Matayo 9:2 - KITABU KITAKATIFU

² Hene yaho, vamuleetera umundu waali ni yaafogoya, naagoni ku kidali chiche. Lwa Yeso yalora lisuuvira lia vaali nalio, yavolera umundu wafogoya oyo, “Lema mwoyo, mwana wange! Usamihiywi uvwoni vuvwo.”

Matayo 9:2 Iomraidhean Croise

Kohelethu 9:7

Uzizagiliri kulia chukulia chicho kandi usangale; Unwi iwaini yooyo kandi ove nu vusangali. Goosi gaveeye malahi ku Nyasaye.

Isaya 44:22

Mali kweya vwoni vuvwo kuli lilesi. Wirane ku inzi, kigira mali kokohonyi.”

Matayo 14:27

Nonoho Yeso yamoloma kuvo navoora “Muleme mwoyo! Ninzi! Mutatia mba!”

Matayo 4:24

Kunangwa, ulusuma lwa Yeso lwalanda mu Siria mwosi. Avalwaye vosi avaari ni zinguzu zie zing'ano ziosi nu vusaliri lugano, avaari na mademoni nindulumi kandi avaalema vaahirwa kuye, naye yavahonyia vosi.

Matayo 6:12

Ukusamihi uvwoni vwitu, kuli kunyi kusamiiha avakwoneraa.

Matayo 8:10

Lwa Yeso yahulira yaga, yaagenya ligali navolera avandu vaali ni vamulonda, “Agiligali muvooleraa, ngikiri konyoolaku umundu woosi mu Isiraeli oveeye ni lisuuvira kuli yili.

Matayo 8:16

Lwa gwaduuka mugolova, vamuleetera avandu vanyingi ava mademoni gaali ni gaagumira. Naye kulivoola likuva vuzwa, yaagakunga. Na yahonyia vosi avaari avalwaye.

Matayo 9:22

Maku, Yeso yikivuka naamulora, namuvolera, “Mukaana wange, lema mwoyo! Lisuuvira liilio limali kukohonyia.” Mukali oyo yahona ing'inga yene yeyo.

Matayo 9:5

Iliveeye iliangu ligali ni liliha: okovoola, ‘Usamihiywi uvwoni vuvwo’ anoho okovoola, ‘Singira, ogeende?’

Matayo 9:6

Navuzwa nyenya muduuki kumanya ndi Umwana wa Adamu aveeye ni zinguru kusamiiha avandu uvwoni mu kivala.” Kunangwa yavolera mundu uwafogoya, “Singira ugingi kidali chicho, uzie yengo!”

Marko 1:32

Lwi iliuva liayera, valetera Yeso avalwaye vosi, harara na vaali na mademoni.

Marko 10:49

Yeso yasingira navoora, “Mulangi.” Na valanga umboku oyo ni vamuvolera, “Lema umwoyo! Singira, Yeso akulangaa.”

Marko 5:34

Yeso yamuvolera, “Mukaana wange, lisuuvira liilio likohonyi. Zia ni mirembe na ohone ligali.”

Marko 6:50

Vosi lwa vamulola, vaadegera ligali. Nonoho Yeso yamoloma kuvo navoora, “Lemi mioyo, ninzi. Mutatia mba!”

Yohana 16:33

Mali kovora yaga kunangwa munyi muduuki kuva ni mirembe ku lihambanywa ninzi. Mu kivala mulanyola lidambizwa; navuzwa muleme mwoyo! Inzi mali kuguuta kivala!”

Yohana 2:25

Si yenya mundu amulolekizire amakuva gu mundu wundi mba, kigira mwene yamanya vulahi amakuva goosi agaali mu mioyo jaavo.

Yohana 21:5

Maku, Yeso yavateva, “Avana, mukagumiyi ku zisuzi ziosi naho?” Vaamutivulira, “Awa.”

Vikolwa 14:9

Mundu uyu yahulirizaa ligali lwa Paolo yilwaza. Paolo yamwumika vudinyu, kandi lwa yamulola naveeye ni lisuuvira lio kohonywa,

Vikolwa 19:12

Kali avandu vaavugura vitambaya ni zinguvu zindi ziatula ku muviri gwa Paolo yatumikiraa, nivahilira avalwaye vaavo, navo vahonywa vulwaye vwavo; na vandu avaari na mademoni gaturaa kuvo.

Vikolwa 23:11

Uvudiku vwalonda ku; Mwami Yeso yasingira himbi na Paolo navoora, “Uleme mwoyo, kandi uluviliri; kigira kuli ulolekizi inzi mu Jerusalemi ulandolekiza kandi mu Rumi.”

Varumi 5:11

Si gaveeye yaga geng'ine, navuzwa kandi kusangara mu Nyasaye kuvitira mu Mwami wiitu Yeso Kristo, umali kukuhambanyia na Nyasaye.

Yakobo 2:18

Navuzwa mulala alavoora, “Umundu mulala aveeye ni lisuuvira, nu wundi aveeye ni likora.” Manyia kuli mulala anyala kuva ni lisuuvira vugira ivikolwa, ninzi ndakumanyia lisuuvira liange ku vikolwa viange.