Matayo 9:12 - KITABU KITAKATIFU

¹² Navuzwa lwa Yeso yaavahulira, yavoola, “Avenyaa umwahi wi zinyasi ni yavo avaveeye avalwaye; sivali avaveeye avalamu mba.

Matayo 9:12 Iomraidhean Croise

Zaburi 147:3

Ahonyia avi mioyo jidedekee, kandi avoheleraa zingwagu ziavo.

Zaburi 41:4

Ndavoora, “O, Yahova, mali kukwonera, ombere zimbavasi, na ombonyie.”

Zaburi 6:2

Ombere zimbavasi, O, Yahova! Zinguru ziange zifeye ombonyie kutura mu vulwaye vwange, O, Yahova,

Jeremia 17:14

O, Yahova, ombonyie na ndahona ligali; osoore na inzi ndahona ligali. Ivi niye wa inzi nzizominyanga!

Jeremia 30:17

Inzi ndamukora muve vulahi kandi; ndahonyia zingwago zienyu, kali nbiiva vasigu vinyu vavoola, ‘Ziyoni imali kolekwa; umundu kali mulala sialivahendera mwoyo mba.’ Inzi, Yahova mali kovora.”

Jeremia 33:6

Navuzwa ndahonyia lidaala yili kandi ndilanyia avandu valio nu kuvaha uvulamu. Valamenya mu mirembe kandi mu likingwa liange.

Jeremia 8:22

Lunyasi luvulaho mu Gileadi? Avaahi vi zinyasi vavulayo? Kigira ki avandu vange sivanyooye lihona mba?

Hosea 14:4

Yahova avoora, “Inzi ndahonya kandi ndilanyia vandu vange ku inzi mwene. Ndavayaanza nu mwoyo gwange gwosi; kandi si ndava nu vutima navo mba.

Matayo 18:11

Mwana wa Adamu yaza kohonyia avaagota.]

Marko 2:17

Lwa Yeso yahulira, yavavolera, “Avandu avalamu si venya umwahi wi zinyasi mba, navuzwa avamwenyaa ni yavo avaveeye avalwaye. Sindaaza kulanga avalungi mba, navuzwa ndaaza ku avoni.”

Luka 5:31

Yeso yavativulira, “Vandu vaveeye avalamu sivenyaa mwahi wi zinyasi mba; navuzwa avamwenyaa nivaveeye avalwaye.

Luka 8:43

Mukali waali niyalwala vulwaye vwukutaza masahi ku mihiga likomi na mbiri yaali mu kiduma. Mukali oyo yamala ivindu vivie viosi ku avaahi vi zinyasi; navuzwa kali mulala siyaali anyala kumuhonyia mba.

Luka 9:11

Navuzwa lwi viduma via avandu vamanya yaga, vamulondelera. Yeso yavingiriza navavoolera amakuva guvwami vwa Nyasaye, kandi yahonyia yavo avaari ni lienya vahonywe.

Vakolosai 4:14

Luka mwahi wi zinyasi muyanze, na Dema vamuchelizi