Matayo 8:2 - KITABU KITAKATIFU

² Maku umugere mulala yaza na musigamira, navoora, “Mwami, nuyanza unyala kombonyia!”

Matayo 8:2 Iomraidhean Croise

2 Samweli 3:39

Kali niiva inzi mbeeye mwami waatovolwa na Nyasaye, mbeeye mudedekere lero. Avayaayi va Zeruya yava vaveeye avandu vu kutumikira zinguru ligali kuvita inzi. Nyasaye ahaane amageri kuvo kuli gavadukiraa.”

2 Avami 15:5

Na Yahova yakuya mwami Azaria nu vulwaye vudamanu vwo vogere mu livamwoyo lilie liosi. Yamenya munyumba yeeye mwene, na muyaayi weve walangwa Jozamu yamiha nu kukalagira avandu vi Ivuyuda.

2 Avami 5:1

Naamani, munene wi liihi liu mwami wa Siria yaali mundu munene wayanzwa kandi wahevwa luyali ligali nu mwami wa Siria, kigira kuvitira ku Naamani, Yahova yaali ni yahaana liguuta ku amahi ga Siria. Yaali musikari munene ligali, navuzwa yalwala ovogere.

2 Avami 5:27

Na kalunu, ovogere vwa Naamani vulaza ku ivi, na ivi harara ni visukululwi vovo mulava navwo mihiga ni mihiga!” Lwa Gehazi yatura, yaali novogere, ligodo lilie liali lilavu kuli likonza.

Livalidza 12:10

Lwi lilesi liatura ku Lihema, nonoho muviri gwa Miriamu gwaali nu vulwaye vwo vogere, kandi gwagilung'ana ni gugwa mulavu kuli likonza. Lwa Haruni yahenza nalora Miriamu aveeye novogere,

Matayo 10:8

Muhonyie avalwaye, mu simugukizi avakuzu, mutakase avagere, mukungi amademoni. Muheveywi vuzwa, na munyi muhaane vuzwa.

Matayo 13:58

Kigira yaga, Yeso siyaakola ho vilolekizu vinyingi mba, kigira ilivula kusuuvira liavo.

Matayo 14:33

Vosi avaari mu liato vaasigamira Yeso, ni vavoola, “Ligali ivi oveeye Umwana wa Nyasaye.”

Matayo 15:25

Navuzwa mukali oyo yaza nasigama imbiri weve, navoora, “Mwami, ongonye!”

Matayo 18:26

Kunangwa umutumikiri oyo yagwa hasi ku maru geege navoora, ‘Mwami, ombere zimbavasi na inzi ndakutunga iligovi liosi!’

Matayo 2:11

Vingira munyumba, ni valora umwana na Maria mama weve; na viinama imbiri weve ni vamusigamira. Vavoholora iziakiiba ziavo, ni vamuha vihaanwa viezahabu, ikimuli na manemane.

Matayo 20:20

Maku mama wa avana va Zebedayo yaza ku Yeso, harara na vana veve, namwinamira, kandi naamusava kindu kilala.

Matayo 26:6

Lwa Yeso yaali ha Bezani munyumba ya Simoni, uwaali niyalwala ovogere,

Matayo 28:17

Lwa vamulola vaamusigamira kali niiva avalala kuvo vahayahayiza.

Matayo 28:9

Lwa vaali nivazizaa kovoolera aviigi veve, nonoho Yeso mwene yagana navo navacheliza; “Mirembe ku munyi.” Vakali yavo vazia kuye, ni vagumira ku virenge vivie, kandi vaamusigamira.

Matayo 4:9

Na yamuvolera, “Vindu yivi viosi ndakuha, niiva ulagwa hasi ma usigamiri.”

Matayo 8:1

Lwa Yeso yasulunguta kutura mu kiguru, ividuma vinene viamulonda.

Matayo 8:25

Aviigi vazia kuye nivamuvukiza nivavoora, “Mwami okohonyie, kudivaa!”

Matayo 9:18

Lwa Yeso yaali nakevoola amakuva yaga kuvo; munene mulala Muyuda yaza kuye, nasigama imbiri weve navoora, “Mukaana wange yakakuza ulwene yilu. Nuyanza hamba uviiki mukono gugwo kuye, naye alasimuguka.”

Luka 4:27

Mu kivala cha Isiraeli mu madiku gu muporofeti Elisha vaali ho avagere vanyingi. Navuzwa siyaali ho watakaswa natali Naamani mundu wa Siria.”

Yohana 9:38

Mundu oyo yavoola, “Mwami, suuviyi!” Ma nasigamira Yeso.

Vikolwa 10:14

Petero yativura navoora, “Awa, Mwami, inzi ngikiri kulia ku ikindu kivi anoho kidamanu mba.”

Vikolwa 10:25

Lwa Petero yaali ni yingiraa, Korinelio yazia ichova kumwaganira, yagwa ku amaru imbiri weve naamusigamira.

1 Vakorintho 14:25

Agaviswa gu mu mwoyo mwimwe galaloleka havulavu, naye alasigama nu kusaala Nyasaye nokovoora, “Agiligali Nyasaye aveeye hagati hinyu!”

Likunula 19:10

Ndaagwa hasi mamumama havirenge vivie, kumusigamira. Navuzwa, yambolera, “Utakola ndio mba! Inzi mbeeye vuzwa mutumikiri wacho, kandi uwavamwavo vovo, yavo vosi avagumira agiligali ga Yeso yalolekiza. Usigamiri Nyasaye!” Kigira agiligali ga Yeso yaavuula, nigo agadinyirizaa avaporofeti.