Matayo 8:3 - KITABU KITAKATIFU

³ Yeso yanyira mukono gwigwe, namudiira, navoora, “Nyenya! Ohone.” Nonoho umundu oyo yahonywa vogere vwivwe.

Matayo 8:3 Iomraidhean Croise

Litanga 1:3

Maku Nyasaye yalaga, “Uvulavu voveho,” na uvulavu vwaliho.

2 Avami 5:11

Navuzwa Naamani yatura ho nu vutima ovonene navoora, “Nganaganangi ndi alatula ichova kuuza ku inzi, asaale ku Yahova Nyasaye weve, kuhavatiza mukono gwigwe ahe liguli liveeye no kombonyia ovogere vwange!

2 Avami 5:14

Kunangwa Naamani yasulunguta kuzia mu mugera gwa Jorodani, ni yiyinamu umwene haali saba kuli muporofeti yavoola, na yahonywa ligali. Inyama yu muviri gwigwe yagwa indinyu kandi yu vulamu, kuli gwu mwana mudoto.

Zaburi 33:9

Lwa Yahova yamoloma likuva, lirova lialombwa. Ku lilaga lilie, vindu viosi vialoleka.

Kutwula 4:7

Maku Yahova yavoola, “Yiranyia mukono gugwo mukwaaha kandi.” Yakola ndio, na ulwayagutuliza ichova ing'inga yiyi, gwaali vuzwa mulamu kuli muviri gwigwe.

Matayo 12:13

Maku yavolera mundu oyo, “Nyira mukono gugwo.” Naye yanyira mukono; nagwo gwahona, niguva kuli ugundi.

Marko 1:41

Yeso yiizurwa novovereri, nanyiira umukono namudiira, namuvolera, “Nyenya utakaswe!”

Marko 4:39

Yeso yavuka naagondokera imbuza, navoora “Kiring'ana! Lengela!” Imbuza yalekera, na gwaali umulengera munene.

Marko 5:41

Yagumira umwana mukono namuvolera, “Talitakumi,” iliveeye kovora, “Mwana mukaana, ngovolera uvuki!”

Marko 7:34

Inyima yahenza mwigulu natuula umwika, namuvolera, “Efaata,” iliveeye kovora, “Igulika.”

Marko 9:25

Yeso yalora avandu nivisuunda ahimbi kuvo ma yagondokera ilidemoni navoora, “Ivi lidemoni litamolomaa ni liahana matu, ngulaga, tula mu muyaayi uyu kandi utingira muye kandi!”

Luka 4:27

Mu kivala cha Isiraeli mu madiku gu muporofeti Elisha vaali ho avagere vanyingi. Navuzwa siyaali ho watakaswa natali Naamani mundu wa Siria.”

Luka 5:13

Yeso yanyira mukono gwigwe, namudiira navoora, “Nyanza! Takaswa!” Ahene yaho ovogere vwatula ku mundu oyo

Luka 7:14

Kunangwa Yeso yisunda ahimbi, nadiira ku lisandugu, yavo avaari nivagingi muviri vasingira. Yeso yamuvolera, “Musoleri, ngovolera, Vuka!”

Yohana 11:43

Lwa yamala kusaala munzira yiyi, Yeso yahanzuka nu mwoyo munene, “Lazaro! Tula ichova!”

Yohana 15:24

Niiva sindaakola vindu viu mundu wundi akikiri kokora ku hagati haavo, ngano sivakakoli vwoni mba; navuzwa kalunu vamali kolola kandi kunduyira harara na Baba wange.

Yohana 5:21

Kuli Baba asimugukizaa avakuzu nu kuvaha livamwoyo, kandi nindio mwana ahaanaa livamwoyo ku yavo avaayaanza.