Remalia kuli mwami wa Isiraeli, Jozamu muyaayi wa Uzia yagwa mwami wi Ivuyuda,

2 Avami 15:5

Na Yahova yakuya mwami Azaria nu vulwaye vudamanu vwo vogere mu livamwoyo lilie liosi. Yamenya munyumba yeeye mwene, na muyaayi weve walangwa Jozamu yamiha nu kukalagira avandu vi Ivuyuda.

2 Avami 16:1

Mu muhiga gwa komi na saba gwa Peka muyaayi wa Remalia yaali kuli mwami wa Isiraeli, Ahazi muyaayi wa Jozamu yagwa mwami wi Ivuyuda.

2 Avami 18:1

Mu muhiga gwa kavaga gwi liamiiha lia Hoshea muyaayi wa Ela kuli mwami wa Isiraeli, Hezekia muyaayi wa Ahazi yagwa mwami wi Ivuyuda.

2 Kyetsinyinga 28:1

Ahazi yaali ni mihiga 20 lwa yaatanga kwamiiha, na yamiha ku mihiga 16 mu Jerusalemi. Si yalonda liiva lilahi lia guuga weve Daudi mba. Yakola gaali madamanu imbiri wa Yahova.

2 Kyetsinyinga 29:1

Hezekia yaatanga kwamiiha kuli mwami wi Ivuyuda naveeye ni mihiga 25, yamiha mu Jerusalemi ku mihiga 29. Mama weve yaali Abija, mukaana wa Zakaria.

Isaya 1:1

Kitabu yiki keveeye mu na makuva kigira Ivuyuda na Jerusalemi aga Nyasaye yavulira Isaya muyaayi wa Amozi, ing'inga lwa Uzia, Jozamu, Ahazu na Hezekia vaali avami vi Ivuyuda.

Isaya 1:2

Yahova yavoola, “O, munyi lirova ni ligulu, muhuliri cha mboraa! Avana va ndaavirukiza vamali kwibaala ku inzi.

Isaya 7:1

Lwu mwami Ahazi, muyaayi wa Jozamu na umwisukulu wa Uzia, yaali niyamiha Ivuyuda, uvulwani vwatanga. Rezini, mwami wa Siria, na Peka muyaayi wa Remalia mwami wa Isiraeli, vingilira lidaala linene lia Jerusalemi, navuzwa sivanyala kuligumira mba.

Isaya 7:9

Kivala cha Isiraeli sikeveeye ni zinguru kuvita Samaria, lidaala linene liacho mba, kandi Samaria siliveeye nizinguru kuvita mwami Peka mba. “Niiva ulavula kusuuvira, ulaguutwa.”

Jeremia 26:18

“Lwa Hezekia yaali mwami wi Ivuyuda, muporofeti Mika wa Moreshezi yavolera avandu vosi ndi Yahova Wuvunyali amali kovora, ‘Ziyoni yaza ilimwi kuli mulimi, Jerusalemi neeve kuli kitumi cha mang'anye, kandi kiguru chi Litembeli nakigwi mulitu!’

Hosea 1:1

Yili ni likuva lia Yahova yamoloma ku Hosea mwana wa Beeri mu ing'inga ya Uzia, Jozamu, Ahazi, na Hezekia vaali avami vi Ivuyuda, kandi mu ing'inga ya Jeroboamu mwana wa Jehoashi yaali mwami wa Isiraeli.

Hosea 4:15

“Kali niiva munyi avandu va Isiraeli simuveeye avasuuvirifu ku inzi mba, vwakaveeye vulahi avandu vi Ivuyuda valavula kuva nilihiolo kuli yili. Mutasigamira ha Giligali anoho Bezaveni mba, anoho mutalomba malagano ku Yahova oveeye mwoyo mba.

Hosea 8:14

“Avandu va Isiraeli vamali kwumbaka zinyumba ziuvwami, navuzwa vayivilira mulombi wavo. Avandu vi Ivuyuda vamali kwumbaka madaala manene gi zimbinga. Navuzwa inzi ndasamba zinyumba ziavo ziu vwami kandi madaala gaavo manene.”

Amosi 1:1

Yaga na amakuva ga Amosi uwaali mulala ku avayi kutura mu lidaala lia Tekoa, agayalola ku Isiraeli mu madiku ga Uzia mwami wi Ivuyuda, nu mumadiku ga Jeroboamu muyaayi wa Jehoashi mwami wa Isiraeli, mihiga giviri imbiri we lidegera lie lirova. Nyasaye yalolekiza vindu yivi viosi ku Isiraeli.

Amosi 6:1

Oh, vayaayi, kivi keveeye ku yavo averemerizaa mu jerusalemi kandi ku munyi avalolaa muveeye ni mirembe ku kiguru cha Samaria, munyi avasaza vanene ava ihiiri enene yiyi, Isiraeli, munyi ava avandu vazizaa kuvo ukwenya ovokonyi!

Mika 1:5

Yaga goosi galakoleka kigira avandu va Isiraeli vamala kokora uvwoni nu kwibaala imbiri wa Nyasaye. Ivwaha unyala kudulwa kigira libaala lia avandu va Isiraeli? Ni Samaria, lidaala linene liene! Ivwaha ololekiywi kuva wi vifananyi viu vunyasaye mu Ivuyuda? Ni Jerusalemi lidaala linene liene!

Mika 3:9

Mumbulirizi, munyi avamihi va Isiraeli, munyi avadunyiraa likalaga liuvulungi nukuchaminya malungi kugwa amadamanu.

Habakuk 1:1

Yaga na makuva ga Yahova yavulira muporofeti habakuki.

2 Petro 1:21

Voporofeti si vwaza ku vulaliri vwu mundu, navuzwa avandu vanyoola Roho Mutakatifu lwa vamoloma amakuva gaturaa ku Nyasaye.