Matayo 7:7 - KITABU KITAKATIFU

⁷ “Musaale, na mulahevwa, mwenye, na mulanyola; mwigulihizi, na mu ligulirwa kiliango.

Matayo 7:7 Iomraidhean Croise

Litanga 26:32

Ku lidiku yilio avatumikiri va Isaka vaza ni vamuvolera kigira kidaho cha vaali nivayavi. Vavoola, “Kunyi kumali konyoora mazi.”

1 Avami 3:5

Vudiku yivwo, Yahova yaloleka kuye mu maloto kandi namuteeva, “Wakayaanzi ngohe kindiki?”

Zaburi 10:17

O, Yahova, ivi uhuliraa lisaala lia yavo avaveeye vahocha; ivi ulavadinyiriza.

Zaburi 10:4

Mundu muchamu siahendera Yahova mwoyo mba; mu liegingira lilie, umudamanu aganagana ndi, “Nyasaye siaveeye ho.”

Zaburi 119:12

O, Yahova nzizominyaa ivi; unzigizi malago googo.

Zaburi 27:8

Lwa ivi wavoola, “Hamba usigamire,” Ndaativura, O, Yahova, “Ndaaza.”

Zaburi 34:4

Inzi ndasaara ku Yahova, naye yandivulira; yaamboholola kutura mu uvuti vwange vwosi.

Zaburi 37:4

Wenyelerizi uvuyanzi vwa Yahova, naye alakuha viosi via wenya kutura kuye.

Zaburi 50:15

Mwaniri ku inzi mu ing'inga yu vudinyu, na inzi ndamuhonyia, na munyi mulanzizominya.”

Zaburi 69:32

Lwa vandu vadambizwa valora yaga, valava nu vusangali; kandi yavo avasigamiraa Nyasaye valadinyirizwa.

Zaburi 70:4

Leka yavo avaazaa ku ivi, vasangale kandi vayanze. Leka yavo avaveeye nilisandiza kigira ovohonyi vuvwo, vavoole kazozo, “Nyasaye aveeye munene ligali!”

Zaburi 86:5

Ivi oveeye mulahi ku kunyi, kandi usamihaa uvwoni vwitu, wayizula uvuyanzi vutaveeye ne keheri ku yavo vosi avasaalaa ku ivi.

Tsing'ano 8:17

Nyanza yavo vanyanza; uyu onyenyaa alanyoola.

Lwimbu lwa Solomoni 3:2

Ndagendagenda mu lidaala linene liosi ndavitira muzinzira nu tuzira tungerere. Ndenyeleriza oyo wandayaanzaa. Ndenyeleriza navuzwa sindamunyoora mba.

Isaya 30:19

O, munyi avandu va Ziyoni, avamenyi mu Jerusalemi, si mulasioma kandi mba. Yahova aveeye wizimbavasi, kandi lwamumwanira amukonye, alamutivulira.

Jeremia 33:3

“Waniri ku inzi, na inzi ndakutivulira. Ndakovolera vindu vinene ligali kandi viaviswa via ivi utamanyi mba.

Amosi 5:4

Yahova avoora ku vandu va Isiraeli, “Mwilane ku inzi na mulahona.

Matayo 18:19

Inzi muvooleraa, vaviri ku munyi nivavugilirzana mu lirova muno ku kindu choosi cha vasaala, Baba wange oveeye mwigulu alavakolera chazana.

Matayo 21:22

Ni muva ni lisuuvira, kindu choosi chamuteeva mu lisaala mulakenyoola.”

Matayo 6:33

Kunangwa mwenye kutanga uvwami vwa Nyasaye, nu vulungi vwivwe; na ivindu yivi viosi muladasirwa.

Matayo 7:11

Niiva munyi, kali ni muveeye avadamanu, mumanyi kuhaana ku avana vinyu ivindu vilahi, Baba winyu oveeye mwigulu sialakira kuhaana ivindu vilahi ligali ku yavo vosi avateevaa kutura kuye!

Matayo 7:8

Kigira ku vosi usaala, ahevwa; na uwenyaa, anyoora; na uwigulihizaa, yigulirwa.

Marko 11:24

Kulwayago muvooleraa, ku kindu choosi cha muteeva mu lisaala, musuuviri ligali mukenyooye, na mulahevwa.

Luka 13:25

Mwene inyumba alasingira kandi ahane kiliango; maku lwa munyi musingiraa ichova nukwigulihiza kukiliango nimuvoora, ‘Mwami, kwiguliri!’ Alamutivulira, ‘Inzi simanyi wa muturaa mba.’

Luka 18:1

Maku, Yeso yavolera vigi veve lugano kuvamanyia ndi, gavadukiraa vasaale kazozo vugira kuluha.

Yohana 15:16

Munyi simwandovola mba; navuzwa inzi ndamutovora kandi nimutuma muzie kwama makuyu manyingi kandi makuyu ginyu gahindiri; kunangwa Baba aduuki kumuha choosi cha muteeva mu lieta liange.

Yohana 15:7

Nimumenya mu inzi na amigizu gange nigamenya mu munyi, musaale choosi cha mwenya na munyi mulahevwa.

Yohana 4:10

Yeso yamutivulira, “Niiva wakamanyi kihanwa cha Nyasaye ahaanaa na nivwaha okoteeva, ‘Mbe ku amazi nwi,’ ngano wakamuteevi naye alakuha amazi gi livamwoyo.”

Varumi 2:7

Avandu valala avazizagilira kokora vulahi venyelerizaa uvukumi, uluyali kandi lihindira. Nyasaye alavaha livamwoyo litahera mba.

Varumi 3:11

siaveeyeho nu mugeri, anoho usigamiraa Nyasaye.

Vahebraina 11:6

Vugira lisuuvira, mundu sianyala kuyaanziza Nyasaye mba. Ku vosi uzaa ku Nyasaye gamudukira ave nilisuvira ndi Nyasaye aveeye ho kandi niyie muhaani wa madanyi ku yavo avamwenyaa.

Yakobo 5:15

Lisaala lie lisuuvira, lilahonyia umulwaye. Mwami alamuvukiza, nu kumwilanyira vulamu, kandi uvwoni vwa yakola vulasamiifwa.

1 Yohana 3:22

Kunangwa viosi viakusaala kuye, kuvinyooraa, kigira kuhuliraa amalago geege, kandi kokoraa vindu vimuyaanzizaa.